موضوع جامد جداااااااا الفتيس الاتوماتيك صيانه واصلاح ؟!!!!

**hborsa** · 25-01-2008 01:51 PM

المشاركة الأصلية كتبت بواسطة hazim2008

والله دى فرصة استفسر فيها عن مشكلتى عندى دايو نوبيرا ون شتيشن اوتوماتيك استعمال الخارج فتيس اوتوماتيك كورى عاملة 173 الف كم وكسور .. حاولت افهم من كاتلوجها حاجه مفهمتش لانه كورى المهم قرات ان زيت الفتيس لازم يتغير كل 5000 كم فشرعت فى تغييره وصدمت كثيرا عندما وجدت ان الكل قاللى دى معديه عن 100الف كم ومش معروف متغير زيت الفتيس امتى فده ممكن يأثر على الكلاتشات و 90 فى المئه ان الفتيس ما يقومش تانى لو اتغير زيت الفتيس حتى ولو اتغير على البارد المهم اتصلت بالتوكيل وقال لى نفس الكلام وقاللى سيب الزيت لحد ما الفتيس يتغير اعمل ايه وهل الكلام ده صحيح وايه الحل وهل له فلتر ولا لا؟ وازاى اعرف ان الزيت بتاعه باظ خالص والحل ايه افيدونى؟ كمان عاوز اعرف فتيسها موجود ولا لاء وبكام علما انى بدأت لما اجيب احد الغيارات وخصوصا للخلف الاقى السيارة تنهد منى وكأن واحد صدمنى بعربيته على حفيف افيدونى وشكرا لكم.

:(

عموما هل في مشكله قدامك بعد تغير زيت الفتيس ولا لسه ؟؟
وطبعا كلام انك تسيب الزيت لحد ما تغير فتيس دا مش صح دا توكيل وعايز يشتغل

والحل التاني لو كانت مشكله موجوده وقويه اعمل عبيط وروح التوكيل وقول المشكله وهما يحلوهالك وكان ما عندكش فكره عن اي شي

انت حضرتك تروح التوكيل وقول انا عايز اعمل صيانه في الفتيس الاتوماتيك وهما ها يظبطوا كل شي
من ناحيه الزيت والضغط بتاع والطلمبه بتاع الزيت والبلوفه والصمامت ومستوي الزيت كل شي كل شي
بس دا لو انت غيرت الزيت وفي عندك مشكله

والفتيس ليه فلتر طبعا

**hazim2008** · 25-01-2008 03:01 PM

المشاركة الأصلية كتبت بواسطة hborsa

عموما هل في مشكله قدامك بعد تغير زيت الفتيس ولا لسه ؟؟
وطبعا كلام انك تسيب الزيت لحد ما تغير فتيس دا مش صح دا توكيل وعايز يشتغل

والحل التاني لو كانت مشكله موجوده وقويه اعمل عبيط وروح التوكيل وقول المشكله وهما يحلوهالك وكان ما عندكش فكره عن اي شي

انت حضرتك تروح التوكيل وقول انا عايز اعمل صيانه في الفتيس الاتوماتيك وهما ها يظبطوا كل شي
من ناحيه الزيت والضغط بتاع والطلمبه بتاع الزيت والبلوفه والصمامت ومستوي الزيت كل شي كل شي
بس دا لو انت غيرت الزيت وفي عندك مشكله

