الموضوع: ايه اخطر حاجة حصلتلك بالعربية بس ربنا ستر

المشاركة الأصلية كتبت بواسطة mmffor

1- بعد ما اخدت رخصة السواقه بسنتين كنت سايق الساعه 2 الصبح في شارع القصر العيني رايح المطار و الطريق كان فاضي و ماشي على 70 او 80 و على التقاطع اللي جنب صيدله بصيت لقيت اوتوبيس خاص قاطع الطريق طياره و الدنيا ضلمت. كل اللي انا فاكره ان الربع الامامي بتاع العربيه غطى على الازاز و العربيه و هي بتلف حوالين نفسها لمحت الاوتوبيس و هوه بتنقلب على جنبه و بيزحف بتاع 10 متر قبل ما يطلع على الرصيف . و ده يدل على السرعه اللي كان ماشي بيها. بس الحمد لله بفضل الله سبحانه و تعالى و بفضل حزام الامان كان زماني مسحت الشارع بوشي بعد ما كنت حأعدي من الازاز الامامي.
2- كنت ماشي على الدائري يوم الجمعه الساعه 11 قبل الصلاه و ماشي على 90 و قريب من العربيه اللي قدامى و فجأه لقيته حدف يمين جامد علشان ابص الاقي قدامي شنطة سفر صعيدي من الحجم الجامبو قدامي بالضبط طبعا مكنش يبفع افاديها لأن العربيه ممكن تتقلب و مينفعش اعديها في النص ممكن تخبط في حاجه من تحت تفرمل العربيه او تقلبها رحت كاسر و دايس عليها بالجنب الشمال. عدت على خير بس بوظت المقصات و المساعد.
3- كنت ماشي على الدائري راجع من الشغل و المدام معايا و اتاري مره قلتلها افتحي الشنطه و احنا واقفين راحت فتحت الكبوت من جوه و انا مخدتش بالي. ابص الاقي الكبوت اترفع و فرتك الازاز الامامي و الدنيا ضلمت و كنت ماشي على الدائري على 100 و مفيش اي امل تشوف اي حاجه, كنت واخد فكره العربيات اللي حواليا ايه مينفعش تقف فجأه يا اما حتروح في داهيه, رحت اديت انتظار و فضلت اهدي شويه شويه و احضن يمين شويه شويه لحد ما ركنت و طبعا انتوا عارفين الخسائر ايه بس الحمدلله ان جت على كده.
4- مره كنت في شارع في المعادي و ماشي على 60 و الطريق فاضي و مفيش امامي الا تاكسي ماسك اقصى اليسار و مهدي على الاخر قلت اعدي منه في اليمين و الطريق كان حارتين و التالته سيارات مركونه, المهم انا بعدي منه اتاريه بيشاور اللي راكب معاه يدخل منين راح قاله خش في الفتحه يمين راح من غير اشاره او يبص في المرايه راح كاسر مره واحده يمين و انا ماشي 60 من يمين و كنت تقريبا جنبه , المهم مع كسرته رحت كاسر يمين انا كمان افاديه مع فرمله و كلاكس جامد رحت لبست في عربيه راكنه على اليمين و هوه راح عدل نفسه و طلع يجري لما شاف عمل ايه ولا نزل يبص ايه اللي حصل ولا دخل اليمين اللي كان عايز يدخله!
5- مره كنت في التجمع الخامس ماشي 6 الصبح على 90 و مستعجل على شارع التسعيني قبل ميحطوا فيه المطباتو الطريق طالع نازل و انا طالع في مطلع فيه اخره يوتيرن و اوتوبيس مهدي على الاخر على اقصى اليمين ابص الاقيالاوتوبيس راح كاسر شمال على الاخر علشان يلف اليوتيرن مرتاح, من غير اشاره او يشوف ايه وراه واللي ميعرفش التسعيني شارع عرضه 5 حارات البيه راح قفلهم كلهم في مطلع يعني متداري من اللي جي وراه المهم وقفت على الفرامل حرفيا راحت العربيه صرخت جامت و حدفت يمين جامد و كانت حتتقلب او حتلبس في الاوتوبيس بجنبها و هي بتزحف رحت شيلت رجلي من على الفرامل و كاسر يمين و دوست بنزين مع دخلته اليوتيرن كان فتح حاره من ال 5 حارات رحت معدي منها بالعافيه و كان بيني و بينه 5 سم او اقل.
6- كنت ماشي على الدائري بعد الشغل و ماشي على 100 و بيني و بين اللي قدامي بتاع 5 او 6 متر بس و بتكلم في الموبايل المهم راح اللي قدامي مهدي علشان الطريق اتزحم شويه , جيت اهدي بدوس فرامي لقيت مفيش فرامل خالص, راح قلبي وقع في رجلي, رميت الموبايل من ايدي و قعدت اكاريك فرامل بحس ان العجله اليمين ادام بس اللي بتمسك شويه و تسيب الحمدلله العربيه اللي قدامي مشيت تاني و الطريق فتح و اللا كنت لبست لا محاله رحت اديت انتظار و بدأت امسك يمين و اعتقد الناس اللي جنبي خدوا بالهم ان عربيتي مش مظبوطه راحوا هدوا و عدوني اركن لقيت خرطوم الفرامل الامامي شمال مقطوع و مفضي زيت الباكم في الكارتيره .
دا غير الحوادث الصغيره و الاحتكاكات و التصادمات البسيطه و اغلبها ان الشعب المصري معندوش ثقافة احترام الغير بانه يدي اشاره بسيطه انه حيدخل شمال او يمين ينبه بيها اللي ماشي وراه و ياخد باله او يهدي. و برضه سببها عدم الوعي بفكرة الصيانه الدوريه و في حالة وجودها سوء خدمات صيانة السيارات في مصر و جهل و اهمال فنيين الصيانه و عدم ادراكهم انهم بيلعبوا بارواح ناس باهمالهم و استهتارهم.


