الموضوع: موضوع جامد جداااااااا الفتيس الاتوماتيك صيانه واصلاح ؟!!!!

المشاركة الأصلية كتبت بواسطة wiki

الحمد لله اي لائيت مناقشة عن الفتيس
السلام عليكم جميعا اولا
انا عندي مشكلة رهيبة و بجد تعباني جدا
معايا لانسر 1991 عيون صفية اوتوماتيك 1300 سي سي ، العربية دي انا بحبها جدا و مش عايز اغيرها
المهم .. من حوالي 4 سنين لما اشتريت العربية مش كنت اعرف ان زيت الفتيس لازم يتكشف عليه ، فا طبعا الفتيس اتحرق و اشتريت واحد استيراد بس بتاع الموديل اللي بعده اللي هو لانسر بطة لأني مش لائيت بتاعها حتى في بورسعيد، الفتيس 3 غيارات امامي l، 2، d من غير 3 او اوفردرايف ، لما بمشي على l و 2 بتمشي كويس و في الـd بحس بالنقلات كويس لحد النقلة الاخيرة اللي هي الثالثة بتيجي بدري اوي ، من سرعة 30 كيلو بس فا طبعا سحب العربية بيقل جدا ، و كمان لما السرعة بتنزل و انا ماشي الفتيس مش بيسقط للنقلة الثانية ، بيفضل على التالتة مع قلة السحب ، بيسقط بس لو السرعة نزلت جدا عشان يجيب السرعة الاولى
غير كده مفيش كيك داون، و لما بمشي على 2 بس بتجيب لحد 60 كم/س و لو قرصت ممكن 90 كم/س
و اليومين دوول كمان بدأت حاجة جديدة ، بسمع صوت زنة عالية اوي في الموتور عند سرعة 80 كم/س و بتروح لما بوصل لسرعة 90 كم/س ، و بتيجي تاني في 110 كم/س و تروح عند 120 كم/س ، و العربية مش بتجيب اكتر من السرعة دي ، مع ان من حوالي سنة كنت بمشي بيها 160 كم/س و صوت الموتور ناعم جدا و مش فيه اي مشاكل
غيرت علبة الشكمان حسيت ان السحب بئى كويس شوية انما صوت الزنة هو هو ، و بردو السرعة القصوى 120 كم/س ، بغير زيت الفتيس كل فترة و للأسف مش بحسبها بالكيلو
الميكانيكي بيخوفني من تغيير الزيت عشان الرجلاش بتاعه و ممكن الفتيس مينقلش خالص

عندي كذا احتمال بفكر فيهم:
اولا تغيير فلتر زيت الموتور ، اعتقد انه ممكن يكون السبب
ثانيا الشكمان اللي جاي من الموتور ممكن يكون مخروم و يسبب صوت الزنة العالية اوي دي (في حاجة كده شبه الطربوش بتاع الشيشة)
ثالثا اغير زيت الفتيس و ربنا يستر و ينقل (على فكرة زيت الفتيس لما بقيسه بلاقي على المقياس رغاوي - مش عارف ده معناه ايه)
اكشف على حساسات الفتيس لأن عندي احساس ان هي المشكلة ان الفتيس بيجيب النقلة الاخيرة بدري و مش بيعمل كيك داون

افيدوني افادكم الله

السلام عليكم تاني :)

و لو ان محدش رد عليا انما خلوني اقولكم ايه اللي حصل بالنسبة للمشاكل اللي انا كنت عارضها
أولا بالنسبة للفتيس و النقل البدري بتاعه طلعت المشكلة في رجلاش الفتيس و دة بيتظبت عشان يحدد امتا الفتيس ينقل, و لما انا اخرته شوية ظبط الدنيا الى حد ما
ثانيا بالنسبة لموضوع الزنة العالية طلعت المشكلة في بلي العجل الي ورا ، اتغير و كل حاجة تمام الحمد لله
سؤال تاتي و يا رب الائي رد, هو الفتيس صح انه يكون تلات نقلات امامي بس على الـd؟ على 100 كم/س الـrpm بيكون على 4.. ده صح و لا المفروض فيه نقلة زيادة و فيها مشكلة ؟

المشاركة الأصلية كتبت بواسطة hborsa

الاخوه الاعزاء كنت فكرت ان احنا نشترك مع بعض ونعمل موضوع عن الفتيس الاتوماتيك من ناحيه الصيانه والاصلاح ومعرفه اماكن الاجزاء لأن انا بصراحه بحاول في الموضوع دا وهوه موضوع لقيت انه بييهم ناس كتير جداااا ارجو الموافقه علي الاقتراح دا لأنه ها يساعد ناس كتير في عمل صيانه واصلاح للفتيس الاتوماتيك شكرااااااااااااااااا

ياريت نركز على اكتر واحد مرعب فيهم هو dsg ربنا يكرمكم لاحسن ده عملى رعب والله :)