مش عارف لو ردي متأخر ولالا. ولكن أتمنى ميكنش متأخر!
أهرب بجلدك فوراً !!!!
أقسم بالله توكيل غبور لايفقه شيء عن أي شيء ولا يعرفوا عن اصلاح السيارات أي حاجة في اي حاجة.
اغلب الاعضاء هنا كانو عارفين اني عملت حادثة من 4 شهور تقريبا او 5.
احب اقول لحضرتك اني صلحتها ب20 الف جنيه والتأمين مداليش غير 13. بس مش دا موضوعنا
موضوعنا هو إن العربية لو اتصلحت تحت السلم كانت هتبقى أحسن من كدا...
اولا مشاكل في العفشة بالهبل لم تحل رغم توجهي اكتر من 10 مرات للتوكيل وكل مرة يتقال انه اتصلحت ومرة عيب تيل ومرة اي كلام بيتقال ومرة القنطرة كانت فاكة ومرة معرفش ايه....وبعد اكتر من 5 شهور لازال هناك صوت عند الفرملةاو الحركة او تشغيل التكييف وهو صوت خبط حديد في بعضه جاي من العفشة و لم يصل أي "فتك" هناك إلى سببه وفي النهاية قالو طالما مش بيعمل معاك مشكلة كبر دماغك!!
ثانيا صوت الموتور اصبح عالي جدا وبياكل مية بشكل غريب والرد طبعا ان دا طبيعي اصل العربية يافندم عدت ال20 الف ودا طبيعي جدا!! طيب لما انا مصلحها ب20 الف جنيه وفي التوكيل ويتقالي اصلها عدت ال20 الف وانت كنت عامل حادثة....امال لو كنت مصلحها برة كان اتقالي ايه؟
وطبعا ناهيك عن ان العربية اتهانت عندهم بجد...الفرش انا غيرته بالكامل من العفانة اللي كانت فيه وقلة ادب الصنايعية هناك محدش عنده نفس حتى يسمع مشكلتك
اهرب بجلدك على أي صنايعي مشهور في الحرفيين والتصلح مش هيكلف اكتر من 5 بواكي العربية بتاعتك مفيهاش الهوا وحتى لو في حاجة في الشاسيه لاقدر الله مش هتحتاج كل المبلغ دا. دول نصابين رسمي و حسبي الله ونعم الوكيل فيهم وفي كل اللي شغال معاهم او بيدافع عنهم بدون حق.
المفضلات