الموضوع: اية اسباب فشل الشارك

المشاركة الأصلية كتبت بواسطة king1974

والله انا مستغرب من المصريين الى انا واحد منهم ياجماعة قلنا 100 مرة الشارك لم تفشل ولن تفشل لأن فيه عربية تانية من نفس الجيل اسمها لانسر بومة الناس بتركبها من 10 سنين وقلنا مينفعش ان شركة تصنع جيلين من موديل وااااحد ( افهموا بقى ) عمركم شفتوا جيلين من الكرولا بيتصنعوا مع بعض فى وقت واحد ؟؟؟؟؟؟؟ اذا كانت الشارك من وجهه نظركم فاشلة حاليا ده بسبب طمع وسوءتخطيط من ميتسوبيشى نفسها وبعد 4 سنوات على الأقل من توقف انتاج البومة نقدر نحكم هل الشارك فاشلة ولا لأ .................. أما بالنسبة للمحرك الcc1500 احب اقوللكم ان المحرك ده من نوع اسمه مايفك ودى تكنولوجيا تانية خالص فى المحركات والمحرك ده بيطلع 109 حصان يعنى نفس عزم الكرولا 1600cc يارتكم تعرفوا يعنى ايه محرك مايفك الى شركة مرسيدس بتستخدمه فى احدث انتاجها .... بلاش نفتى بدون على

انت داخل سخن قوي كدة لية ؟ - ما انا معايا شارك ومسخنتش قوي كدة - اقرا المشاركات تاني بهدوء وانت حتلاقي انك سخنت بدون سبب :)

والا اقولك - احنا نسيب الدكتور سامي يقول تعليقة الاول وبعدين نشوف - هههههههههههههههه


من غير سخونية - محدش قال عليها وحشة - وفشلها اللي صاحب الموضوع اتكلم علية هوه فشل انتشار ومبيعات مش عربية - بالهداوه كدة ومفيش داعي لكلمتك (افهموا بقي ) لاننا مش اغبياء :)

المشاركة الأصلية كتبت بواسطة king1974

والله انا مستغرب من المصريين الى انا واحد منهم ياجماعة قلنا 100 مرة الشارك لم تفشل ولن تفشل لأن فيه عربية تانية من نفس الجيل اسمها لانسر بومة الناس بتركبها من 10 سنين وقلنا مينفعش ان شركة تصنع جيلين من موديل وااااحد ( افهموا بقى ) عمركم شفتوا جيلين من الكرولا بيتصنعوا مع بعض فى وقت واحد ؟؟؟؟؟؟؟ اذا كانت الشارك من وجهه نظركم فاشلة حاليا ده بسبب طمع وسوءتخطيط من ميتسوبيشى نفسها وبعد 4 سنوات على الأقل من توقف انتاج البومة نقدر نحكم هل الشارك فاشلة ولا لأ .................. أما بالنسبة للمحرك الcc1500 احب اقوللكم ان المحرك ده من نوع اسمه مايفك ودى تكنولوجيا تانية خالص فى المحركات والمحرك ده بيطلع 109 حصان يعنى نفس عزم الكرولا 1600cc يارتكم تعرفوا يعنى ايه محرك مايفك الى شركة مرسيدس بتستخدمه فى احدث انتاجها .... بلاش نفتى بدون على

يا باشا
احنا بنقول وجهة نظر الناس المصريين اللي مش واخدين بالهم (ولا اقول مش فاهمين) في تقنيات المحركات و ميخدوش بالهم من العزم بس ياخدو بالهم من السعة اللترية والناس دي هي اللي هتشتري

ذا كانت الشارك من وجهه نظركم فاشلة حاليا ده بسبب طمع وسوءتخطيط من ميتسوبيشى نفسها

فعلا قلنا ان تسويق السيارة فاشل فاشل
وفشل السيارة اللي اتكلمنا عليه هو فشل تجاري لعدم انتشارها

أما بالنسبة للمحرك الcc1500 احب اقوللكم ان المحرك ده من نوع اسمه مايفك ودى تكنولوجيا تانية خالص فى المحركات والمحرك ده بيطلع 109 حصان

انا واحد من الناس مكنتش اعرف انها مايفك
وبعد ما عرفت من حضرتك رايي اتغير شوية (ولو ان 109 حصان مش مرعبة زي الاسم)
السؤال
ليه اعرف كمستهلك معلومات زي دي بالصدفة
فين التسويق السليم
هو ده اساس مناقشتنا

فى مصر السعر فيصل

أثناء اجازتي في مصر في فبراير اللي فات ، كنت ماشي في طريق مصر اسماعلية الصحراوي، وشاب روش كان راكب شارك حمراء كان نازل غرز يمين وشمال وشد وحرق ، قلت لازم اعرفه مقامه واوريه انه راكب لعبة (على فكرة انا تسارع عربيتي على الستوب واتش من 0-100 في حوالي 7 -7.5 ثانية)وبدأت أشد عليه واسخنه (وطبعا هو مكانش ناقص سخونية)
المهم شدينا مع بعض واذ افاجأ بصاروخ أرض أرض بينطلق من جنبي وانا عمال اعافر عشان الحقه عشان ميبقاش شكلي وحش قدام الناس.
الشارك طبعا كانت جمرك مش مصرية ده اللي خلاني أتوقع انها ايفو وليست شارك عادية لأن الدنيا كانت ضلمة ولم أتحقق من ملامحها جيدا.

طبعا أنا بحب شكل الشارك جدا من قدام لأنه في شبه من التشارجر ولكن بكره شكلها من الخلف

نرجع لموضوعنا:

اللي وقع سوق الشارك ليس سعرها المبالغ فيه لأن الكورولا كان ومازال سعرها مبالغ فيه وبتتباع زي الفل انما وقعت بسبب جهل المستهلك المصري بالموتور المايفك + الاشاعات المضاده لها عن ضعف الأداء + عدم الرضا عن الأداء من مالكيها وده ليس لعيب في السيارة ولكن معظم اللي فكروا فيها كانوا من هواة السيارات الرياضية الشرسة ومحبي السرعة فطبعا السيارة خذلتهم على الرغم ان أداءها ممكن يتفوق على منافسيها في نفس الفئة (طبعا لو فتيسها مانوال وليس cvt ) ولكن بالطبع لم ترضي غرورهم

والله العربيه معايا زى الفل والتسارع بتاعها جبار مش عارف الناس واخده موقف لية منها ؟؟