والفتيس ليه فلتر طبعا

والله انت راجل بتفهم اشكرك يا مان.. انا قرات فى اكثر من منتدى ان الزيت لازم يتغير ولما رحت للبنزينه خافوا يغيروه وقالولي حلو وكويس بس زوده لما ينقص فده اللى خلانى اسئل التوكي لاكتر من مكان قالولى ممكن الكلتشات تبوظ او ان الفتيس ميقومش تانى اما عن المشكلة فيه فهى انى لما بجيب ورا R او اى غيار على الواقف مفرمل يعنى الاقى فى نتشه محسوسة فى السيارة اشبه بحد خبطنى خفيف من ورا مثلا يا ترى ده من ايه وفى خطوره كبيرة من التغيير ولا هيلبسهالى فى التوكيل ويقوللى دا الفتيس عاوز وعاوز وعاوز ولك منى عزيزى كل التقدير على ردك.
ومعلش انا مركب جهاز اعاقه للعربية يا ترى ايه افضل غيار افضل عليه علما ان الثالث مريح للجهاز ومسرع بالنسبة لى عن الغيار D بحس انه تقيل شويه وهل فى خطورة من الاسراع بالغيار الثالث وانى افضل عليه ولا اعمل ايه؟ وبجد معلش اطلت عليك يا مان بس ده من عشمى.

**hborsa** · 25-01-2008 04:08 PM

المشاركة الأصلية كتبت بواسطة hazim2008

والله انت راجل بتفهم اشكرك يا مان.. انا قرات فى اكثر من منتدى ان الزيت لازم يتغير ولما رحت للبنزينه خافوا يغيروه وقالولي حلو وكويس بس زوده لما ينقص فده اللى خلانى اسئل التوكي لاكتر من مكان قالولى ممكن الكلتشات تبوظ او ان الفتيس ميقومش تانى اما عن المشكلة فيه فهى انى لما بجيب ورا R او اى غيار على الواقف مفرمل يعنى الاقى فى نتشه محسوسة فى السيارة اشبه بحد خبطنى خفيف من ورا مثلا يا ترى ده من ايه وفى خطوره كبيرة من التغيير ولا هيلبسهالى فى التوكيل ويقوللى دا الفتيس عاوز وعاوز وعاوز ولك منى عزيزى كل التقدير على ردك.
ومعلش انا مركب جهاز اعاقه للعربية يا ترى ايه افضل غيار افضل عليه علما ان الثالث مريح للجهاز ومسرع بالنسبة لى عن الغيار D بحس انه تقيل شويه وهل فى خطورة من الاسراع بالغيار الثالث وانى افضل عليه ولا اعمل ايه؟ وبجد معلش اطلت عليك يا مان بس ده من عشمى.

بص يا جميل انا الاب توب بتاعغي بيتصلح في التوكيل وعليه كل البيانات الخاصه با السيارات
ييجي بس وابعتلك كل شي يخص النوبيرا من صيانه واصلاح وعايز اقولك شي هوه انا ما اشتغلتش في الفتيس الاتوماتيك قوي يعني علي الماشي بس بس انا بجاوبك لأني مهندس سيارات يعني المفروض اني اجاوب علي اي سوال
بس موضوع النتشه اللي بتيجي في وضع المارشيليه دا ممكن يكون ناتج من حجات كتير مش شرط موضوع الزيت لأن الزيت نقصه او فقدان الصلاحيه بتاعته اولتاخير عليه بيسبب مشاكل كتير
مثل
الصوت المرتفع
صوت السياره علي في اول الطلعه
السحب في الاول مش كويس
تاخد شيفت بس تنط تاني
لأن الزيت عامل رئيسي جوه الفتيس الاتوماتيك مسؤل عن تعشيق الكلاتشات لأن احنا بنتعامل با الضغط مع الزيت وكمان تعشسق الفرامل اللي جوه الفتيس الاتوماتيك
عموما النتشه دي ممكن تكون تهريب ضغط واتقد ان دي مش مشكله زيت
ممكن يكون في بلف بيهرب او كلاتش مش كويس

انا في الخدمه

**hazim2008** · 25-01-2008 06:24 PM

تسلملى على ارائك المفيده دى وفى انتظار معلومات النوبيرا خصوصا نوبيرا ون لانها هى اللى معايا الكورى ومن رايك يا باشمهندس ازور التوكيل للكشف دلوقتى ولا بعدين وشكرا ليك وبارك الله فيك اخى الكريم

