الموضوع: الخفايا المبهمه و دليل نجوم الرمرمه, فاست فود نايل موتورز!!!

المشاركة الأصلية كتبت بواسطة د.أحمد سمير

مبدئياً انتو الاتنين بتتكلموا صح
لأن ماي كوين في اليمين وده اللي يقصده غازي
وأوتو ماركت في الشمال وده اللي تقصده نور

وللعلم لأني قديم في هذه المسألة
أوتو ماركت أول من اخترع الفشنكاح سنة 1997
لكن ماي كوين هو أول من اخترع فتة الكوارع بالشاورمة سنة 1996
يعني حقوق الملكية الفكرية للفشنكاح لأوتو ماركت

ده انت موسوعه يا دكتور احمد... لأ و بالتواريخ ما شاء الله

بس انت عندك حق فعلا, لأن انا نسيت ان اوتو ماركت عنده فشنكاح بردو...

بس اهم حاجه ان معلوماتي سليمه...

تقبل تحياتي يا دكتور...

المشاركة الأصلية كتبت بواسطة نور القمر

ايوة صح يا دكتور هو اتو ماركت ده الكشك تقريبا والمطعم نفسه على بعد مبنيين تلاته منه على نفس الصف
شككني في نفسي والله
انا ياما دخلت المطعم ده والكشك لما نكون عايزين ناكل في العربية وتحلي بعد كدة باحلى كوكتيل من فرغلي

100 جنيه بقه يا غازي

طيب ما انا قلتلك خديها من دلوقتي اسهل... كان لازم عن جداره و استحقاق..!!

هكتبلك شيك بدون رصيد بالمبلغ المطلوب... و انت طبعا ماعندكيش مانع

او ممكن ابعتلك طبق او اتنين فشنكاح بالمبلغ (ديريفري) على البيت على طول...

اختاري الطريقه اللي تعجبك, و بعد الاختيار اضغطي رمز (الشباك) للتأكيد

المشاركة الأصلية كتبت بواسطة د.أحمد سمير

مبدئياً انتو الاتنين بتتكلموا صح
لأن ماي كوين في اليمين وده اللي يقصده غازي
وأوتو ماركت في الشمال وده اللي تقصده نور

وللعلم لأني قديم في هذه المسألة
أوتو ماركت أول من اخترع الفشنكاح سنة 1997
لكن ماي كوين هو أول من اخترع فتة الكوارع بالشاورمة سنة 1996
يعني حقوق الملكية الفكرية للفشنكاح لأوتو ماركت

صح الكلام
أوتو ماركت بعد كوك دور بشويه بعد شارع الفرات

و مطبوعاته بتقول لا تنس ان تسأل على الفشنكاح

و ده خد بيه جايزه نوفل لاكل الشوارع فى تايلاند

انا من بعد شغلى فى التحرير و العربيه بتاعه الكبده الشهيره و اللى مش فاكر اسمها


نفسى اكل شطه بالكبده ديه و اعدلى كام يوم فى البيت بصوت و الصهد خارج من ودانى و عمال اشرب فى اى حاجه تطفى النار و ميه نار تموت الجرسومات

بس نفسى فيها

مين يعرف حنتيل من بتوع الكبده عشان انا معتزل بقالى فتره

المشاركة الأصلية كتبت بواسطة د-شريف

من القاهرة انا جربت محل Chili's اللى فى هيبر 1 أنا و المدام و الاولاد طلبنا 3 أطباق مع بيبسى فقط. كانت الفاتورة 380 جنية!! عدد 3 بيبسى لوحده 50 جنية.
و من شهريين جربت حلقة السمك اللى جنبه و كانت عزومة من حماتى و كانت الفاتورة 840 جنية لعدد 4 أشخاص كبار و 3 أطفال!! من الأخر إبعد عن المنطقة دى كلها أفضل.

يا ريس انا باكل لما اتعمى و الاكل بيتبقى و اخرنا 250/300 جنيه بالعيال
و بيبسى و ريفيل و عيش الحياه و شوربه و appetizers

و بقوم ببقى عايز نقاله تودينى العربيه و حد يحطنى فى السرير و ببقى خايف اتعور لافسى ولا حاجه

المشاركة الأصلية كتبت بواسطة ahmed2y

حدش جاب سيرة ابو رامى لية يا راجلة محدش هنا من مدينة نصر الكبدة والسجق النار انا كنت بروح انا واصحابى نعد ناكل لحد ما هنزهق هههههه مش نشبع ولما كنت اقوم اروح ببقى بسوق ببطنى ههههههههه ايام

عيب عليك

بس اصله اتخلى عن اصله و اسعاره بقت عبط

انا باكل منه من ايام ماكان عربيه واقفه جربانه و بعدين نقعد فى القهاوى الداخليه اللى قدام من ورا الشبراوى

و نفضل نشرف فى حاجه ساقعه عشان تبرد النار و نشد فى انفاس

بس ابو رامى مش جامد التنين

الناس بتتكلم على مستوى اعلى شويه

و طالما انت من الخط يبقى اكيد عديت على عبده تلوث اللى ورا الفندق اللى نسيت اسمه :)

المشاركة الأصلية كتبت بواسطة human12

انا من بعد شغلى فى التحرير و العربيه بتاعه الكبده الشهيره و اللى مش فاكر اسمها

أنهي عربية كبدة اللي في التحرير يا عم طارق
لو قصدك اللي في أول شارع التحرير عند ناصية شارع الأمير قدادار
فهذه العربية بدون اسم حتى الآن
وإن كان البعض سماها في بداية الألفية أبو حباجة

طب ليه بدون اسم
علشان دي عربية الكبدة بتاعت رجب هلال حميدة عضو مجلس الشعب عن دائرة عابدين والموسكي
وهي اللي بنت ثروته
ولازالت ملكه حتى الآن

أما بخصوص اقتراحات للكبدة
فالكبدة أنواع .. قوللي أي نوع عايزه وأنا أقولك أنهي واحد جامد فيه
تقبلوا جميعاً خالص مودتي

شنوووورى زعيم الرمرمه فى المنتدى
انا اول الرمرمه معايا كانت ايام ثانوى كنا بنضرب فول عند عربيه جااااااامده اوى فى الشلالات مش عارف تعرفها ولالا
وبعدين كشرى المدهش بتاع زمااااان الى فى محطه مصر جوه عند الناس الى بتشغل افلام هندى اكيد عارف الطاعم دى
وكبده الاتحاد ده كنت بجيب من عنده من 10 سنين وكنا بنتريق عليه ونقول ده بيسطاد القطط الى فى المنطقه بس طول عمره تحفه ودلوقتى بقى اشهر من النار على علم بس الكلام ده من فتره قريبه من كام سنه
وفيه برضه عربيه الكبده الى فى نص شارع اللاجيتيه قبل المول الراجل ده من سنين برضه وتطلع من عنده تخش على صابر وطبق الرز بلبن او المهلبيه
وفيه ناس كتييييير مش فى بالى دلوقتى

بس انت كده خليتنى افتكر ايام الرمرمه
بص انا اجيلك يوم ونروح نرمرم سوا باليل ايه رأيك ولو فيه حد اسكندرانى يجى معانا
بس ابببببببعد عن السمين والحلويات والكوارع والكلام ده مليش فيه

وفيه بتاع الكبده الى ادام المجمع فى الازاريطه انا ناسى اسمه بس ده ايامنا كان اشهر من النار على علم
ومكانش فيه مطاعم غيره هناك