مشكلة خطيرة في السيراتو الجديدة

**Akram** · 27-04-2010 01:39 PM

المشاركة الأصلية كتبت بواسطة cutevampire

شكرا لصاحب الموضوع علي النصيحة .

الموضوع القادم ...
العنوان : العربية السيراتو بتفك من بعضها
الموضوع : واحد ابن خالة اللي جابوا زميل اخو جاري عنده عربية سيراتو و هو ماشي علي سرعة 20 كم/س .. العربية فكت منه و كل جزء مشي في اتجاه و ..................

بما الناس بتتهكم و تهاجم على تحذير قولته لوجه الله , يبقى الواحد ما ينصحش حد علشان ميتردش عليه بأسلوب جميل ذي ده ............. شكراً يا رجالة .........................................

**Akram** · 27-04-2010 01:40 PM

أرجو من الإدارة حذف الموضوع كله علشان كده الكلام ممكن يتحول لشكل تاني ...........

**Cutevampire** · 27-04-2010 01:46 PM

المشاركة الأصلية كتبت بواسطة akram

بما الناس بتتهكم و تهاجم على تحذير قولته لوجه الله , يبقى الواحد ما ينصحش حد علشان ميتردش عليه بأسلوب جميل ذي ده ............. شكراً يا رجالة .........................................

انا شكرت حضرتك في الاول
الهجوم و التهكم مش علي حضرتك ... ممكن بس حضرتك تدور شوية في المنتدي و هتشوف كمية المشاكل الغريبة اللي اتقالت علي العربية ..
اذا كان حضرتك حذرتنا لوجه الله .. في ناس كتير كانت بتحذرنا لاسباب تانية .

**ابو ليلى** · 27-04-2010 02:08 PM

استاذى الفاضل تخيل انك كل يوم عندما تفتح منتدانا الجميل فى قسم الدايوالذى تملك حضرتك سيارة من نفس النوع تسمع عن مشكلة فى السيارة وعندما تقرا الموضوع يتضح بعد ذلك ان الموضوع ليس الا هجوم وانتقاد من شان السيارة بدون دليل عملى وبدون حتى ان يكون يمتلك السيارة مجرد كلام فقط وهذا الكلام يستفز مالكى السيارة ماذا ستفعل ؟؟ هل ستكتفى بالقراء فقط وسيمر الموضوع مرور الكرام ام سترد ؟

تخيل اننا كل يوم هكذا موضوع او مشاركة فيها انتقاد او عيوب فى السيارة مع العلم ان الذى يكتب لا يمتلك السيارة مجرد انه سمع كلام يوجد استفزاز غير طبيعى وكلام بدون اى منطق وكما يقول المثل
( الزن على الودان اقوى من السحر )

تخيل انك تريد شراء السيارة فعلا ودخلت هنا للتعرف على السيارة من مالكيها ورايت هذا الكلام والهجوم والانتقاد ماذا ستفعل لو حضرتك مقتنع بنسبة 80 % بالسيارة بعد ما تقرا هذا الكلام اكيد النسبة ستقل ولو حتى معنويا

لكل هذا تجد اغلب الاعضاء فى حالة دفاع مستمر لان التاثير المعنوى السلبى اصبح كبير ويوجد تحفز باستمرار لكل من يدخل ويكتب اى شى غير طبيعى فى السيارة عندما تحس انك دافع مبلغ يتخطى المائة الف جنيه وبكل سهولة يقول لك شخص ان هذا الميلغ طار فى الهوا .

انا لا اشكك مطلقا فى كلام حضرتك واقدر تماما حرصك على الصالح العام ولكن لكى يتم التاكيد الفعلى يجب ان تكون المعلومات كاملة

ولك كل التحية والتقدير فى بيتنا الكبير نايل موتورز

**Atrees** · 27-04-2010 02:49 PM

كيا العالمية تقرر تصنيع سيراتو من 2012 بعد انتاجها في 2010 كسيارات تجريبية فقط

بعد استطلاع الاراء خلال 2010 للسيراتو الجديدة من كافة العملاء قررت كيا انتاج فئة جديدة من السيراتو في مصانعا في دولة افغانستان بمصانع طالبان بالمواصفات التالية

1- السيارة مجهزة بحزام ناسف بدل حزام الامان
2- مجهزة بكراسي مفخخة بدل الاير باج
3- حساس انفجار تلقائي عند انخفاض الضوء
4- فرامل معززة للكمائن الشائكة
5- الوان مموهه ( صحراوي - زراعي - مدن )
6- السيارة تعمل بالغاز لسهولة الانفجار
7- زجاج قابل للنشطار وسهولة الكسر ونشر الشظايا
8- خزان وقود اضافي قابل للنفجار
9- ساوند سستم لتضخيم صود الانفجار

والبقية تاتي

**Ahmed Samy** · 27-04-2010 02:50 PM

المشاركة الأصلية كتبت بواسطة akram

انا صاحبي شغال معايا و سألته على موديل عربيته فقاللي إنها ex و شاريها من 3 شهور (مصري مش خليجي) و عربية قريبه برده نفس الموديل و هي برده مصري مش خليجي و شاريها من 4 شهور ......... ده بس للتوضيح ...........

