حمله ضد السياس والشحاتين

**Moataz_co** · 22-04-2010 11:39 PM

علفكرة الناس ديه مش بتيجي الا بطرقتين و ياريت محدش يخاف منهم

الطريقة الاولي انك تدخل فيهم شمال علطول

يعني انا مرة روحت ركنت عند سيتي ستار قبل كدة ف جة واحد قالي 3 جنيه قولتلوة بتوع ايه؟؟ قالي الركنه ... قولتلوة انا واقف ف الشارع بتاع الحكومة و روحت سيبوة و ماشي..تخيلو بقا قالي ايه ؟؟ قالي يا عم اشتري عربيتك ب 3 جنيه ... سمعت انا الكلمة ديه وعفاريت الدنيا كولها بتتنطط فوقيا و روحت راجعلة و قولتلة انتا قولت ايه ؟؟ راح قايلي بدل مترجع تلاقي ازاز مكسور ولا فردة مهويه ... طبعا من كتر غيظي روحت هابب فيه هبه و قولتلوة طب جرب كدة اعمل حاجة يا بن التييييت وحياه تيييت لبهدلك واطلع تيييت ووديك ورا الشمس و كلام كبيير اوي ( طبعا كلة كلام ف الهوا بس من غيظي مكنتش قادر امسك نفسي).... طبعا هوا شافني متعصب و هامسك فيه و بتاع راح جايب ورا بقا و يا باشا انا مقصدش و مكانك و مش عارف ايه بعد م كان شايف نفسة ولما امشي بقا بعيد عن العربيه و ابصلة الاقيه بيعملي تعظيم سلام.

الطريقة التانيه
هوا انك لما تركن هايجي يقولك كذا اضحك ف وشوة و قولوة انا مش هتأخر و 10 دقايق و جي و لما اجي هاديك الي انتا عاوزة و هايقولك ماشي يا باشا و بتاع
و لما انتا تيجي اركب عربيتك عادي و لما يجي يكلمك خلي ازازك مقفول ولا كأن ف حد موجود و متعبروش و دور و اطلع كمان علي اقل من مهلك ببرود و ولا تعبروة و لما يجي يكلمك متبصلوش و انتا اصلا قافل ازازك متسمعوش و بس كدة.

و لو فكر يحدف طوبه عليك بعد متطلع زي مأغلبهم مبيعملوا او حتا شتمك (لو انتا بقا مزاجك رايق و فاضي مش وراك حاجة)

انزل من العربيه ف نوص الشارع و انزل هب فيه و طلعلوة العفاريت المستخبيه
اما كانش يعملك تعظيم سلام بعد كدة لما يشوفك معدي من الشارع مبقاش انا

و علفكرة انا عمري مدفعت لسايس ابدا من اياهم لأني لو فضلت ادفع ف كل حته اركن فيها يبقا كدة انتا عايز ميزانيه تانيه متقلش عن 50 جنيه ف اليوم علشان اركن بس

و اسف جدا علي الاطاله

**M.Osman** · 23-04-2010 03:35 AM

يا جماعة ...

انا بعمل كدا
و مش هعمل غير كدا

بركن عربيتي
و بعدين و انا طالع الاقي المساحات مرفوعة ..انزلها بأيدي ... الاقي واحد جاي ورايا بيقوللي طالع؟؟ ... اقوله اه طالع ....
ادخل عربيتي

ادور

و استنى دقيقة على ما العربية تسخن ( و انا سامعه و هو عمال يقول ياللا يا بيه ... ,... ,...و مطنش)

ارجع براحتي ... ولا كأنه موجود اساساً

و امشي...

بس كدا ...

هيقعد يقول يا بيه يا بيه.... ولا كأنه هنا اساساً

اية ؟؟؟

هو أنا لاقي الفلوس في الشارع ولا أية ؟؟؟

و كل يوم من دا ...

بس كدا ... حد جاب سيرة فلوس ؟؟ ولا انا كنت راكن في اوضة نومه ؟؟

و لو فكر يحدف طوبه عليك بعد متطلع زي مأغلبهم مبيعملوا او حتا شتمك (لو انتا بقا مزاجك رايق و فاضي مش وراك حاجة)

يحدف طوبة ؟؟
و حياة ربنا اروح مديها مرشدير و دايسه ... انا ممكن اتجن فيها اساساً !!

**pesso** · 23-04-2010 03:56 AM

الغريب فى الموضوع انى لما اركن السياره ماشفهوش ولما اكون طالع الاقيه امامى زى الشبح والعياذ بالله جه منين وطلع ازاى معرفش وهات ياسلامات وتعظيمات .

