الموضوع: سوأل يا استاذ مينا من فضلك

يعني لما تقول 8 لتر لل 100 كيلو يبقى بنتكلم على موتور 1300؟
انا معايا فيتارا 1991 موتور 1600 8 صباب هاف انجيكشن بيستهلك 140 كم للصفيعه!!! سريع او بطيء ممكن الاستاز مينا يفيدني بالسبب و ممكن اعملها ايه؟ مع العلم اني عاملها كل الصيانات الممكنه. تغيير حساس + سيور و فلاتر + ضبط كاوتش و عفشه + ضبط تاكيهات

المشاركة الأصلية كتبت بواسطة m!na

ايه أخبار البوجيهات؟ نوع الزيت؟ دورة التبريد؟؟

كنت مركب بوجيهات 3 شمعه لخبطت العربيه رحت حاطط 1 شمعه جديد و لسه مغير زيت جديد امارات مصر 3 الاف . العربيه عندي مش بتسخن خالص بس بحس بنقص خفيف في مية الرادياتير كل 4 او 5 ايام بحتاج ازودها بسيط خالص

المشاركة الأصلية كتبت بواسطة egyptexpert

السلام عليكم جميعا
بالنسبة رد الاستاذ فانتوم من المعروف ان الليبرتي تاكل بنزين اعلي من xj وكذلك موديل kk الجديد لانه نفسة محرك الليبرتي والادهي من ذلك ان محركوالادهي من ذلك ان محرك الجراند شيروكي 8 سلندر 5200 سي سي توفر عن الليبرتي في استهلاك الوقود وده عن تحدي واختبار

اما بالنسبة لصاحب السوزكي يجب ان يعلم انه يمتلك كارثة من كوارث الزمن وبالذات موديل 6 سلندر 2000 سي سي حيث تستهلك 115ك/20 لتر
ولكن هناك بعض الاسباب الاخري
اولا نوع التغذية هل هو نظام حقن ( انجكشن ) ام نظام كاربتير
هل هناك دخنة سوداء عند بداية التشغيل او القرص علي الدواسة
هل هناك هباب اسود داخل الشكمان
هناك صعوبة في ادارة السيارة صباحا
هناك صوت تصقيف او كركرة عند القرص
بالرجاء الاجابة حتي يمكن المساعدة
اخوك الخبير المصري

العربيه 4 سليندر 1600 سي سي 8 صباب ( الموتور القديم قبل 96 ) العربيه هاف انجيكشن يعني رشاش واحد بس بتدار بالكمبيوتر برضه و فيها حساسات و كده بس مش كتير زي الفل انجيكشن.
مفيش دخان و مش بتسقف او بتغيب في الدواره خالص. العربيه اصقى سرعه ليها 110 سألت مركز صيانه متخصص قاللي اخر الموديل ده 120 كم/س
الزيت لسه مغيره و بيمشي 3000 كيلو فانشاءالله اغيره.
بس في ناس قالت ان الموبيل 1 او الزيت التخليقي عامة بيبقى للموديلات الحديثة لما الموتور بيبقى جديد لكن لما مستعمل بيبقى زيت معدني افضل له

المشاركة الأصلية كتبت بواسطة egyptexpert

السلام عليكم
اذا انتم لي بالدخول معكم في النقاش , بالنسبة للسوزوكي , هي فعلا اقصي سرعة لها 120ك في موديل كاربتير نظام سمي انجيكشن او الضفدعة كما يسمون الفنيين وفي موديل فول انجيكشن 140 ك/ ساعة
وبالنسبة لنقص المياه هناك عوامل كثيرة وهي زيادة معدل التبخر داخل محرك السيارة وفقد هذا البخار وذلك للاتي
1- تأكد من غطاء الرياديتر مانع للتسرب البخار وكذلك صلاحية الغطاء من ناحية صمام الامان
2- التاكد من وضع المياة في قربة المياة الي المستوي الاقصي وليس فوق ذلك
3- التأكد من عدم وجود ترشيحات من المياة علي الوصلات المياه وطلمبة المياه والخراطيم
4- التأكد من الرادتيير وذلك بمعامل الضغط الاختباري
5- الغاء خرطوم المياه الداخل الي المكيف ( الخاص بالتدفئة ) وعمل كوبري له من الداخل الي الخارج مباشرة
6- التأكد من خلو زيت المحرك من المياه ( يأخذ شكل الطحينة)
وذلك مع الترتيب السابق
وبالنسبة للبوجيهات يكون مكتوب علي حوض السيارة نوع البوجية المستخدم من حيث قدرة الوات وها ما يغفله كثيرون فهل هي 10 ام 12 ام 15 او اعلي وكذلك نسبة خلوص الاشتغال بين قطبية

ام الزيت موبيل ون يجب ان تعلم ياصديقي انه لم يوجد حتي الان زيت تخليقي كامل وكل ذلك اكذوبة ولكن لا يمنع انه اوفر في الاستخدام من حيث قدرته علي تحمل مشواوير الغيار ولكن الاهم من ذلك
مواصفة سيارتك لنوعيه الزيت هل هو 30 ام 40 ام 50 وهو ايضا مكتوب في الكتالوج الخاص بالسيارة او بالبحث علي الانترنت
وفعلا علي رأي سيادتكم موبيل وان لسيارات الحديثة وبعد فترة يبقي xhp ثم شل حتي يصل الي التعاون الذي هو اصل كل الزيوت الموجودة بمصر وعلشان تعرف للمعلمومة اسأل عن زيت تعاون اسمة 10000 لا يفرق كثيرا عن موبيل وان ولكن يفرق في السعر كتيييير
وشكرا لك
أخوك الخبير المصري

و ايه سبب استهلاك البنزين العالي؟ 70 كيلو كل 10 لتر!!! يعني اللتر مش مكمل 7 كيلو!!