الموضوع: عيادة أسنان المنتدى (للاستشارة)

المشاركة الأصلية كتبت بواسطة casperinoo

Bien Air الوكيل شركة جيت -أبراج نصر الدين- الهرم 2200 جم
Kavo الوكيل شركة جيمي دنت 1450 جم (بس الأيام دي كله برازيلي)
W&H الوكيل شركة مسكا - الهرم 1350 جم (وفيه ب990 بس بلاش ده)
NSK الوكيل شركة صفوان -10 ش لبنان 800 جم push buttom
700 جم key

w&h فيه ناس اصحابي اتصلو وقالولهم ب 1650 :( :(
وياريت لو حضرتك تعرف ارقام التليفونات تقولي عليهم وجزاكم خير

تليفونات ايه بقى
يبقى أنا اللي قاللي معلوماته مش دقيقة لأنك كلمت الوكيل شخصيا (وعند جهينة الخبر اليقين)
و لو هاتشتري من برا الوكيل أنا ممكن أجيبهالك أرخص (بس أنصحك بالوكيل حتى لو أغلى)

وانت بألف خير يا أبو علي

شوف يا ياسيدي:
- الأسنان اللبنية هما عددهم عشرة في كل فك و هتلاقيهم مفرقين من بعض شويه و ده كويس
- هناك مفهوم خاطئ ان لأسنان دي مش مهمة و(هاتوقع هاتوقع) فيقل الاهتمام بنظافتها و علاجها و ده ممكن يؤثر سلبيا على الأسنان الدائمة التي تكون في مرحلة التكون تحتها. و لذلك برجاء الإهتمام بها عند طبيب أسنان متخصص في الأطفال.
- في خلال العام السادس سوف يظهر (بإذن الله) الضرس الدائم الأول خلف الأسنان اللبنية و هتلاقي حجمه أكبر بشكل ملحوظ و يا ريت تهتم بيه لأنه أهم ضرس في الفم طول العمر .
- خلال السنة الثانية عشرة المفروض كل اللأسنان اللبنية تكون وقعت واتبدلت بأربعة عشر سن دائم في كل فك .
- موضوع التأكد قد يكون صعب شوية لمن ليس له خبرة _بس زيارة للطبيب عند سن 14 سنة تحل الموضوع-.
- ضرس العقل و هو الضرس الأخير (قد) يبدأ ظهوره بين العام السابع عشر و الواحد والعشرين و عدم ظهوره لا يشكل مشاكل غالبا الا إذا مدفونا و منحنيا بشكل غير طبيعي .

- سنناقش الحفاظ على أسنان الأطفال في موضوع منفصل إنشاء الله

ياريت يا دكتور نعرف عنوان العياده فى المنصوره
احسن انا كمان عندى الموضوع عايز يتلحق والا فيها طقم
وانته عارف سلطان بطقم يبقه سلطان مسخره
ههههههههههههههههههههههههه هههههههه

العيادة أجازة للأسف لحين الإنتهاء من الماجستير و الزمالة قريبا انشاء الله
وفي ناس في المنصورة على مستوى عالى ماشاء الله و ضمايرهم ممتازة
ووعد لما أفتح العيادة تاني هاعمللك (قسم فاخر للسلاطين) علشان أعتذر عن عدم قدرتي على خدمة حضرتك

ولو احتجت أي حاجة كلمني و أنا تحت الأمر

طيب يا ريت يا دكتور ترشح لى حد يكون مامون خصوصا من ناحة التعقيم والنظافه
وكل عام وانتم بخير

د. مصطفى ناصف
العيادة في مستشفى الخير - ش قناة السويس
دي انظف عياده من حيث التعقيم و مستوى الأجهزة و الخامات في المنصورة
د. مصطفي رئيس قسم الأسنان بمستشفى القصر الملكي السعودي سابقا
بس العيادة طبعا غالية