التيجو عاملة اية معاكم بعد استخدام فترات طويلة ؟

**aboomarahmad** · 23-03-2010 01:33 PM

المشاركة الأصلية كتبت بواسطة amir

شكرا للتقييم و النصيحه
كده التيجو رجعت تاني في خانه الاختيارات "المستقبليه"
متشكر جدا م ياسر

السلام عليكم
اخواني لا شكر على واجب وانا تحت امركم في اي حاجة
ربنا يجعله في ميزان حسناتنا....آمين
م.ياسر

**khaledtag** · 29-03-2010 03:10 PM

والله كلام جميل وناس اجمل
اخوكم معاه عربيه اوتوماتيك المانى بدون ذكر ماركات موديل 2006
و من ساعة التيجو ما نزلت عاجبانى اوى بس انا مش خايف من اى حاجه فيها غير من حاجتين علشان اتكل على الله و اركبها
اول حاجه الاوتوماتيك بتاعها ايه ظروفه كويس ولا وحش و بيبوظ ولا ايه و هل هو صينى ولا يابانى
و تانى حاجه ايه ظروف التكييف فى الحر اللى احنا فيه ده
علما بأن قصدى التيجو 2000 سى سى اوتوماتيك
وشكراااااااااااااا

**amir** · 29-03-2010 09:22 PM

المشاركة الأصلية كتبت بواسطة khaledtag

والله كلام جميل وناس اجمل
اخوكم معاه عربيه اوتوماتيك المانى بدون ذكر ماركات موديل 2006
و من ساعة التيجو ما نزلت عاجبانى اوى بس انا مش خايف من اى حاجه فيها غير من حاجتين علشان اتكل على الله و اركبها
اول حاجه الاوتوماتيك بتاعها ايه ظروفه كويس ولا وحش و بيبوظ ولا ايه و هل هو صينى ولا يابانى
و تانى حاجه ايه ظروف التكييف فى الحر اللى احنا فيه ده
علما بأن قصدى التيجو 2000 سى سى اوتوماتيك
وشكراااااااااااااا

اخوك برضو راكب ياباني و كل اصحابي لما اكلمهم علي اني ابيع و اركب تيجو بيبقي ردودهم اعوذ بالله مع اني مقتنع مبدئيا بيها

**amir** · 30-03-2010 04:00 AM

النهارده فصصت التيجو ال 1600 مانيوال
و ليا كام سؤال
هو الاكصدام اللي ورا فين؟
طبعا هو موجود في الشنطه بس شكل العربيه مش مطمئن خالص كده
بمعني الخبطات من ورا هتوصل للشاسيه عدل ولا ايه بالظبط؟
الفتيس نقلاته خفيفه و حلوه امال الناس اللي بتقول علي العضات بين النقلات بيتكلمو علي اي اساس؟
هل الدبرياج دواسته تقيله زي ما انا شوفت ولا رجلي الشمال خدت علي دلع الاوتوماتك؟
مفيش اماكن لحامل اكوب للركاب الاماميين هل الموضوع ده لقيتوله حل عملي؟
جراب النضاره شكله ضعيف ولا انا اللي بفتري؟
لون نور التابلوه مش قد كده هل في حد شايف نفس الموضوع ولا انا بس؟
نيجي بقي لشويه حاجات حلوه
العربيه كانت راكنه قصاد تيريوس
التيجو اعرض
قاعده عجل اكبر
مقاس كاوتش اكبر
شكلها احلي شويه من قدام و ورا اللهم باستثناء شكل علامه الاسبيرانزا
بسم الله ما شاء الله علي حجم الفوجات
الكرسي الامامي مريح قوي و بيطلع و ينزل مسافه كويسه جدا جدا
ضهر الكنبه الخلفيه بينزل درجات كتير
التابلوه و ادراج التخزين جميله
الدركسيون مكسي جلد هو و الهاند بريك
مرايات جانبيه عريضه
الكابوت بيفتح بمساعدين (حركه جامده اول مره اشوفها)
و بالمناسبه برضو ليه انا حاسس ان وضعيه سربنتينه التكييف و الرادياتير (بالتبعيه) وضعهم خطر جدا في الخبطات الاماميه البسيطه من غير ديفيندرات؟
بس بجد العربيه حلوه جدا جدا و مظلومه جدا جدا

