الموضوع: تنك البنزين اتخرم

مانزلتش بصيت عليها بنفسك ليه !
وممكن يكون الكوع اتشرخ عادي
وممكن برده يكون ماقفلش اللحام كويس
هو كان ممكن يفحصه قبل مايركبه بكمبريسور هواء زي الرادياتير
وبسيطة ان شاء الله ماهي العربيات كدة وجع دماغ

المشاركة الأصلية كتبت بواسطة elakawy

أولا شكرا لحضراتكوا على كل النصائح اللي قولتوهالي ...
فعلا كلامكوا مظبوط في لحام الأيبوكسي لانه مانفعش خالص بعد مالقيت برضه تسريب في التنك من نفس الثقب .. المهم كنت في الشغل والعمال اللي شغالين معانا سدوا الثقب مؤقتاً بصابونة ولبنانة لغاية مارحت للميكانيكي بتاعي أمس عشان يلحمه .. فبعد ما فك التنك ( كان فيه حوالي 7 لتر بنزين ) ونضفه كويس اوي راح لحمه بلحام النحاس وبعد ماطلبت منه يلحمه بالقصدير بصلي كده كأني بقوله افتكاسه وقالي يابيه هو في احسن من لحام النحاس ..مش حطول عليكوا بعد ما خلص اللحام قام بعمل عزل لقاع التنك بمعجون سيارات ورشه بسبراي أسود وسابه لغايه مانشف خالص وركب التنك واستلمت العربية ورحت فولت من محطة بنزين واجي ابص تحت العربية لقيت حنفية بنزين نازلة من تحت طبعا اتجننت رجعتله تاني وانا شايط فبص عليها من تحت وقالي اللحام سليم انما في (ماسورة بلاستك اللي رابطة الكوعة بتنك البنزين ) هي اللي اتشرخت ولازم تتغير .
ايه النظام يا شباب انا حاسس ان الراجل ده بيشتغلني وبيعمل عليا سبوبة مع أني زبون عنده من زمان ومشهود له بالكفاءة .

ممكن يكون فعلا الماسورة اتشرخت

و المياة تكدب الغاطس روح له تانى و خليه يفك لك الماسورة المشروخة و لو طلع كداب اقطع علاقتك بيه

المشاركة الأصلية كتبت بواسطة sbkr

هقولك نصيحة من أخ عاوز مصلحتك أخدت في موضوع التانك دة خمس شهور انتهي بتغييرة
1- الإيبوكسي الذي لحمت بة سيصمد معك شهر و هيذوب من تأثير البتزين وخاصة انة مكتوب علية مقاوم لمعظم الكيماويات و ليس مذيب عضوي في قوة البنزين حتي لو كنت منظف السطح و مصنفرة ومطهرة أنا عملت دة بنفسي و غطيتة طبقة ثم تركتة يوم ثم غطيتة طبقة اخري.
2- لحام النحاس أضر شئ لأنة بيضعف بنية صاج التانك وبيفتح تاني من حول حدود اللحام علي الرغم انة بيبان كأنة حديد ودة فعلا مكان الثقب او الشرخ لكن الحدود ستصمد معك شهرين وبعدين تدوب وتفتح تاني دة غير انك ستفاجاء بصداء رهيب داخل التنك ناتج عن تآكل الصاج بفعل النحاس وكذلك لأن التسخين باللمبة بيزيل الطبقة المقاومة للصداء من الداخل ومن الخارج هتقولي هوة في حاجة مغمورة في بنزين بتصدي هقولك ايوة مجرد الرطوبة هتعمل كارثة ودة انا شوفتة وعيشتة بنفسي
3- لحام القصدير هوة الحل الأقرب ومعة ممكن التانك ان يعيش فترة طويلة لأنة يمتاز يالأتي .... لايزيل طبقة الجلفنة السطحة من علي المعدن وبالتالي لايحدث مضاعفات اللحام باللمبة كما في لحام النحاس او الحديد - كذلك يعتمد علي تسييح القصدير (بينصهر عند حرارة متدنية مقارنة بسلك الحديد أو النحاس) بالكاوية علي موضع الشرخ وبالتالي التسخين لايكون شديد كذلك اللحام يقوي جسم التانك من موضع الشرخ لأنة سماكة اضافية كذلك التانك لايحتاج للغسيل باللإريال و الخل و الليمون و السلطة وبابا غنوج و القصة الوهم دي لأن طبعا لمبة اللحام مع مجرد بنزين ممتز عل الصاج تعمل بوم.
4- التغيير بتانك استيراد زي ما عملت بعد ما صرفت مثل ثمن التانك واكثر لحام ايبوكسي ثم حديد ثم حديد وفوقة نحاس وفوقة ايبوكسي كل دة كلفني مصاريف وفقدان بنزين وعطلة ونكد وغم وقرف بحوالي 400 جنية وفي النهاية عملها معايا واتخرم تاني وانا مسافر من المنصورة لشرم الشيخ وانا لسة خارج من الزقازيق لفيت ورجعت و الحمد لله لقيت واحد استيراد ب 350 جنية وركبتة ب 40 جنية وانا لم اغييرة لأني فعلا لم اعثر بالمنصورة علي تانك نوبيرا كويس دة غير ان حيتان المستعمل بالمنصورة مفتريين شوية بص النصيب جة في الزقازيق والحمد لله - دي الخلاصة ياغالي بل وخلاصة الخلاصة أن التانك قد يحدث بداخلة زيادة ضغط او انخفاض ضغط طفيف بسبب عيب بسيط بخطوط التبخير canister lines او بالمبخر نفسة وهو المسئول عن اعادة تكثيف بخار الوقود من التانك واعادة في صورة سائلة مرة أخري مما يعني ضغط زائد عل نقطة الضعف وهي اللحام

بجد كلام ممتاز ونصيحه لصاحب الموضوع انه يستفاد من كلامك علشان يوفر المصاريف اللي هتتصرف علي الفاضي ويريح دماغه ويجب استيراد او يلحم وييكون الحل مؤقت علي ماربنا يفرجها

المشاركة الأصلية كتبت بواسطة mmamdouh

غير التنك و اشترى دماغك... تخيل لو سرب تانى و جت سيجارة تحت التنك.......

المشاركة الأصلية كتبت بواسطة mmamdouh

mmamdouh

طب هو التانك الجديد بكام يا كبير ؟

يا باشا ده تنك بنزين مش قربة مية .. مينفعش فيها التجارب والمشي ورا المكانيكية ... ده يتغير فوراً .. الموضوع لا يحتمل التجربة لأن الغلطة فيه بفورة !