انا كان عندى الخزان الفبر بتاع السخن فى الرادياتير بينشع مياه خضرا من فوق - امبارح بعد الشغل نزلت التوفيقية علشان اشترى الخزان وقبل ما ادور ظبطت منسوب المياه فى القربة - وطول ما انا ماشى رايح من مدينة نصر للتوفيقية (نص ساعة) وجاى من التوفيقية للمعادى (نص ساعة) عنيا على مؤشر الحرارة اللى متحركش من مكانه المعتاد اللى هو قبل النص بشرطة - وقبل ما اوصل البيت ب 5 دقايق كنت واقف فى اشارة وحسيت برعشة خفيفة فى السلانسيه بصيت على مؤشر الحرار لقيته ثابت فى مكانه المعتاد - ولما وصلت البيت وبطلت العربية وبرضه كان مؤشر الحرار ثابت فى مكانه المعتاد لقيت القربة فاضية تماما من المياه - سبتها زى ما هى - والنهاردة الصبح زودت 1 لتر مياه بالظبط علشان المياه توصل لعلامة القربة اللى تحت - وكملت تزويد مياه لحد العلامة اللى فوق -وبصبت على مقاس الزيت لقيته تمام - وانا سايق وجاى الشغل حسيت بخشونة خفيفة فى صوت الموتور اثناء السحب

السؤال المهم دلوقتى هل فى احتمال ولو بسيط ان مؤشر الحرارة اللى فى التابلوه يكون بايظ وان عمره ما هيتحرك من مكانه مهما المياه فضيت من دورة التبريد - ولا المشوار مكنش كبير وكمية المياه اللى نقصت مكنتش كبيرة والجو مكنش حر والمراوح كانت شغالة باستمرار
وان طالما المؤشر بيتحرك من تحت خالص مع بداية دوارة العربية وبيوصل لقبل النص بشرطة فى دقايق بسيطة يبقى المؤشر شغال ومفهوش مشكلة

اسف لانى طولت بس الموضوع ده قلقنى جدا

ولكم جزيل الشكر