الموضوع: Acceleration Lag (مشكلة فى السيفيك الجديدة)

طيب ممكن نشوف الفيديو؟
وعلى فكره الارقام المعلنه للسيفيك 12.2 ثانيه
فى نقطه انت ماخدتش بالك منها وهى ان عداد السيفيك بيجيب السرعه ديجيتال ودى بتبقى دقيقه جدا لكن عداد الالنترا عكس كده فمن الممكن تكون قبل الميه او بعد الميه اللى اقصده انها مش دقيقه زى السيفيك

كمان سؤال عايز اساله .... انت اقصى سرعه جبتها بالعربيه كانت كام ؟؟؟
ماتنساش ان العربيه لازم تفتحلها الموتور وتشدها شويه وتعودها على الاسلوب الرياضى فى السواقه وده مش كلام مصطبه والله ده كلام خبرا فى السيارات

بمعنى تانى انك لو جيبت عربيتين من نفس النوع والموديل وحالة الموتور واحده صاحبها بيسوق سواقه هاديه والتانيه صاحبها مفتحلها الموتور زى ماقلنا اكيد السحب هايختلف والتسارع هايبقى فى صالح التانيه المتفتحه

دى وجهة نظر ممكن تكون صح او غلط
وبالنسبه للاستاذ سامو احنا مازعلناش منغير سبب انت بتهاجم السيفيك مش هزار لا ده فى اكتر من مكان فى المنتدى هنا وكمان اكتر من موضوع...ولك كل احترامى

السلام عليكم ورحمة الله وبركاته
اولا انا مقدرش ازود عن اللى قاله الاستاذ mimo لأنه فعلا جاب من الاخر
انا رأيى ان السبب فعلا هوة قراءة العداد لأن اول مقريت الموضوع افتكرته drag يعنى سباق عادى مش حساب تسارع
اولا قراءة عداد الهوندا بحس فيها تأخير ولو جزء من الثانية وده شىء طبيعى جدا لأنها بتعطى range اكتر من الرقم نفسه يعنى مثلا لما تقرأ 54 تعرف ان العربية على 60 لو عامل كيك داون جامد فى العربيات اللى عدادها عادى او على سرعة 50 لو بتفرمل فى العربيات اللى عدادها عادى فالموضوع مش دقيق اوى ونفس الوضع فى الالنترا اللى ممكن يكون عدادها استعجل.
على العموم ده مش حل لموضوعنا اللى هوة الحتة اللى بتبقى مخنوقة فيها فأنا على ماأعتقد حضرتك فعلا زى ماالاستاذ mimo تجيب 1 وتستنى لما الrpm يبتدى يعلى ومتخافش لأن فى rev limiter وثانيا ان 1 ده يمتد لغاية حوالى 60 km\h وبمجرد متنقل ل2 او d3 او d حتكون اتخطيط مرحلة الكلبشة دى.
انا مجربتش الموضوع ده انما حسيت بفرق بسيط فى الاداء لما جربت موضوع النقلات بس ده كان على سبيل التجربة و التسلية لا اكثر
وبرده زى ماقال الاستاذ mimo ان كتر الحرق والشد بيفتح فى الpistons وبيساعد على التسارع انما فى نفس الوقت وللأسف بيقصف عمر الموتور
واخيرا على ماأعتقد ان ارقام التسارع بتاعت الهوندا 10.3 للمانويل فصعب تكون فوق 12 للاوتو وخاصة ان استجابته عالية فأنا ارجح كلام الاستاذ cosmic-one انها 11.3 ثانية فقط والله اعلم

ان شاء اللة هبأ اجرب موضوع ال الغيار 1 دة

MiMo
انا اقصى سرعة جبتها كانت 185KM

بس فية اى حد جرب الى انا قولتو دة والا لا؟

للأسف مش هقدر اجيب الفيديو لان دة كان بكميرات موبيلات اصحابى و زمانهوم مسحوة خلاص

المشاركة الأصلية كتبت بواسطة PRO-DRIVE

الجير بوكس الاوتوماتك بيتعود علي طريقه سواقتك

غالبا بيبقي فاهمك حتعمل ايه :) عشان كدا في ناس لما بيحبوا يغيروا السواق

يفكوا الكبل بتاع الجير بوكس و يخلوه لوحده ليله :) بعدين تاني ويوم الصبح يطلع علي طريق سريع ربع ساعه و دوووس في العربيه

العربيه بعدها حتبقي نشيطه


المفروض في السباق الاول انت تعرف الـfuel Cut امتي ؟؟

و بعد كدا بتحدد قوه دوستك علي اساس انك تاخد الفتره فوق 3000 لغايه الfuel Cut

على فكرة الكلانم دة صح فعلاً و علمي .. على الأقل في السيارات الأوتوماتيك الحديثة لإن الجير بوكس بيكون ذكي intellige في automatic shifting و دة مكتوب عندي في كتالوج السيارة (النترا) و فعلاً مكتوب إن بعد فصل كابل البطارية علدي إنك تحس بلخبطة في النقلات لحد ما الفتيس يتعود على سواقتك تاني سواء هادية أو رياضة..
بس خارج موضوع الأوتوماتيك دة أنا معترض على كلام الأخ ميمو إن بصورة عامة الموتور على ما تعوده يعني العربية إلى تقرص عليها تسبق العربية الي بتمشي هادية كمحرك يعني.. بس دة إعتقاد شخصي و ياريت اخوانا المتخصصين يفيدونا في الموضوع دة لإنه هام فعلاً.
بالنسبة لتأخير السيفيك البسيط فده فعلاً نتيجة الـ TBW أو Throttle By Wire و دة نظام حديث بتكون فيه الدواسة غير متصلة بكابل و لكن متصلة بوحدة الكمبيوتر و ده مفيد جداً في عملية الحد من الإنبعاثات الضارة من المحرك و كمان التوفير في البنزين و ممكن يكون هوا اللي بيأخر طلعة العربية حاجة بسطة جداً و دة ميزة في العربية .

و الله يا أستاذ كريم أنا سمعت الكلام دة فعلاً من ناس كتير جداً بس ما هو لازم يكون ليه تفسير علمي ما هو نفس الموتور و نفس البنزين و نفس طرمبة البنزين و الإنجكشن و نفس المقصات و نفس الكاوتش و نفس مشوار البستم في الموتور ... المنطق إن العربية اللي حرق عمال على بطال موتورها يضعف أسرع و العربية الي ماشية أغلب الوقت في ظروف مثالية بدون تحميل زائد تديك طاقة أعلى وقت الحاجة بسهولة حتى لو بعد 10 سنوات بدون قرص ...
أنا مش بأاوح و خلاص و الله بس أنا فعلاً مش فاهم و عايز أقتنع.
و شكراً ليكم.