**attiahf** · 30-03-2010 04:28 PM

المشاركة الأصلية كتبت بواسطة amir

النهارده فصصت التيجو ال 1600 مانيوال
و ليا كام سؤال
هو الاكصدام اللي ورا فين؟
طبعا هو موجود في الشنطه بس شكل العربيه مش مطمئن خالص كده
الاكصدام مدمج مع الاستبن الخلفى - العربية واخدة نفس كل العربيات الرياضية زى التريوس وبالمناسبة هى شكل العربية التويوتا لراف 4 القديمة بالظبط - بالنسبالى العربية شكلها تحفة وميتفعش تقارنها بالعربيات السيدان
بمعني الخبطات من ورا هتوصل للشاسيه عدل ولا ايه بالظبط؟
اغلب قوة الخبطة حنكون فى الشنطة والاستبن وبعد كدة الشاسية لو الخبطة قوية جدا _ اعتقد كل العربيات حتكون بنفس الوضع
الفتيس نقلاته خفيفه و حلوه امال الناس اللي بتقول علي العضات بين النقلات بيتكلمو علي اي اساس؟
بعض العربيات زى العربية اللى معايا كانت نزلة وناقصة زيت ودة اللى كان مخلى الفتيس محجر شوية
هل الدبرياج دواسته تقيله زي ما انا شوفت ولا رجلي الشمال خدت علي دلع الاوتوماتك؟
لا الدبرياج عالى شوية وبيتظبط فى صيانة الالف
مفيش اماكن لحامل اكوب للركاب الاماميين هل الموضوع ده لقيتوله حل عملي؟
لا موجود بين الكرسيين حافظة وممكن تشيل وعلى العموم ممكن تركب الاكسسوار اللى انت عايزة
جراب النضاره شكله ضعيف ولا انا اللي بفتري؟
بالعكس المكان كويس جدا ومتغلف بطريقة ظريفة علشان ميجرخش زجاج النظارة
لون نور التابلوه مش قد كده هل في حد شايف نفس الموضوع ولا انا بس؟
فعلا ضعيف وللاسف ملهاش حل
نيجي بقي لشويه حاجات حلوه
العربيه كانت راكنه قصاد تيريوس
التيجو اعرض
قاعده عجل اكبر
مقاس كاوتش اكبر
شكلها احلي شويه من قدام و ورا اللهم باستثناء شكل علامه الاسبيرانزا
بسم الله ما شاء الله علي حجم الفوجات
الكرسي الامامي مريح قوي و بيطلع و ينزل مسافه كويسه جدا جدا
ضهر الكنبه الخلفيه بينزل درجات كتير
التابلوه و ادراج التخزين جميله
الدركسيون مكسي جلد هو و الهاند بريك
مرايات جانبيه عريضه
الكابوت بيفتح بمساعدين (حركه جامده اول مره اشوفها)
و بالمناسبه برضو ليه انا حاسس ان وضعيه سربنتينه التكييف و الرادياتير (بالتبعيه) وضعهم خطر جدا في الخبطات الاماميه البسيطه من غير ديفيندرات؟
اعتقد كل العربيات بتنزل بنفس التصميم ومش عارف هو فى عربيات لها تصميم مختلف...وبعدين الدفندر غير مسموح بتركيبة
بس بجد العربيه حلوه جدا جدا و مظلومه جدا جدا

**amir** · 30-03-2010 04:48 PM

شكرا علي الرد الامين
فعلا نسيت اكتب ان جراب النضاره مبطن بحاجه زي القطيفه(انا فصصت فصصت امبارح كل سنتي فيها)
و فعلا ممكن استخدام حامل الاكواب الخلفي عوضا عن الامامي
بس التيريوس الاكصدام موجود ورا في العربيه مش في باب الشنطه
و لو سمحت احكي باستفاضه عن التويوتا راف دي لأني اساسا معرفهاش و ايه مكونات العربيه التيجو بالتفصيل و الشرح الوافي
انا لو في يوم اشتريت التيجو هكون عميد التيجو في المنتدي
التيجو مظلومه بسبب انها صيني و بتقارن بالولاعات و اللعب الصيني
و ده كان صحيح ايام زمان لما كانو بيعملو لعب بلاستيك للاطفال
بس الصين حاليا بتغزو اسواق و مجالات كتير
و العربيه فعلا حلوه زيها زي باقي العربيات الصيني
باستثناء طبعا الغش التجاري اللي حصل مع العربيه الجيلي زمان
كان لازم اول منتج صيني ينزل يكون متراجع علي كل كبيره و صغيره فيه علشان الانطباعات الاولي
بس معلش ادي التنين الاحمر نفض الغبار ده في السوق المصري و حاز علي اعجاب فئات كتير منه
ياللا يا ملاك التيجو اتكلمو عنها

**amir** · 31-03-2010 01:50 AM

مش الاوتوماتك هيا هيا المانيوال باستثناء فتحه السقف و الجير بوكس؟!!
ولا قصدك اني مش هستريح غير في اوتوماتك
و في دي انا معاك طبعا بس الميزانيه لا تسمح حاليا
ده حتي لو فكرت ابيع الصني و اشتري التيجو ال 1600 الفرق ما بين الاسعار مش معايا حاليا
في تفكير اني اقسط الفرق و اشتري ال 2000 سي سي
بس نرجع لما بعد الاستلام
يعني المصاريف العاديه للعربيه و بصراحه 180 جوه البلد هتكون صعبه عليا لأن مشاويري كتييييييييييير ده طبعا غير مصاريف الترخبص السنويه
انا طبعا مضايق من فكره اني مجبر لو هاشتري تيجو اني اركبها مانيوال