تفويق الموتور

**Ralliart** · 19-04-2010 02:30 PM

ده الcvt وهو باختصار سير معدني على ترسين متغيرين القطر (ترس من الموتور وترس للعجل ) وخلصت الحكايه
اللينك ده فيه شكل الrpm بيبقى عامل ازاي مع التسارع
HowStuffWorks "Cars with CVTs"

وده لينك عن آلية عمله
HowStuffWorks "How CVTs Work"
وهو موجود في كل الميتسوبيشي لانسر بومه الـ1600 سي سي اوتوماتيك
وعربيتي لانسر 2006
وجزاك الله خيراً يا بشمهندس سمير ويا رب نلاقي حل للموضوع ده عشان انا بتخنق مع العربيه وبفوق لما تفوق

**ahmad5997** · 19-04-2010 02:31 PM

استاذنا سمير بك
بارك الله في حضرتك وزادك من علمه
طب اللي بيقرص علي الاول والثاني (ايه الخطورة في كده)
انا بفضل قارص لحد ما احس ان الغيار ما فيهوش تاني وساعات برفع رجلي من علي البنزبن بعد ما يكون الغيار جاب اخرة وبدل ما اديله غيار اعلي ارجع ادوس تاني علي نفس الغيار (عملتها مرة غصب عني ظروف الطريق اضطرتني اعمل كده بس فؤجت ان العربية تسارعها زاد ) فبقيت اعمل كده احيانا لما احب ازود السرعة علي نفس الغيار وبيني بينك انا حاسيس ان بعمل حاجة غلط فيا تري غلط فعلا
وشاكر لمعاليك علي تعاونكم

**samirayad** · 19-04-2010 05:33 PM

وبيني بينك انا حاسيس ان بعمل حاجة غلط فيا تري غلط فعلا

مشى وراء أحساسك
فأحساسك يقودك الى الصواب

**samirayad** · 19-04-2010 05:36 PM

المشاركة الأصلية كتبت بواسطة ralliart

ده الcvt وهو باختصار سير معدني على ترسين متغيرين القطر (ترس من الموتور وترس للعجل ) وخلصت الحكايه
اللينك ده فيه شكل الrpm بيبقى عامل ازاي مع التسارع
howstuffworks "cars with cvts"

وده لينك عن آلية عمله
howstuffworks "how cvts work"
وهو موجود في كل الميتسوبيشي لانسر بومه الـ1600 سي سي اوتوماتيك
وعربيتي لانسر 2006
وجزاك الله خيراً يا بشمهندس سمير ويا رب نلاقي حل للموضوع ده عشان انا بتخنق مع العربيه وبفوق لما تفوق

معلش أدينى فرصه لتفهم القصه دى لو قدرت

وأوعدك أرد عليك قريبا

أنا أو أى زميل من الأخوه المهندسين الأفاضل

**ahmad5997** · 19-04-2010 06:51 PM

المشاركة الأصلية كتبت بواسطة samirayad

مشى وراء أحساسك
فأحساسك يقودك الى الصواب

وباقي الاستفسار يا كبير

**Ralliart** · 19-04-2010 08:15 PM

المشاركة الأصلية كتبت بواسطة samirayad

معلش أدينى فرصه لتفهم القصه دى لو قدرت

وأوعدك أرد عليك قريبا

أنا أو أى زميل من الأخوه المهندسين الأفاضل

براحتك يا باشا وانا بدور انا كمان على طريقه غير اني اطلع على طريق سريع وافضل ماشي على سرعه عاليه .

