انا متشكرة لاهتمام حضرتك جدا .و انا هعترف بأه وهقول الصراحة مع الاسف انا معرفش حتى ايه الفرق بين القربة والرادياتير من ناحية الشكل ... يعنى من الاخر علاقتى بكبوت العربية كده زى علاقة اليابان بالحرنكش كده بالظبط ( ولا الهوا )..
فلو امكن ان حضرتك توضحلى بالصور ازاى اعمل كده هكون متشكرة وطبعا ده لما حضرتك تفضى يعنى مش لازم دلوقتى (بس ياريت فى اسرع وقت قبل عربيتى ماتنهار وانهار انا جنبهاااااااا ):8954[1]:
انا مصدقت حد يشاركنى فى مشكلتى
اما بالنسبة لموضوع السواقة فأنا اول مرة نزلت بالعربية كنت بطلعها من الجراج وده كان فى شارع داخلى. وانا خارجة من الشارع لقيت عربية نص نقل جاية من العكس طبعا انا ارتبكت وقررت انى عمرى ما هتخبط فى العربية ده ولا هخدشها لأن ببساطة الراجل ممكن ينزل ويقولى كلمتين فى العضم --اللى هو نظام بأه الله يخرب بيت اللى علمكوا السواقة --- ماتسيبوا السواقة للى بيفهموا فيها وطبعا انا ولاهقدر انطق .. المهم رحت واخدة شمالى وقلت انا هركن على جنب لغاية اما يعدى بسلامة الله المهم انا عينى كلها على يمينى علشان مااخبطش فيه وفجأة لقيت نفسى رشقت فى عمود حديد من على شمالى وطيرت فانوسين الحمد لله :E_braces[1]: وطبعا السواق بدل ما كنت خايفة منه انه يهزقنى فى الاول لقيتنى صعبت عليه وبيقولى جمدى قلبك يابنتى ... شدى حيلك ---
فعلا بيدى لا بيد عمرو دمرت فانوسين
المهم من ساعتها وانا كل ملاقى نفسى وقعت فى موقف زى ده اروح واقفة دبرياج وفرامل واللى قدامى هو اللى يحلها هو بأه يتاخر ويسلك نفسه لكن يقولى اعملى كذا روحى هنا تعالى هنا ابدا ... والحمد لله النظريةده لغاية دلوقتى ماشية معايا بالرغم انى عارفة ان ده غلط بس على الاقل كبداية انا شايفة انى ماينفعش اعمل غير كده