المشاركة الأصلية كتبت بواسطة esamghanayem
على فكره
بوجيهات ال NGK ال BPR6ES الخلوص بتاعها 8 مم
مش 9 مم ودى البوجيهات المكتوبه فى كتالوج العربيه
ال NGK Iridum IX موديل BPR6EIX فعلا ممتازه ومقاسها مظبوط للانوس
فى ملحوظتين مهمين اوى بالنسبه لموضوع البوجيه التلاته شمعه
الملحوظه الاولى
لو حد قاس ابعاد الاقطاب السالبه من القطب الموجب فى البوجيه التلاته شمعه هيلاقى كل قطب بعده مختلف عن القطب التانى ولو قاسهم هيلاقيهم بالترتيب 8 مم , 9 مم و 10 مم دى ملحوظه
الملحوظه التانيه
الثلاثة اقطاب بيشتغلوا
هنعرفها الزاى دى ؟
من دليلين
1 لوركبت البوجيه التلاته شمعه فتره معقلوه وفكيته هتلاق القطب الموجب ( الاوسط ) متأكل من الثلاثة جهات المقابله للثلاثة اقطاب السالبه
[IMG]
..[/IMG]
2 لو وصلت سلك بوجيه بالبوجيه وهو بره المكنه وطبعا واخد الارضى بتاعه ودورت العربيه وصورته فيديو وبعدين اتفرجت على الفيديو على البطيء جدا كادر بكادر هتلاقى الشراره بتوصل لكل قطب سالب مره مش شغاله على واحد بس ذى ما الناس متخيله ولا بتوصل لكل الاقطاب مره واحده برده
اذن التلاته شمعه مفيد ولاكن للماكينات المخصصصه ليه وانه يشتغل على الانوس فهو مش صح ولا غلط بس اكيد الموصى بيه من المصنع افضل
دى نقطه
النقطه التانيه المهمه اوى جدا
ان كل حرف من حروف اسم البوجيه بيدل على وظيفه معينه
اذاى ؟
يعنى ال R مثلا بتدل ان البوجيه فيه مقاوم ذبذه علشان الكاسيت
وال 6 معناه انه بيشتغل على مقياس 6 من درجات مقياس الحراره الخاصه بالمكنه ( كل بوجيه ليه درجة حراره لغرفة الحريق علشان يدى احسن اداء للماكينه والمقياس من 1 الى 10 بحيث ان 7 بارد و 5 ساخن )
[IMG]
..[/IMG]
طبعا بجانب ان رمز معناه شكل السن ورمز تانى طوله ورمز تالت بيبين مقاس الفجوه
[IMG]
..[/IMG]
اذن النتيجه بوضوح اننا منلعبش ونغير من نوع بوجيه الى نوع تانى بدون علم او لمجرد اننا ظبطنا بعد الاقطاب يبقى خلاص لالالا لأن فيه متغيرات تانيه كتير غير مقاس الفجوه
ولذلك لا انصح بتركيب اتنين او تلاته او عشره شمعه لاننا هنأثر بالسلب على العربيه
طبعا ده رأى شخصى غير ملزم لاى شخص
ومستنى رأيكم برده اللى مقتنع بالكلام يقول واللى مش مقتنع يقولنا ليه ويوضح لنا وجهة نظره حتى تعم الفائده
سلام
المفضلات