يا أستاذ أكرم

حضرتك فهمت معنى ماعتقدش حد يقصده

ما حدش قصده يكذب روايتك انت

اللي مش مصدقينه الرواية اللي وصلتلك

حضرتك أخ و عضو معروف مش أي واحد

الكلام على الرواية الأصلية

و أنا عايزك تفهم النقطة دي كويس ...عن نفسي بشكل خاص

**LeperMessiah** · 27-04-2010 04:06 PM

طب انا مش هاقعد اقولكم ابن خاله مش عارف مين و بتاع الموضوع دع حصل معى شخصيا و الحدوته كالتالى

انا كنت عايش فى ماليزيا فتره و كان معايه Hoda Civic Type R 2000 CC موديل السنه (2006) اللى هى مانزلتش مصر غير بعدها بقرن و العربيه ديه كانت واخده جائزه Best car of the Year 2006 in South East Asia و كنت راكن فى باركنج عمومى من كذا دور

المهم روح عند عربيتى و بدوس على الريموت علشان يفتح لقيتنى فتحت عربيتى و العربيه اللى جانبى و كانت Prodoa Kelsea و مالهاش علاقه من قريب او من بعيد بعربيتى

قعدت العب شويه و الموضوع عجبنى و كان معايا واحد صاحبى ميت من الضحك... شويه و صاحبه العربيه جت و كانت مزه (ما علينا) و قولتلها على اللى حصل و حاولنا نفتح العربيتين بمفتاحها انما كان استحاله مفتاحى انا بس هو اللى كان بيفتح الاتنين و مفتاحها بيفتح عربيتها بس و مالقيتش تفسير للموضوع ده الى الان

**ghazy12** · 27-04-2010 05:07 PM

المشاركة الأصلية كتبت بواسطة akram

أرجو من الإدارة حذف الموضوع كله علشان كده الكلام ممكن يتحول لشكل تاني ...........

أستاذ أكرم... مافيش أي داعي لحذف الموضوع أو ان الكلام يتحول لشكل تاني...

حضرتك قصدت التحذير من شئ حصل, وارد تكون فهمت غلط, و وارد يكون حصل
لكن في النهايه انت قصدك خير و عايز تحذر الأعضاء, مش داخل لأي سبب اخر...

في النهايه... مافيش حد كذبك أبدااا, و أنا بشكل خاص قلت اني مش بكذبك...

أنا شخصيا اعرفك كويس من خلال مشاركاتك, و يمكن مانكونش اتقابلنا قبل كده
لكن انا انطباعي عنك انك انسان غايه في الاحترام و الذوق, و زي ما قال
د.أحمد سامي, انت عضو معروف و معانا من زمان, مش أي واحد...

فأرجو انك ماتكونش اتضايقت من اي حد, و والله أنا مقدر جداا شعورك و فاهم
قصدك ايه, و نيتك من ورا التحذير أنا واثق انها سليمه, و عايز تنبه الأعضاء

تقبل تحياتي يا استاذ أكرم...

**Atrees** · 27-04-2010 05:22 PM

استاذ اكرم - انا برضوا لم اقصد التهكم عليك بجد - واعتذر اذا كانت مداخلاتي اوحت بذلك

بس هيا دي طريقتي :( انا بحب اخفف من حديه المناقشات بالتهريج مش اكتر - والناس كلها هنا تعرفني بكدة

والسبب اننا في كيا ياما شوفنا لدرجة اننا بقينا اول منشوف شكوي نبقي عارفين الموضوع حيخلص علي اية

لو تلاحظ - كل اشكاوي اللي في كيا من ناس سمعت - والشكاوي الحقيقية من ملاكها اما مشاكل فردية او حالات بسيطة جدا

وبعدين انت معلقتش يعني علي موضوع سيراتو بتاع طالبان

سلامي ليك ولكل الاعضاء وشكرا علي التحذير

-

الموضوع: مشكلة خطيرة في السيراتو الجديدة

LinkBack

أدوات الموضوع

عرض

-

-

-

-

-

-

-

المواضيع المتشابهه

مشكلة خطيرة فى الفرامل!!

مشكلة خطيرة فى الدركسيون

مشكلة خطيرة بالماتريكس

مشكلة خطيرة في فرامل

الكلمات الدلالية لهذا الموضوع

المفضلات

المفضلات

ضوابط المشاركة