تجربه نيسان Gt-r بواسطه ايدموندز

**فادى** · 18-01-2008 12:08 AM

"يعنى لو بتسأل اية الطابع المميز لليابانى أقولك الاعتمادية الأعلى بكتير من الاوروبى و الامريكى مع الامكانيات العالية بسعر مناسب

انتا ممكن تجبلى اى شركة عملت موتور 2000cc بيولد 237حصان عند 9000rpm توليد طبيعى من غير شواحن زى اللى فى الهوندا S2000
"

أقولك الى مشهور بالاعتمادية هو الألمانى و الفرنساوى (بيجو فقط) ديه العربيات المشهورة بالاعتمادية و الى معروف عنها الاعتمادية, أما اليابانى فمسمعتش عن حد قال انو مميز من ناحية الاعتمادية قبل كده!

أما بالنسبة لموضوع الهوندا فحضرتك مقريتش الأرقام صح و مفهمتش ليه الموتور بيطلع القوة ديه , و ديه مشكلة غير المتخصصين لما بيتكلموا عن السيارات :
أولا محرك هوندا س2000 بيولد 237 عند 7800 أر بى أم مش 9000 لأن مفيش محرك ممكن يوصل ل9000 ار بى ام يتكسر حضرتك!
ثانيا هاتلى العزم , العزم 207 نيوتن عند 7500 ار بى ام!!!! يا لهوى ده رقم مهول و ده معناه ببساطة :
حضرتك هتضطر توصل ل7500 لفة عشان تاخد العزم الأقصى, و معناه انو عشان العربية تجرى شوية أو حتى تطلع كوبرى لازم توصل الموتور لعدد اللفات ده.
حضرتك موتور على هذه الشاكلة عمره الافتراضى لن يتعدى ال100 ألف كيلو لو حضرتك سواقتك كويسة.
مش كده و بس, الموتور قوته القصوى عالية , ده صحيح, و لكن مين قاللك انك هتاخد ال237 حصان, انت هتمشى على عزم و قوة حصانية أقل من كده بكتير لأنك فى معظم الوقت هتكون ماشى على 3000-6000 ار بى ام , و مش هتستغل القوة ديه الا فى فترة قليلة جدا.
بصراحة تصميم محرك بهذا السوء هو نوع من التهريج من هوندا و لا بأس فليس على اليابانيين من حرج.
هم ارادوا صنع سيارة رياضية من محرك 2000 سى سى و ده عشان تبقى رخيصة و تأكد لو كان من الممكن صنع محرك 2000 سى سى يولد هذه القوة من دون تأثير على عمره و و لا على شكل أداءه لوجدت السيارات كلها من فيرارى و لمبرجينى و بورش عملت نظام تخسيس لمحركاتها من 5000 و 4000 سى سى ل3000 و 2000 سى سى , ادى الفرق بين اليابانيين و الأخرين, اليابانيين بيهرجوا و عاوزين يطلعوا أرقام كويسة و خلاص و الناس الغير متخصصة هتشوف الرقم 237 من غير ما يعرفوا ازاى و ايه المقابل و العربية رخيصة و يلا عالبركة.

**أبو عبدالله** · 18-01-2008 12:41 AM

أما اليابانى فمسمعتش عن حد قال انو مميز من ناحية الاعتمادية قبل كده!

-----

يعني كل كلامنا ده والمواضيع اللي طالعه ونازله وناس تصحى وناس تنام وناس تسافر وناسي تيجي وناس تشتري عربيات وناس تبيع عربيات وده كله وتقولي مسمعتش ان حد قال ان الياباني مميز في الاعتمادية يا خرابيييييي يا راجل

طيب انا هقولك احنا ناس جواسيس من اليابانيين
طيب ممكن تشوف الناس دي بتقول ايه وبيتكلمو في ايه كده وتقولي هما جواسيس زينا ولا ايه النظام

http://answers.yahoo.com/question/in...AAPnaPl&show=7

وهنا الطلبة الالمان بيقولوا ايه

http://www.theautochannel.com/news/d...news03497.html

**PRO-DRIVE** · 18-01-2008 12:58 AM

:Dيا عم فادي انت عارف اساسا وزن اس 2000 كام قبل ما تقعد تقول عزم و كدا ؟؟

بيجو هي اشهر مركات اعتماديه :) بسم الله ما شاء الله

في تقرير الملاك جي دي باور

كل اللي اشتراها مدينها تقييمات حلوه اوي :) متربعه علي عرش المؤخره في الجدول :)

