الموضوع: معلش يا شباب نتكلم بالعقل و المنطق شويه

المشاركة الأصلية كتبت بواسطة romeo_6887

هو ايه اللي مخلينا نستحمل قرف الدايو ده ؟ ما العربيات مليه الدنيا اهه و مفيش منها مشاكل ده حتي الصيني مشاكله مش بالكم ده انا كل ما انزل بالعربيه اتلاقي فيها مشكله شكل و كل ما اخش علي القسم ده اتلاقي مشكله شكل في عربيه واحد مننا هو ايه مخلينا نستحمل القرف ده ؟ ده غير قرف الشيفروليه اللي انا توقعت انه هيقل بعد ما دايو قفلت لكن هيهات ازاي يقل ؟ بلاوي منيله بنيله في الشيفروليه برضه هي مش زي الدايو اه بس برضه مشاكل كتير علي عربيات جديده و حديثه ايه اللي غاصبنا علي العربيات دي و احنا عارفين ان كلها عيوب اي نعم هي عيوب مش كارثيه بس برضه ميمنعش انها عيوب مقرفه و ساعات بتوقف العربيه خالص و تخيلك تكع فلوس و كل يوم و التاني عند الميكانيكيه وصرف هنا و هناك و ياريت العربيه بتتظبط بعد كده لكن لا طبعا لازم صرف اكتر و اكتر انا طبعا مش بعيب في العربيه بس بتكلم عن 3000 جندي صرفتهم علي العربيه لغايه النهارده ده غير تضييع الوقت و سماع كلام ملوش لزمه من صحاب الشغل اللي انا فيه و يا ريت العربيه ماشيه عدل فايه اللي مخلينا نستحمل القرف ده ؟ ما نشتري اي عربيه تانيه و خلاص و المشكله ان كلنا بنخش ننصح الناس بيها و احنا عارفين ان كلها وجع دماغ و قرف
يا لمبه تشيك تنور من غير سبب واضح
يا لمبه بطاريه تنور مش عارف من ايه
يا لمبه زيت تنور و الزيت لسه جديد
يا طلمبه بنزين تضرب كل شويه
يا موتور يخف فجأه كده ليه متفهمش
يا عفشه تلاقيها جابت ارض ارض فجأه
معلش يا شباب بفضفض معاكم و انا مش قصدي اتكلم عن العربيه بطريق وحشه و لا حاجه بس حاسس هيجيلي ضغط من اللي بيحصل لينا عموما و ليا خصوصا و ياريت نتناقش بهدوء

+1111111111111111
عربية فعلا كلها مشااااااااااااااااااااااا اااااااااااااااااااااااكل
لكن الحق يقال ليست مشاكل كوارثية لكنها مشاكل لاتنتهى
اتحدى اى شخص معاه لانوس وعدى عليه اكتر من سنة من غير ما يسمع صوت حكه أو طقة أو لمبة تشيك أو برجلة موتور أو ترزيع فى العفشة أو شكوى من استهلاك البنزين أو شكوى من صوتها العالى
على فكرة الاسبرنزا ال 516 برقبتها لكن برضو الصينى مشاكله مقرفه جدا لكن فى المقابل هاتلاقى فرق شاااااااااااااااااااااااا اااااااسع بينها وبين اللانوس
اللانوس دايما بتفكرنى بمثل الناس اللى رقصت على السلم