الموضوع: مساعده فى لوحه تحكم التكييف

المشاركة الأصلية كتبت بواسطة cementman

ليه كدة يا بكر
انت راجل مهندس

يا كبير ماهو إنت مشيت بدرى من الشركة قبل ما تعلمنى
صباح الفل

المشاركة الأصلية كتبت بواسطة Super_Star_h

اول مؤشر اللى فيه نقط زرقه ونقط حمرا

ده درجات الساقع والسخن
الساقع الازرق والسخن الاحمر
المؤشر اللى فى النص ده
مكتوب عليه 1 . 2 . 3 . 4
ده بتعلى منه المروحه بتاعة التكييف .. حسب رغبتك
وفى اخره من تحت سهم اللى هو لونه بيج ده
زي ما هو فى الصوره كده
يبقى بيجيب هوا من جوه العربيه بيسقعه
ولو وديته النحيه التانيه يبقى هيجيب هوا من بره العربيه ويسقعه
والزرار الصغير اللى مكتوب عليه ac
ده بتدوس عليه عشان التكييف الساقع يشتغل
يعنى اما تجيب المؤشر على النقاط الزرقه اللى هو الساقع ابقى دوس علي ac
واما تيجى تفصل التكييف خالص او تشغل السخن ابقى افصل ال ac
يعنى ال ac بتشغله اما تشغل الساقع وبس
اخر مؤشر بقى
هتلاقى زي ما انت شايف
راجل قاعد فى كل الاوضاع وعليه سهم واتنين
ده توزيع التكييف
يعنى لو الراجل عليه سهم واحد فى وشه زي ما فى الصوره كده
يبقى بيجيب هوا من فوق فى وشه بس
لكن لو طلعت المؤشر درجه
فى سهمين اهو فى وش الراجل واحد وفى رجله واحد
يبقى كده التكييف شغال من عند دواسة البنزين تحت ومن الفتاحات اللى فى التابلوه فى وشك
فهمت يا معلم ؟

المشاركة الأصلية كتبت بواسطة د.محمود صلاح

يرجى مراجعة الموضوع ده اللي انا ناقله عشان الإستفادة عن الطريقة المثلى لتشغيل المكيف
http://www.nilemotors.net/Nile/139240-a.html

الف شكر ليكم