( دي مجوع اراء اللي اشتروا العربيه ها :) )

بس اظاهر بيجو محططلهمش صناديق فلوس كبيره في العربيه :)

بقي بيجو هي الاعتماديه :)

طيب تقولي فين بيجو في امريكا ؟؟ فين بيجو في الصين ؟؟ فين بيجو في اليابان ؟؟

فين بيجو في المانيا ؟؟ فين بيجو حتي في انجلترا و فرنسا :)

ادي اكبر الاسواق يا عم

طيب فين بيجو الجديده في مصر

حتقولي غاليه

حقولك عربيات بسعرها كتير و ارخص منها بنشوفها يوميا :)

اقولك بسيطه :)

اكتب في جوجل

peugeot reliability

اعملك برنت سكرين طلعلي ايه ؟؟

**Chicco** · 18-01-2008 02:20 AM

أما اليابانى فمسمعتش عن حد قال انو مميز من ناحية الاعتمادية قبل كده!

يا للهول (على طريقة يوسف وهبي )
فادي باشا مش عارف ديه أجمد ولا شاهين اللي أحسن من الكورولا أجمد
في إنتظار حساباتك يا باشا ;)

**PRO-DRIVE** · 18-01-2008 02:43 AM

المشاركة الأصلية كتبت بواسطة Chicco

يا للهول (على طريقة يوسف وهبي )
فادي باشا مش عارف ديه أجمد ولا شاهين اللي أحسن من الكورولا أجمد
في إنتظار حساباتك يا باشا ;)

انت مش عارف ان الناس بتقول اللي عاوز يضيع فلوسه و يعمل علاقات مع الصنايعيه :D

يشتري ياباني علطووووووووول :D

دا انت بس خد لفه في علي الميكانيكيه حتلاقيهم بيفهموا في الياباني بقي زي 128 كدا :) بالظبط

ماهي من كتر ما بتعطل و هما شغالين فيها :)

اهو منها بعزقه فلوس و منها تعمل اصدقاء :D

بس واضح ان الاستاذ فادي حتي مسمعش مش سمع و مصدقش :D

انصحك يا استاذ فادي تقرا تقارير الجوده و اراء الملاك

انا حاطط موضوع عن التيما :) اكتر سياره في العالم ملاكها راضيين عنها

بس مفيهاش جوده :)

**فادى** · 18-01-2008 03:40 AM

"بيجو هي اشهر مركات اعتماديه بسم الله ما شاء الله

في تقرير الملاك جي دي باور

كل اللي اشتراها مدينها تقييمات حلوه اوي متربعه علي عرش المؤخره في الجدول

( دي مجوع اراء اللي اشتروا العربيه ها )

بس اظاهر بيجو محططلهمش صناديق فلوس كبيره في العربيه

بقي بيجو هي الاعتماديه

طيب تقولي فين بيجو في امريكا ؟؟ فين بيجو في الصين ؟؟ فين بيجو في اليابان ؟؟

فين بيجو في المانيا ؟؟ فين بيجو حتي في انجلترا و فرنسا

ادي اكبر الاسواق يا عم

طيب فين بيجو الجديده في مصر

حتقولي غاليه

حقولك عربيات بسعرها كتير و ارخص منها بنشوفها يوميا
"

