التيجو عاملة اية معاكم بعد استخدام فترات طويلة ؟

**freeman207** · 15-04-2010 04:59 PM

المشاركة الأصلية كتبت بواسطة aboomarahmad

السلام عليكم:
مشكر على مديحك على رأيي....الحقيقة العربية عاملة معايا لحد دلوقتي 5150كم....كله حلو فيها جدا لكن التقفيل مش أوي زي العربيات الكوري ولذلك ممكن تسمع مثلا حاجة في العجل...بسيطة وبيعالجوها في التوكيل...ممكن الأبواب تكون صعبة في القفل وبردو بيعملوها في التوكيل...مفيهاش من جوة شياكة النيوبيرا اللي كنت راكبها
لكن من حيث الثبات فالحمدلله ثابتة وجبت بيها 140 واضطريت اهدي وصوت الموتور مش عالي والفتيس لحد دلوقتي كويس والحمدلله....بس الموتور والفتيس والعفشة بالذات تقييمهم مش دلوقتي....مش اقل من 20000 لما اقدر أطمئن....
لكن على تمنها وعلى علوها عن الأرض وشكلها تبقى زي الفل
الخلاصة انك مش هتاخد كل حاجة مرة واحدة....شوف أولوياتك ايه عشان تعرف تختار صح

والله أعلم

م.ياسر

بعد اذن حضرتك يابشمهندس ياسر العربية بتعمل معاك كام فى الصفيحة وهل صوت الموتور عالى ولا فى عزل كويس للصوت وتانى حاجة الصوت بتاع العجل الخلفى اللى فيه زنة ده راح ولا لاء من الاخر العربية معكننة عليك عيشتك ولا لاء
وكنت عايز اعرف عربيتك ماشية كام كيلو لحد دلوقتى
تقبل فائق احترامى وتقديرى لك

**ash257** · 15-04-2010 11:53 PM

المشاركة الأصلية كتبت بواسطة kimocyc

كلو رمادي ومفيش بيج .. وشكرا

عموما شكرا على أهتمام حضرتك وعلى الرد

**aboomarahmad** · 16-04-2010 01:23 AM

السلام عليكم:

[QUOTE=freeman207;3872560461]بعد اذن حضرتك يابشمهندس ياسر العربية بتعمل معاك كام فى الصفيحة
متوسط الإستهلاك جوة القاهرة 180 - 185 كم/الصفيحة والمقصود جوا القاهرة يعني شوية في الزحمة والإشارات وشوية مشاوير طوالي زي الدائري مثلا....يعني العيشة العادية
لسة مسافرتش بيها عشان أقدر أقولك كام في الطوالي...بس على فكرة التقييم الصح للعربية هو للطوالي على سرعة 90كم/ساعة

وهل صوت الموتور عالى ولا فى عزل كويس للصوت
صوت الموتور مش عالي....عادي جدا والحقيقة أوطى من النيوبيرا اللي كانت معايا لأنها مشهورة بالصوت العالي

وتانى حاجة الصوت بتاع العجل الخلفى اللى فيه زنة ده راح ولا لاء

الحمد لله راح من أول 300كم لما اكتشفته وروحت التوكيل وكان زي ماسبق وقولت حاجة عبيطة جدا ومش انا بس...بمعنى ان كان في لوط نازل كان العيب ده منتشر فيه عشان كدة كانوا حافظينه....مثلا كان في عيب في الدفعة اللي قبلي وكان في عصاية الفتيس(وليس الفتيس نفسه) الأوتوماتيك وكانت العصاية بتعلق في الP ومترضاش تتحرك وكانوا فورا بيصلحوها وجابوا عصيان تانية وركبوها للناس اللي ظهرت عندهم..الحقيقة لحد دلوقتي مشفتش منهم حاجة وحشة لا في أبوغالي او ابوالفتوح وربنا يهدي

