الموضوع: و مازالت الحملة مستمرة!!

"انا مش شايف سبب لأصرار حضرتك على ان اليابان ديه دوله متخلفه و ما هى الا تابع اعمى لأمريكا لأن اللى اعرفه ان اليابانيين بيكرهوا الامريكان جدا من ساعة موضوع هيروشيما و نجازاكى فمتجيش بعد كده تقول ان اليابان تابع اعمى لأمريكا عندك إثبات للموضوع ده يبقى تتطرق اليه معندكش اثبات"

الشعب اليابانى فعلا ممكن يكون بيكره أمريكا لكن الحكومة اليابانية مش بمزاجها. و على الاثباتات لو كنت حضرتك متابع أنا جبتلك عدد الجنود الأمريكيين فى اليابان بالأرقام.
و الموضوع مش محتاج اثباتات أصلا لأن أى حد عنده أى ثقافة سياسية بسيطة عارف ان أمريكا هى الى بتحمى اليابان و كوريا الجنوبية.

"لما تكون العربيه دفع خلفي فعلا ثباتها بيزيد على الملفات,"

بص أنا سقت الشاهين و سقت لانسر لكن حقيقة مسقتش تويوتا غير الستارلت, يعنى مقدرش أحدد ما اذا كانت الكورولا ثابته أم لا, لكننى رأيت الشاهين أكثر ثباتا من اللانسر و الستارلت بالطبع, فى الملفات هى أكثر ثباتا من اللانسر, و لكن اللانسر أثبت منها على الطرق السريعة.
لكن من المعطيات التى لدينا : الشاهين دفع خلفى, نظام التعليق أقسى قليلا من الكورولا, و رغم ارتفاع نقطة الثقل الا أننى اعتقد أن الشاهين أكثر ثباتا بفضل النقطتين المذكورتين.

"عايز حضرتك مثلا تجيبلي شركه في العالم تضاهي شركه زي ( سوني ) في مجال المالتيميدي"

فى مجال مشغلات الموسيقى مثلا عندك أبل ايبود أفضل و أغلى من سونى بكثير.

" او شركه تضاهي ( توشيبا ) في مجال الحواسب المحمول"

شركات الصف الأول حضرتك, أى بى ام و اتش بى و كومباك و أبل طبعا أغلى و كلها أمريكانى. توشيبا من شركات الصف التانى فى الكمبيوترات.

"Apple , IBM , Compaque & Toshiba هما دول شركات الصف الاول
و IBM و apple اغلى فده لان مواصفاتهم اعلى و مصممين لكده و مش مصممين لانهم حواسب شخصيه عاديه
انما HP فهي اقل منهم و تقدر تلاحظ ده من فرق الاسعار بين HP و Toshiba في اي مول كمبيوتر
"

توشيبا جنب أبل و أى بى ام زيها زيهم؟؟؟
و العملاقة اتش بى احدى أكبر شركات الكمبيوتر أقل من توشيبا!!!!!!!
ما علينا ده منتدى عربيات مش هنفتح موضوع عن الكمبيوترات بس بعد يا كده يا ريت تعصبك لليابانيين ميخلكش تقول معلومات غلط و مش منطقية.
و ده يثبت الى أنا بقولو.
مشفتش من الاخوة اليابانيين فى المنتدى غير البطاطا!!!

"ما هي كل المشكله ان الامريكي ارخصصصصصصصصص

و بكتير كمان
"

حضرتك ممكن تسأل جدك أو حتى والدك عن العربيات الأمريكانى أيام ما كانت موجودة فى مصر و كانت أفخم و أفضل ما يمكن أن تركبه كاديلاك و شفروليه و غيرها.
و بالنسبة للسعر ممكن عشان تاخد فكرة تفتح بس أى موقع على ياهو و لا غيره فيه أسعار العربيات بس تاخد حاجتين فى حسبانك:
تكون العربيات الى انت بتقارن بينها من نفس الفئة.
و لاحظ انو حجم الموتور مش بيفرق كتير فى السعر فى أمريكا الى بيفرق الفئة.
و عموما هاتلى عربية أمريكانى أرخص من 13,000 دولار سعر الكورولا تقريبا!!

بطاطا تاني يا عم فادي :D

المشاركة الأصلية كتبت بواسطة Chicco

حرام عليك يا أخ فادي Edmunds و Top Gear و JD Powers و سبورت اوتو و ويكيبيديا و التجارب الشخصية و الخبرات الحياتية كلها بطاطا يا راجل يا طيب.. ده غير المدونات الامريكية و العربية و مصادر الاخ الموسوعة Prodrive باشا .... أمال إيه إلي يقنعك...... بجد عمرك ما جاوبت على السؤال ده.... يا ريت تقول لينا قبل موضوعك الجاي عشان بس نعمل حسابنا في البطاطا بتاعتنا ;)

ما علينا

حضرتك ممكن تسأل جدك أو حتى والدك عن العربيات الأمريكانى أيام ما كانت موجودة فى مصر و كانت أفخم و أفضل ما يمكن أن تركبه كاديلاك و شفروليه و غيرها.

عربية جدي الله يرحمه كانت فورد , و أول عربية جابها أبويا كانت موريس و أخر عربية ساقها كانت بيجو ٥٠٤ قبل ما يتوفى في ١٩٨٩ , و أنا دلوقتي سايق كورولا.... لا ينفع أسوق فورد جدي ولا عايز ٥٠٤ مش عشان العربيات ديه وحشة... لكن عشان احنا في ٢٠٠٨ و لازم نتطور يا باشا و إلا ننقرض زاي الديناصورات

و عموما هاتلى عربية أمريكانى أرخص من 13,000 دولار سعر الكورولا تقريبا!!

العربيات الامريكاني اللي في نفس range سعر الكورولا هي
Ford Focus
Chevrolet Cobalt
Pontiac G5
Saturn Astra

انما في الفئة ديه كله بيركب ياباني يا باشا Civic و Sentra و Mazda 3 هما المنافسين الحقيقيين
بالمناسبة الجولف برضه نفس ال- range ;)

私はいくつかのいくつかの日本のジャガイモのジャガイモがいいですか

هي اللغة الجديدة إيه..... ياباني برضه ؟