**hborsa** · 25-01-2008 09:55 PM

المشاركة الأصلية كتبت بواسطة hazim2008

تسلملى على ارائك المفيده دى وفى انتظار معلومات النوبيرا خصوصا نوبيرا ون لانها هى اللى معايا الكورى ومن رايك يا باشمهندس ازور التوكيل للكشف دلوقتى ولا بعدين وشكرا ليك وبارك الله فيك اخى الكريم

بص يا يا جميل الفتيس الاتوماتيك مكل جدا حصوصا ان حتي في التوكيل بطلو يعمروه لأنه العمره مكلفه
فا يغيرو الفتيس
فا انت تروح طبعا وتكشف عليه وتخلي المهنس بتاع الصيانه يجربه وتساله انا اغير كل اد ايه الزيت
والفلتر
والصيانه بتاعته ليها جدول ولا لأ وخليه يديك جدول صيانه لو في
ولو صرفت شويه دلوقت احسن ما تغير فتيس خصوصاان اللي عندك كوري ومش عايز احكي معاك يعغني ايه كوري انت عارف طبع؟!!!ا خصوصا قطع الغيار اللي موجوده دلوقت في السوق ما تضمنهاش
عموما انا ها ارسلك بيانات النوبيرا لما ييجي الكمبيوتر الشخصي بتاعي من التوكيل وعموما كتالوةج النوبيرا دا مش ها تلاقيه ي السوق لأني كنت شاريه

شكرا

**M.Mokhtar** · 29-01-2008 10:46 AM

يعنى هو المفروض نغير زيت الفتيس ولا لأ؟
انا قالولى تغيره فى المره الخامسة مع تغير الزيت مع العلم انى بغير الزيت كل 3000 كم يعنى كل 1500 كم
فهل ده صحيح ولا المفروض نزود الزيت بس لو نقص؟
مع العلم ان عربيتى اوبل فكترا موديل 2000 اوتوماتك 2000cc

**hborsa** · 29-01-2008 09:42 PM

المشاركة الأصلية كتبت بواسطة mimysheckles

يعنى هو المفروض نغير زيت الفتيس ولا لأ؟
انا قالولى تغيره فى المره الخامسة مع تغير الزيت مع العلم انى بغير الزيت كل 3000 كم يعنى كل 1500 كم
فهل ده صحيح ولا المفروض نزود الزيت بس لو نقص؟
مع العلم ان عربيتى اوبل فكترا موديل 2000 اوتوماتك 2000cc

\
لأ 15000 قليل انت ممكن تغير مع كل 25000 كيلو متر زيت الاتوماتيك
بس تخلي بالك وتكشف عليه باستمرار بس اللي مش متاكد منه الفلتر يتغير معاه ولا قبله
دي ممكن اشوفهالك

**FASTER** · 04-02-2008 02:46 PM

أنا كمان عندي مشكلة شبيهة لمشكلة الاستاذ حازم وهي أني لما باجيب الr باحس بهبدة في الفتيس ولو طالع مطلع بظهري باحس ان العزم ضعيف

**M.Mokhtar** · 04-02-2008 09:49 PM

بس فى ناس قالتلى متغيرش زيت الفتيش خالص انت بس زوده لو نقص ياترى الكلام ده صح؟

**hborsa** · 05-02-2008 01:30 AM

المشاركة الأصلية كتبت بواسطة mimysheckles

بس فى ناس قالتلى متغيرش زيت الفتيش خالص انت بس زوده لو نقص ياترى الكلام ده صح؟

انت تزوده ولكن لمدي معين هي حسب كتالوج السياراه لأن اكيد يفرق فتيس اتوماتيك من سياراه لأخري
بس بييج وقت الزيت لزوجتة تقل ويخف وانت في الفتيس الاتوماتك محتاج زيت لزوجته جيده علشان انت محتاج طاقه حركه قويه تحرك محرك العزم وبعدين ما تنساش ان في عمليات احتكاك بتحصل جوه
بي الكلاتشات والفرامل الدخليه والتروس نفسها كمان القمريه والشمسية والحامل
واكيد في شوائب بس قليله علشان كدا بنقول نزود في الاول ولفتره محدوده

انا في الخدمة