**pesso** · 23-04-2010 04:22 AM

انا عاوز اى اخ عزيز يشرح لى طريقه كتابه موضوع فى المنتدى بس بالتفصيل والف شكرله مقدما

**M.Osman** · 23-04-2010 04:31 AM

المشاركة الأصلية كتبت بواسطة pesso

انا عاوز اى اخ عزيز يشرح لى طريقه كتابه موضوع فى المنتدى بس بالتفصيل والف شكرله مقدما

ادخل القسم اللي انت عايز تكتب فيه الموضوع

كليك على زر "موضوع جديد"

اكتب عنوان و محتوى الموضوع و بعدين كليك على "اعتمد الموضوع"

بس كدا

**wghazi** · 23-04-2010 08:36 AM

المشاركة الأصلية كتبت بواسطة mahmoud19

contactcars | الداخلية تطالب بالتصدي ل&#34مافيا الركنة&#34

شوفو كده الكلام ده ياجماعه

ياريت بعد ماتشوفوا الكلاىم اللى فى الرابط برضه تبصوا على التعليقات اللى مجوده تحته عشان نعرف ان كلام الراجل بتاع المرور ده مجرد كلام برامج زى ماتعودنا من كل المسئولين

**hugan** · 23-04-2010 11:57 AM

المشاركة الأصلية كتبت بواسطة wghazi

ياريت بعد ماتشوفوا الكلاىم اللى فى الرابط برضه تبصوا على التعليقات اللى مجوده تحته عشان نعرف ان كلام الراجل بتاع المرور ده مجرد كلام برامج زى ماتعودنا من كل المسئولين

الد اخليه اذا كان الامناء والمندوبين بيقاسموا معاهم يبقي الداخليه هيا اللي ها تحاربهم انا اعرف امناء وضباط بياء جرو الكمين اللي عاملينه بمعني ان الضابط عمليا ماخدش باله من الا مناء وهما بياخدو الفلوس من ملاك العربيات لما انت تراضي الا مين بينك وبينه والحكايه حصلت معايا اكتر من مره افا جاء ان قدامي لجنه واكون اتكلم في التليفون او مش لابس الحزام ومفيش مفر شايفني شايفني يقولي الرخص اقوله معلش ما اخدتش بالي وكنت ناسي وكل سنه وانت طيب واديله 20 جنيه يقول خلاص عدي والمو ضوع ده حقيقي وفي ضباط بيعملو لجان من تكليف او امر من رؤ سائهم ويقول للا مناء انا عايز 200 جنيه النهارده مثلا ةالبا قي حلال عليكم الداخليه هي الراعي الرسمي والو حيد للرشوه

**Ahmed_lol2007** · 27-04-2010 07:40 PM

أنا عمرى ما بدفع فلوس فى حاجة زى كدة ولو عمل حاجة تبقى ليلة أهله مش معدية ؟.......طب ليه ليلة اهله مش معدية؟ ........ عشان أنا وأصحابى بنلعب جيم وأجسامنا تودى فى داهية (هوا أى نعم أنا خسيت جامد أوى بس ربنا يخلى صحابى)
وعلى فكرة أنا والدى كان كل يوم 5 جنيه عند جامعة القاهرة بس دلوقتى بيركن عند مديرية أمن الجيزة (والراجل أبن الراجل اللى يجى جنب العربية ) عشان بيبقى ادام العربية أمن مركزى بالهبل واقف وكل يوم من دة
وانا مخلى جنبى وأنا سايق وصلة كوبلن (الحديدة اللى واصلة بين الكوبلنين ) عشان لو واحد إبن ظريفة حب يستظرف تبقى ليلته أظرف منه إن شاء الله

**wasta** · 29-04-2010 02:08 PM

المشاركة الأصلية كتبت بواسطة Ahmed_lol2007

أنا عمرى ما بدفع فلوس فى حاجة زى كدة ولو عمل حاجة تبقى ليلة أهله مش معدية ؟.......طب ليه ليلة اهله مش معدية؟ ........ عشان أنا وأصحابى بنلعب جيم وأجسامنا تودى فى داهية (هوا أى نعم أنا خسيت جامد أوى بس ربنا يخلى صحابى)
وعلى فكرة أنا والدى كان كل يوم 5 جنيه عند جامعة القاهرة بس دلوقتى بيركن عند مديرية أمن الجيزة (والراجل أبن الراجل اللى يجى جنب العربية ) عشان بيبقى ادام العربية أمن مركزى بالهبل واقف وكل يوم من دة
وانا مخلى جنبى وأنا سايق وصلة كوبلن (الحديدة اللى واصلة بين الكوبلنين ) عشان لو واحد إبن ظريفة حب يستظرف تبقى ليلته أظرف منه إن شاء الله

تمام

خلاص إن شوفت أى سايس هقولوا أنا تبع أحمد بتاع الجيم

الموضوع: حمله ضد السياس والشحاتين

LinkBack

أدوات الموضوع

عرض

-

تمام -

المواضيع المتشابهه

حمله على العفشه

امبراطورية السياس

حمله دوريتوس الاعلانيه

حمله لإعفاء Abs و Ebd من الجمارك

حمله ضد الأسعار

الكلمات الدلالية لهذا الموضوع

المفضلات

المفضلات

ضوابط المشاركة