ههههههههههههههههههههههههه ههههههههههههههههههههههههه ههههههههههههه
والله مش بضحك على صاحب الموضوع انا بضحك على اللى حصل معايا بسبب الموضوع ده
باين عليه صاحب الموضوع ده فيه شئ لله وراجل مبروك لانى النهارده قريت الموضوع قبل ما انزل بليل والصراحه ضحكت و قلت ازاى يعنى ده لو تكتوكين مش حيدورو بمفتاح واحد ده طبله الباب بتاع شقتنا مش حتبقى كده
المهم سبت العربيه لاخويا الكبير(اللى هو طبعا صاحب العربيه و انا باخدها بلطجه )ونزلت وانا تحت اخويا اتصل بيا و اتفق معايا ان احنا ورانا مشوار بدرى و حنروح سوا وهو دلوقت مروح
عادى بقه كالعاده سهرت بره ووانا مروح كالعاده برضه الساعه 6 الصبح كده دخلت شارعنا ملقتش العربيه
وعينك ما تشوف الا النور يا معلم اول حاجه جات فى دماغى الموضوع ده وكنت خلاص حعيط فى الشارع وطلعت قلبت البيت و صحيت والدتى (طبعا اخويا مش فى نفس السقه ده متجوز فوقينا لانه لو كان معايا فى نفس الشقه و كنت طلعت ملقيتوش كانت المشكله اتحلت)وقلتلها الحقى العربيه باين عليها اتسرقت هو ابنك فين قالتلى يابنى ده فوق و اول ما قالتلى ده فوق تصور مشهد سعيد صالح بتاع
احيييييييييييييه احيييييييييييييييييييه احييييييييييييييه يابو سوسو احيييييييييه
قلتلها العربيه مش تحت و خلاص بقى الموضوع ده طازة فى دماغى و مش عارف اقتنع بغير ان العربيه اتسرقت و بعدين طبعا مينفعش اطلعله فى وقت زى ده رحت مطلع الموبايل و مكلمه لقيته بيرد عليا وهو نيمان كده و بيقولى عايز ايه (وانا جوايا بقول بلاش اصدمه حرام ياخد الصدمه كده وهو لسه صاحى)قلتله بكل هدوء هو انت فين
قالى ليه يابنى هو فى حاجه
قلتله لا عادى بسال بس (برضه مش عايز اصدمه)
قالى لا صوتك مش طبيعى فى حاجه قول فى ايه
قلتله بص بقى العربيه باين عليها اتسرقت
وفوجئت بنوبات ضحك هستيريه يلا يا اهبل ده جالى سفر شغل مفاجئ و نزلت سافرت بسرعه و كويس اصلا انك سبتها مخدتهاش
وبدات نبضات القلب تعود و قفلت السكه وبدات نوبات الضحك ليا انا كمان و حسيت نفسى ...........
بلاش اقول حسيت نفسى ايه
المفضلات