السلام عليكم جميعا,
و أكرم باشا ... أخبارك إيه؟
معتقدش إن حد كان يصدق إن سيارات شركة تويوتا بها عطل في الدواسات والتي على الأغلب هي مشكلة (Drive-by-wire) رغم نفي الشركة, تسببت بمقتل ما يقرب من 50 فرد ... و طلب رسمي من الشركة لشركة ناسا بالتدخل لتحليل و علاج المشكلة.
شركة مرسيدس تقدمت بإعتذار مقدم مسبقا للملاك في حالة إكتشاف عيب بسياراتهم ناتج عن سوء مراقبة الجودة بالشركة.
شركة هوندا سحبت آلاف السيارات بسبب عيب في الوسائد الهوائية ... و إخوة أعضاء هوندا إشتكو بالإجماع من مشكلة بالبطاحات لم يتم إصلاحها حتى الآن من الوكيل و عرفنا إن المشكلة كانت موجودة في أوروبا من ثلاث سنوات و تم إصلاحها عندهم.
شركة BMW سحبت سيارات بسب الوسائد الهوائية منذ عدة سنوات.
صديق لي كان معه سيارة VW و في صيانة ال 1000 إكتشف ثقب بالموتور و تم تغيير الموتور بالكامل.
والله كل إللي أقصده من الحصر السابق إن محدش ياخد الموضوع شخصي كأن العيب فيه هو مش العربية أو الشركة ... و كل اللي محتاجينه إننا نتأكد من المشكلة زي ما أستاذ أكرم قال إن الناس رايحه التوكيل تفهم إللي حصل ده ممكن يكون حصل إزاي.
صحيح في ناس بتهول بس فيه ناس برضه بتتكلم جد.
و يا أستاذ أكرم إنت بلغت بنية حسنة و إحنا عارفين حضرتك كويس و ربنا يجزيك خير إن شاء الله.
وإللي أنا متأكد منه إن الآن فيه حالة سوء صناعة من قبل كل الشركات بسبب هوس التطور إللي بيحصل بسرعة غير عادية و واضح إنه ما بياخدش حقه في تأكيد جودته في الشركات قبل طرحه بالأسواق.
أي إختراع ينزل من شركة كبيرة بعد سنة واحدة تلاقيه موجود في كل الشركات الأخرى ... طب إزاي؟ ... إزاي لحقو يفهمو و يدرسوه و يصممو زيه و يظبطوه على عربياتهم و يحطوه تحت الإختبار ... إلخ؟
أو تلاقي إختراع نازل في شركتين منافسين مع بعض في نفس السنة ... طب إزاي؟
أولا و أخيرا الكمال لله وحده.
وتقبلو إحترامي و آسف على الإطالة.
المفضلات