تقرير مصور - رينو سكالا

**DViPER** · 07-06-2010 11:35 PM

المشاركة الأصلية كتبت بواسطة أحمد كمال

بصراحة

مسخ مش عربية

نيسان صني بلوجو رينو

+1111111111111111111111111111111111

**aljurjani** · 08-06-2010 12:00 AM

لا أقصد بالطبع يا أخ حسام فيكيفك تعبك في الموضوع.

وإنا أقصد التعليقات السخيفة التي تلقى بطريقة الفاضي يعمل قاضي، والكلام معليهوش جمرك، وعربيتي وبعدها الطوفان إلخ.

أنا أعتقد أن هذه السيارة جيدة ومناسبة للبيئة المصرية مع إقراري أننا شعب فقير .. ومستغل في الوقت نفسه من كل التجار سواء كانوا تجار هواتف محمولة أم تجار سيارات أم تجار أحذية أم تجار ملابس.. أكبر شعب مسروق في العالم.

**raymond728** · 08-06-2010 11:32 AM

انا مش عارف الناس اللي عمالة تسلخ في جلد السكالا دا علي اساس ايه - يعني هما ولا ركبوها ولا جربوها علي اي اساس بيحكموا عليها - المفاجئة اني معايا السكالا 2010 ال هاي لاين من حوالي 10 ايام و بجد العربية زي الفل و اعتقد ان محدش من الناس العابوا في العربية ساقها او جربها- حاجة اخيرة بس علي البيقول انا تقليدية جدا من جوا احب اقوله ان التارة مالتي فانكشن و فيها عدة سي دي محترمة مش سي دي من ارضء انواع ال كين وود بيبوز بعد 3 او 4 شهور علي الأكثر (ال في النيسان)- دا غير انو نازل في مشروع التاكسي الأبيض الجديد واسئلوا بتوع التاكسي او العندوهم السي دي دا ايه اخباره- اما بالنسبة لزراير التكييف محترمة و شيك جدا مش كوبس و مرزوعة في اخر حتة في التابلوه زي النيسان - و يا ريت يا جماعة اليتكلم في اي حاجة يتكلم عن تجربة. وشكرا

**CryptonX** · 08-06-2010 12:05 PM

المشاركة الأصلية كتبت بواسطة raymond728

انا مش عارف الناس اللي عمالة تسلخ في جلد السكالا دا علي اساس ايه - يعني هما ولا ركبوها ولا جربوها علي اي اساس بيحكموا عليها - المفاجئة اني معايا السكالا 2010 ال هاي لاين من حوالي 10 ايام و بجد العربية زي الفل و اعتقد ان محدش من الناس العابوا في العربية ساقها او جربها- حاجة اخيرة بس علي البيقول انا تقليدية جدا من جوا احب اقوله ان التارة مالتي فانكشن و فيها عدة سي دي محترمة مش سي دي من ارضء انواع ال كين وود بيبوز بعد 3 او 4 شهور علي الأكثر (ال في النيسان)- دا غير انو نازل في مشروع التاكسي الأبيض الجديد واسئلوا بتوع التاكسي او العندوهم السي دي دا ايه اخباره- اما بالنسبة لزراير التكييف محترمة و شيك جدا مش كوبس و مرزوعة في اخر حتة في التابلوه زي النيسان - و يا ريت يا جماعة اليتكلم في اي حاجة يتكلم عن تجربة. وشكرا

يا سيدي الف مبروك .

الشكل اذواق .. و مش محتاج تجربة ...

الي عاجبه العربية قال انها حلوة .. وفي ناش اشترتها ..

و في ناس شايفها قبيحة جدا مثلا .. انا منهم .. من حقي برده اقول راي .. مش محتاجة تجربة للعربية ولا اي حاجة ..
تقليدية مش تقلديية دي اذواق .. محدش عيب على العربية نفسها حاجة من غير تجربة طبعا .

**Amr_Moh** · 08-06-2010 08:42 PM

أكن بتفرج على نيسان صني معدلة
هي كرفة على ياباني جامد بس مش بطالة في رأي الشخصي وإن كانت بعيدة تماماً عن شخصية رينو

**Amr_Moh** · 08-06-2010 08:58 PM

المشاركة الأصلية كتبت بواسطة CryptonX

الي يدفع 100 الف او مايقارب منها في سيارة المفروض انها موديل 2010 و لكنها مصممة سنة 2000 ! على الاقل ..

يبقى عليه العوض ومنه العوض ..

شكلها مقرف في الحقيقية و في الصور .. شكلها سيارة صيني كمان من الامام .. مع حفظ الالقاب و التقفيل و الكلام الي ولا يسوى 5 جنيه بالنسبة لي . .لان تمنها سرقة اصلا ..

هل دة كان حيكون نفس رأيك لو نيسان هي النزلتها تحت شعار نيسان
?

أنا شايف عدم رضا في معظم مشاركتك أين كانت العربية

**Amr_Moh** · 08-06-2010 09:12 PM

المشاركة الأصلية كتبت بواسطة asd_asd

هما منزلنها عشان تنتافس اى موديل هي اخرها تنافس 128

المشاركة الأصلية كتبت بواسطة rsarabia

اول ما شفت شكلها من برة حسيت انها هتكون فقيرة جدا من جوة و قد كان :)

رينو مش هتبيع حاجة من العربية دى و دا ببساطة لانها فقيرة جدا من الداخل و تصميم قديم جدا و تحس انك شفتها قبل كدا كتير و خامات و الوان فقيرة جدا و عاوزة تبيع ب 90 و 100 الف !!

هل دة كان حيكون نفس رأيك لو هي نزلتها تحت شعار نيسان
?
أنا إعتراضي على العربية ديه سعراً فقط

**CryptonX** · 08-06-2010 10:19 PM

المشاركة الأصلية كتبت بواسطة amr_moh

:o_stupid[1]::o_stupid[1]:

هل دة كان حيكون نفس رأيك لو نيسان هي النزلتها تحت شعار نيسان
?

أنا شايف عدم رضا في معظم مشاركتك أين كانت العربية

بالعكس تماما !

انا صعبان عليا انها تنزل بعلامة رينو .. الي مفروض انها سيارة اوروبية متطورة و تصميماتها دائمة جذابة ..ز

نيسان تصممياتها كلاسيكية او على الاقل السيارات الي عندنا ..

لا تشدك .. ولا تخليك حتس تتسائل ايه نوع العربية .. حتى التيدا انا كانت احلاهم فهي بمقياس التصميم الاوروبي .. سيارة عادية جدا ...

و دي مشكلة ال re-badging او طرح سيارة بعلامة او ماركة اخرى ...

السيارة مفيهاش ريحة اي حاجة من رينو نهائي ... غير العلامة ..

و على فكرة .. لو شفت موضوع قديم كانت نازلة بعلامة نيسان خليجي .. و قولت عليها " نيسان صيني " مش صني .

مش معنى ان شركة محترمة نزلت عربية .. نبقى لازم نحبها و نبوس فيها و نقول عليا 100% !

وشفتها في المعرض .. هي و الداستر .. و مغيرتش راي ز.. بالعكس .. تاكد تماما ...

و رضى من عدمه .. علشان الشركات دي بتستهبل .. و اسعار وهمية على سيارات متساويش !

بس ايه رايك اني بعشق حاجة اسمها الكليو ؟ الهاشبتاك الي في توقيعك ... :)