هى وصلت لبيجو كمان!!!!
حضرتك سمعت عن عربية اسمها 504؟؟؟! اسأل عنها العربية دى من السبعينات و سعر المستعمل منها بيوصل ل30 و 40 ألف جنيه كمان لحد دلوقتى عارف ليه؟؟
اسأل أى حد عن البيجو فى مصر هيقولك.
ده فيه ناس هنا فى مصر بتفضل البيجو عن البى ام دبليو. بيجو هنا فى مصر اسمها زى البى ام حضرتك و يمكن اسمها هنا فى مصر أحسن من البى ام.
بلاش احنا عندنا بيجو 405. و العربية عاملة حوالى 160 ألف و يمكن أكتر لأن العربية مع أبى مش معايا, المهم حضرتك العربية دى مفتحناش فيها الكبوت و ملهاش غير تغيير زيت و تحط بنزين, و الصيانة الدورية كانت بتتعمل كده حلاوة روح مع انها مش محتاجاها.
أما عن سواقتها فأنا سقتها و بقولك انها أفضل سيارة سقتها فى حياتى , نعومة, قوة , سرعة, ثبات على الطرق السريعة, يا راجل دانا مثبت بيها مرسيدس فئة بى و فولكس باسات و على طريق سريع!! بيجو بقى يا معلم.
معلش أنا عاذرك لأنك مسقتش بيجو قبل كده لما بتسوق بيجو مش هتقول الكلام ده.
و عموما ممكن أكتب عن تجربة قيادتها لتعميم الفائدة.
و ابقى سلملى على الجى دى باور.

**فادى** · 18-01-2008 03:44 AM

"في إنتظار حساباتك يا باشا "

الحسابات قريب جدا ادينى بس وقتى عشان أجمع طرق الحساب و انا بحاول رغم انشغالى الشديد.

**فادى** · 18-01-2008 03:50 AM

"طيب تقولي فين بيجو في امريكا ؟؟ فين بيجو في الصين ؟؟ فين بيجو في اليابان ؟؟

فين بيجو في المانيا ؟؟ فين بيجو حتي في انجلترا و فرنسا "

فى أمريكا أنا قلتلك على فيها احنا الى نعيده نزيده. تأكد انو بيجو لو سابوها فى أمريكا هتقطع اليابانى.
فى الصين معرفش.
فى اليابان الجماعة اليابانيين مانعين 90% من عربيات العالم تدخل عندهم أصلا عشان خايفين على الشركات النونو بتاعتهم.
فى ألمانيا و و انجلترا و فرنسا بيجو موجودة و بكثرة و من أفضل السيارات فى أوروبا لناحية الاعتمادية و الأداء.
دى بيجو يا ريس على فكرة الى يقول حاجة على بيجو يبقى ملوش فى العربيات.
يعنى فيات ممكن نتكلم عليها فيه ناس تحبها و ناس لأ أنا من الى بيحبوا فيات بس فيات ممكن نختلف عليها بس بيجو؟؟!!! استحالة!

**PRO-DRIVE** · 18-01-2008 03:58 AM

هى وصلت لبيجو كمان!!!!
حضرتك سمعت عن عربية اسمها 504؟؟؟! اسأل عنها العربية دى من السبعينات و سعر المستعمل منها بيوصل ل30 و 40 ألف جنيه كمان لحد دلوقتى عارف ليه؟؟

هي بيجو منزله من السماء ولا ايه ؟؟

اه سمعت عن 504 و شفتها

طيب انت قلت نفسك من السبعينات اشتري عربيه من السبعينات ب 30 او 40 الف

ربنا يبارك للي حيشتريها بالسعر دا والله صعبان عليا

ده فيه ناس هنا فى مصر بتفضل البيجو عن البى ام دبليو. بيجو هنا فى مصر اسمها زى البى ام حضرتك و يمكن اسمها هنا فى مصر أحسن من البى ام.

مجرد رأي من الناس محدش ليه دعوه كل واحد يحب او ميحبش عربيه دا براحته

انما ميقولش ان دي حقائق

( بيجو احسن من BMW ها ها )

بلاش احنا عندنا بيجو 405. و العربية عاملة حوالى 160 ألف و يمكن أكتر لأن العربية مع أبى مش معايا, المهم حضرتك العربية دى مفتحناش فيها الكبوت و ملهاش غير تغيير زيت و تحط بنزين, و الصيانة الدورية كانت بتتعمل كده حلاوة روح مع انها مش محتاجاها.