من الاخر العربية معكننة عليك عيشتك ولا لاء
الحمد لله لأ...لكن انا بطبعي ماشي حذر وبحاول اكون مش عنيف معاها

وكنت عايز اعرف عربيتك ماشية كام كيلو لحد دلوقتى
5400كم والحمد لله

تقبل فائق احترامى وتقديرى لك
حضرتك تأمر واي استفسار انا تحت أمرك وأمر الجروب كله

م.ياســـر

**freeman207** · 16-04-2010 12:52 PM

[QUOTE=aboomarahmad;3872561943]السلام عليكم:

المشاركة الأصلية كتبت بواسطة freeman207

بعد اذن حضرتك يابشمهندس ياسر العربية بتعمل معاك كام فى الصفيحة
متوسط الإستهلاك جوة القاهرة 180 - 185 كم/الصفيحة والمقصود جوا القاهرة يعني شوية في الزحمة والإشارات وشوية مشاوير طوالي زي الدائري مثلا....يعني العيشة العادية
لسة مسافرتش بيها عشان أقدر أقولك كام في الطوالي...بس على فكرة التقييم الصح للعربية هو للطوالي على سرعة 90كم/ساعة

وهل صوت الموتور عالى ولا فى عزل كويس للصوت
صوت الموتور مش عالي....عادي جدا والحقيقة أوطى من النيوبيرا اللي كانت معايا لأنها مشهورة بالصوت العالي

وتانى حاجة الصوت بتاع العجل الخلفى اللى فيه زنة ده راح ولا لاء

الحمد لله راح من أول 300كم لما اكتشفته وروحت التوكيل وكان زي ماسبق وقولت حاجة عبيطة جدا ومش انا بس...بمعنى ان كان في لوط نازل كان العيب ده منتشر فيه عشان كدة كانوا حافظينه....مثلا كان في عيب في الدفعة اللي قبلي وكان في عصاية الفتيس(وليس الفتيس نفسه) الأوتوماتيك وكانت العصاية بتعلق في الP ومترضاش تتحرك وكانوا فورا بيصلحوها وجابوا عصيان تانية وركبوها للناس اللي ظهرت عندهم..الحقيقة لحد دلوقتي مشفتش منهم حاجة وحشة لا في أبوغالي او ابوالفتوح وربنا يهدي

من الاخر العربية معكننة عليك عيشتك ولا لاء
الحمد لله لأ...لكن انا بطبعي ماشي حذر وبحاول اكون مش عنيف معاها

وكنت عايز اعرف عربيتك ماشية كام كيلو لحد دلوقتى
5400كم والحمد لله

تقبل فائق احترامى وتقديرى لك
حضرتك تأمر واي استفسار انا تحت أمرك وأمر الجروب كله

م.ياســـر

حقيقى حضرتك محترم اوى وميحرمناش منك

**attiahf** · 16-04-2010 03:35 PM

المشاركة الأصلية كتبت بواسطة aboomarahmad

السلام عليكم أستاذ عاطف:

آسف على التأخير لآن النت كانت واقعة عندي اليومين اللي فاتوا
المشكلة اللي كانت عندي شبه بتاعتك وكانت ان كابل فرملة اليد مرخي وعشان كدة بيخبط في العجلة زي صوت الحصوة...والحل انهم بيشدوه في التوكيل وكانت بالفعل الفرامل عندي مش قوي...المهم ممكن تروح للمهندس خالد غنيم مدير الورشة ابو الفتوح في جسر السويس مدينة قباء وهم حافظين يعملوها في خمس دقايق ان شاء الله
وياريت تطمني على طووول

م.ياسر

م. ياسر
شكرا على مساعدتك وفعلا طلعت على الصيانة وقالولى ان المشكلة كانت فى الطنابير الخلفية وهما عملوا صيانة وعملوا تجربة والمشكلة راحت
على العموم اول ما اطلع مشاور بعيد واعرف اجرى بالعربية هابلغك النتيجة وشكرا للمساعدة