الحمدلله على كل شيء

حاول تستخبى الفترة الجاية :b4_556:

المشاركة الأصلية كتبت بواسطة emadkamel

حاول تستخبى الفترة الجاية :b4_556:

+++111111111111111111

الحمدلله على كل شئ

قدر الله وما شاء فعل

انا ماشي علي الطريق الدولي الساحلي (الاسكندريه \ رشيد) كنت مسافر بعربيتي bmw وانا كنت ماشي علي سرعه 140 وكنت طالع مطلع كوبري وانا في الحاره الشمال وكان قدامي عربيه نوبيرا اديته نور علاشان يوسع الراجل علي موسع كنا علي قمه الكوبري دخلت وفجأه اشوف نص قطع حجر من الحجر بتاع الرصيف إل في نص الطريق مرميه في نص الحاره بصيت علي اليمين كانت شنطه النوبيرا في نص الرفرف اليمين وطبعا الشمال الرصيف إل بيقسم الطريق معرفش الحوار ده في ثواني معدوده فرامل مع توفيق من عند ربنا دخلت في الحجره فتحت الجنط وكسرت الفوج ليت الموجود في الاكصدام وطبعا الاكصدام اتكسر من الجه دي الشمال بس حسيت ان العربيه زلزال والدنيا بتتهد فوق رأسي بس العربيه مترفعتش عن الارض سم واحد الحجره ادمرت بقت اسمنت لميت نفسي طبعا علي جنب الطريق وغيرت الاستبن والحمد لله ربنا سترها



الحاجه التانيه بقي

كنت ماشي في شارع في وسط المدينه حوالي علي سرعه 50 وفي لحظه من لحظات عدم الانتباه ببص علي الجهه اليمني من الشارع ببص لقيت نفسي فوق الرصيف العجله الاماميه والخلفيه من الجهه الشمال الحمد لله العربيه متقلبتش لان الرصيف كان عالي وفضلت ماشي لحد ما نزلت العربيه من علي الرصيف غيرت فيها مقص والرفف الامامي اتطبق شويه واتعدل والحمد لله علي وكله تمام

والله يا جماعه الحمد لله ان ربنا بيسترها معانا وبيكرمنا اخر كرم

1- انا كنت مره ماشي باللانوس في طريق النزهه المهم وجاي اخد اليوتيرن علشان الف المهم بلف وانا اساسا متعود ان العربيه هي بتعدل نفسها يعني بدون ما اعدل بايدي الدريسكيون فالمره ده مش اتعدل وقمت هوب طالع بالعجله بالشمال قدم ووراء على الرصيف وفضلت مكمل لمثلا 10 متر وجالي حالة صدمه لغايه لما الي جنبي قالي دووووووووس فرامل فدوست ووقفت

2- باللانوس ايضا مره كنت بعدي تقاطع وكان جاي من الشارع التاني عربيه 128 بيضه سايقاها واحدة ست والمفروض انها هدت سرعتها علشان بتعدي مطب وانا مش عندي مطب والمفروض ان انا اكمل بسرعتي عقبال هي لما تخلص من المطب وسرعتها تزيد المهم بقدرة قادر لاقيتها عدت المطب وقامت دايسه بنزين وطلعت بسرعه وهب خبطت في الرفرف الشمال عجنته

3- كنت مسافر اسكندريه باللانوس ههههه , المهم انا كنت كاشف على العربيه كويس ومغيرلها كل حاجة تقريبا المهم سافرت على 2 بالليل كده وطبعا الدنيا ظلمة وقبل ما قرب على الريست مثلا ب 5 او 10 كم لاقيت العربيه بتترجرج جاااااااااااااااااامد وبتحدف يمين وشمال المهم ركنت على جنب بسرعه وجاي اعدل الطاره لاقيت صوت تخبيط جامد من تحت العربيه وراح المهم كملت للريست وانا بركن هناك سمعت صوت طقطقه عديت على الميكانيكي لاقيته بيقوله دي كبالن وجابت اخرها صوت صووووووووووووووووووويت وقولت اعمل ايه دي لو فرطت لبست انا في الحيط المهم لفيت ورجعت تاني مصر وانا ماشي على 40 كلم / ساعه على اليمين وحاطط ايدي على قلبي

فالحمد لله على كل شئ