هو الحرق والعربيه واقفه بيفيد ولا لأ ؟؟

**samirayad** · 19-04-2010 09:32 PM

هو الحرق والعربيه واقفه بيفيد ولا لأ ؟؟

دى بسيطه أوى

لا طبعا

لأن الموتور مع نفسه وبراحته ومفيش أى أحمال عليه

ومش صح طبعا التزويد على السلانسيه ( أو الحرق بمعنى أصح )
وضار على المحرك وغير مفيد

لأن الموتور تحول لآله عماله تنتج شغل ميكانيكى وبيتراكم داخلها

مثل الأنسان المغتاظ تماما
بيبقى مدايق وحيطق من جنابه

مثل هذه الأبتسامه

ويفضل فعلا ترك هذه العاده

لتقليل غيظة الموتور وجعله متضايقا منا

ولا نضمن رد فعله مع كثرة غيظه منا

**samirayad** · 19-04-2010 09:46 PM

المشاركة الأصلية كتبت بواسطة ahmad5997

وباقي الاستفسار يا كبير

طيب أنت قريت موضوع التصادق مع المحرك صح يا أبو حميد ولا لا

ولو قريته

فأعرف أن الصح

متزعلش الموتور منك عند أى مرحلة نقل
وتحرق عليه زياده عن اللازم
لأن ده ضار على الموتور وعلى الدبرياج

ولو عاملت الموتور بما يرضى الله

فستظل تجد صديقا وفيا لك على مر الزمان

أما لو جيت فى مره وزعلت صديقك ده مره أو أكثر
ورجعت راضيته تانى
فمفيش قلق وحتعدى الليله

لأنه مش واقفلك على الوحده
والا ميبقاش صديقك وصاحبك وحبيبك
ويبقى عدوك فعلا

فخليك زكى فى التعامل معاه
وسايسه على قدر الأمكان

فأن أغضبته مره ( بالحرق الزائد ) عن أى مرحلة نقل

راضيه تانى وعامله بلين
ولا تكثر من الجفاء عليه والغلظه
فكثرة الجفاء والغلظه بين الأصدقاء ( كمحرك سياره وقائد السياره )

مش حلوه
وبتخللى أحدهما يتزمر على الآخر ويتعبه معاه

وفى حالتنا تلك
فأن المتمرد سيكون الموتور ( كأحد الأصدقاء )

وده حقه .....لأنه غير عاقل ....أما قائد السياره
فهو أنسان عاقل

ويجب على العاقل عدم الضغط فى التعامل على غير العاقل
لكى تستمر علاقة الصداقه

إلا أن يشاء الله أمرا كان مفروضا

**samirayad** · 20-04-2010 12:20 AM

المشاركة الأصلية كتبت بواسطة Ralliart

طيب يا بشمهندس سمير انا عندي الفتيس cvt يعني الـRPM مبيشوفش الـ4000 غير نادراً
وحاسس ان المكنه مبقتش فايقه اعمل ايه ؟؟؟

طيب نظرية عمل النوع ده من الفتايس وفهمناها الى حد ما

مقولتليش بأه شكل عصاية الفتيس عامل أيه عندك

وبتتصرف أزاى بعد مابدور المكنه علشان تتحرك بالعربيه

وياريت لو صوره لزراع التحكم فى الفتيس

ولو فيه بيانات تانيه للسياره خاصه بكل أبعاد الموتور
من جهة موقف عمليات الصيانه وخلافه
حتفيدنا برضه فى تنشبط عملية السحب معاك

وأنا حاسس أنك مبتقدرش تزود عدد لفات المكنه عن حد معين ( بسبب ظروف الفتيس من النوع cvt )

ونظرية عمله الحساسه فى تغيير المسافه والخطوه فى البكارات المخروطيه

بتاعة خروج القدره من المكنه ونقلها لمحاور العجل

وطبعا أكيد عندك كورونه ملحقه من داخل الفتيس لنقل القدره الى العجل الأمامى

هو الحرق والعربيه واقفه بيفيد ولا لأ ؟؟

وبدأ يظهر لى سبب سؤالك لهذا السؤال

لأن واضح أنك مش حتعرف تزود السرعه وأنت معشق الفتيس ده

بسبب قيود عملية التصميم

وتقدر فقط تتحكم فى سرعة المحرك وأنت على وضع المور ( أو السلانسيه )

**Ralliart** · 20-04-2010 01:28 AM

عصاية الفتيس اوتوماتيك طبيعي p r n d ds L
زي دي كده

والـrpm فعلاً مبيعلاش غير مع الكيك داون او على السرعات العاليه
وكل اللانسر ال1600 اللي في مصر كده بس في ناس مبتاخدش بالها اصلاً
\