طيب ما الناس هنا قالتلك علي حجات كدا و انت مصدقتش و قلت بيكذبوا :)

يا عم والله والله والله كمان مره

اعرف ليجاسي عامه 250 الف و متغيرلهاش غير الصيانه الدوريه بس :)

و الكورولات و الكامري الي في الخليج تاكسي شغالين زي الحلاوه لحد مليون كيلو بالصيانه الدوريه بس

أما عن سواقتها فأنا سقتها و بقولك انها أفضل سيارة سقتها فى حياتى , نعومة, قوة , سرعة, ثبات على الطرق السريعة

رأيك بالضروره مش لازم يبقي واقع :)

يا راجل دانا مثبت بيها مرسيدس فئة بى و فولكس باسات و على طريق سريع!! بيجو بقى يا معلم.

طيب ممكن تقولي وزن البيجو كام ؟ و وزن الباسات كام و وزن المرسيدس بي كام ؟؟

و وزن البي ام كام ؟؟

عموما قولي دول وزنهم كام و هما اساسا المفروض يبقوا كام سي سي :)

و اساسي انك تسبقهم :)

بس ممكن لو GT-R جت مصر تجرب تقوم معاها ههههههههه

**PRO-DRIVE** · 18-01-2008 04:14 AM

فى أمريكا أنا قلتلك على فيها احنا الى نعيده نزيده. تأكد انو بيجو لو سابوها فى أمريكا هتقطع اليابانى.

يا عم ما انا جبتلك 20 شركه الماني شغاله في امريكا لغايه انهرده :)

بعدين هو ايه اللي مانعهم يدخلوا

و اعتقد ان استاذ سبعاوي حط قبل كدا موضوع انسحاب بيجو من امريكا

لاحظ ( انسحاب ) غير كدا يا عم ادي ويكيبيديا

Take over of Chrysler Europe
The group then took over the European division of Chrysler (which were formerly Rootes and Simca), in 1978 as the American auto manufacturer struggled to survive. Further investment was required because PSA decided to create a new brand for the entity, based on the Talbot sports car last seen in the 1950s. From then on, the whole Chrysler/Simca range was sold under the Talbot badge until production of Talbot-branded passenger cars was shelved in 1986.

http://en.wikipedia.org/wiki/Peugeot

طيب ازاي يجيلهم قلب يتعاملوا مع اللي عملولهم مكيده :(

فى الصين معرفش.

ببساطه ( مفيش )

فى اليابان الجماعة اليابانيين مانعين 90% من عربيات العالم تدخل عندهم أصلا عشان خايفين على الشركات النونو بتاعتهم

معلومه قيمه عمري ما سمعت عنها قبل كدا

بديليل ان مرسيدس عامله مبيعات حلوه جوا اليابان و حتي شيفورليه موجوده

و بي ام كمان مفيش في الدنيا دوله بتمنع شركه من دخولها :)

فى ألمانيا و و انجلترا و فرنسا بيجو موجودة و بكثرة و من أفضل السيارات فى أوروبا لناحية الاعتمادية و الأداء.

دى بيجو يا ريس على فكرة الى يقول حاجة على بيجو يبقى ملوش فى العربيات.

هي بيجو منزله من السماء ؟؟؟ سبحان الله

قول علي الياباني زززززييييييييييي ما انت عاوز بس قول حقيقه متألفش اوهام

و محاربه طواحين فعلا

انا مش عارف شعورك كل ما تشوف هوندا او تويوتا ماشيه في الشارع بتقول ايه :)

يعنى فيات ممكن نتكلم عليها فيه ناس تحبها و ناس لأ أنا من الى بيحبوا فيات بس فيات ممكن نختلف عليها بس بيجو؟؟!!! استحالة

انا مش عارف فيها ايه بيجو دي ؟

اللي ركبتها كتير كانت 405 و كان عقيمه

دي كراون فيكتوريا اللي كنت بتريق عليها كانت برقبتها

:|

الموضوع: تجربه نيسان Gt-r بواسطه ايدموندز

LinkBack

أدوات الموضوع

عرض

-

-

-

-

-

المواضيع المتشابهه

تجربه قياده الضفدعه احم قصدي الفوليستر و يا لها من تجربه

نيسان قشقاي ٢٠١٢ مشكلة تم توضيحها وحلها

اختبار ال Esc للكــروز بواسطه ال EuroNcap

الكلمات الدلالية لهذا الموضوع

المفضلات

المفضلات

ضوابط المشاركة