معلش حاول تتعايش وخليك حذر وانت سايق دايما..ولا تنسى دعاء الركوب
رقم العضوية : 38300
تاريخ التسجيل : 17Apr2009
المشاركات : 2,671
النوع : ذكر
الاقامة : egYpt - Cairo
السيارة: Pride 1.1 M\T 1999
السيارة[2]: Lancer 1.3 M\T 2008
دراجة بخارية: 000
الحالة :
يمكن مش اول مره , وطبعا مش هتكون اخر مره
ربنا يخلى مصر وشوارع مصر ومطبات مصر اللى عشت معاها تجارب كتير كلها سيئه ومؤلمه ومكلفه والحمد لله
يتضمن خط سيرى للعوده للبيت كل يوم المرور من الشارع اللى ميتسماش اللى فى وش المنصه واللى فيه الفندق اللى ميتسماش بتاع القوات المسلحه , ومن فتره قريبه اداره الفندق اللى متتسماش قررت انها تعمل مطبات من اللى هى برعايه حديد عز بعرض الشارع
المطبات اتعملت بأسياخ حديد عرضيه وتم عمل قبه خرسانيه عليها بعدد حوالى 12 مطب يمكنهم بكل سهوله فرتكه كاوتش عربيتك واحلال وتجديد العفشه لو بتعدى عليهم كل يوم بسرعتك العاديه , وعليه بعد ما كنت باخد الشارع ده 60 - 80 بقيت اخده 90 - 100 حيث يختفى الاحساس بالمطبات دى وتبقى الحياه اريح
وبالبرغم من انى مش عارف اساسا ايه لزمه المطبات , لأنها مثلا مش منطقه سكنيه ولا حد من نزلاء الفندق هيعدى الشارع منها , فأنا استنتجت انها معموله علشان اللى ميتسموش اللى خارجين من الفندق يستخدموا يوتيرن فى وش الباب علطول بسهوله بدل ما الكل جاى بيجرى الاول وبيبقى الموضوع صعب علشان طبعا البهوات مكسلين يستخدموا اليوتيرن اللى بعده , ده طبعا كله بعيد عن ان ملكيه الشارع اساسا لا تخص الفندق ومش من حقه يعمل فيها مطبات ولكن حيث اننا فى بلد تحكمها الشوربه كل واحد بيعمل قصاد بيته اللى هو عايزه
من كام يوم ظهرا الفندق قفل الشارع امامه تماما لغرض ما وكان فى اعمال تبدو كصيانه فى الطريق وتم تحويلنا كدا بلدى من غير يافطات ولا قراطيس للاتجاه المخالف ودى حاجه قمه فى عدم المسؤوليه وقله الذوق ولكن فى اليوم ده كنت مستعجل ومخدتش بالى بيعملو ايه الناحيه التانيه , النهارده بقا خدت بالى
راجع من الشغل تعبان ومصدع جدا ومش مركز كويس وانا سايق , وبالطبع داخل على المكان اللى اعرفه للمطبات دايس على العربيه علشان اعدى منهم بسرعه وتحديدا على سرعه 100 كم وطبعا الطريق اساسا منزل لقيت فى وشى مطب عملاق مفيش قبله اى يافطات او اضاءه وهو اساسا مش باين , المسافه كانت لا تتعدى ال 6 - 8 متر وانا بجرى ومعدل استجابتى اساسا بفعل الارهاق اقل من العادى , يادوب دوست فرامل والصريخ اشتغل وعلشان الشارع منزل لقيت العربيه بتتزحلق منى بالجنب ومش هلحق اهدى حتى روحت سايبها زى ما هى ودخلت فى وضع القنفذه استعداد لأنى هنط البس فى شجره او فى سور الفندق
ارتفاع المطب كبير جدا جدا جدا وهصوره لكم ان شاء الله وطبعا السرعه كبيره والطريق منزل فمش مساعد على التهديه , العربيه اساسا وهى طالعه المطب اتخبطت فيه بشده من ارتفاعه ولقيت الوش اترفع فى الهوا ومبقتش شايف الشارع اساسا وبعدين انا طرت خبطت فى السقف وخبطتين فى الارض والعربيه اتشالت واتحطت مرتين وكل حاجه معاى فى العربيه جت عندى قدام
اول ما لمست الارض كان كل همى انى اسيطر على العربيه علشان كان فى خيالى ان اكيد فى حاجه صعبه حصلت , فتيس اتكسر او موتور وقع او عجله هتضرب , الطيران كان فظيع والخبطه فى الارض عنيفه جدا ويادوب مسكت العربيه وشغلت انتظار وركنت فى جنب
شباب ماشيين ورايا وقفوا يشوفو اذا كان حصلى حاجه طبعا من الفيلم الاجنبى اللى حصل قصادهم وطمنتهم ونزلت من العربيه اتلم على اعصابى
بفضل الله قعدت ابص تحت العربيه لقيت كل حاجه سليمه ومفيش اى حاجه بتنقط او حاجه متضرره وكله يبدو على ما يرام , ركبت العربيه ومشيت لقيت ان كل اللى حصل ان بس الكلاكس فصل فقولت ابقى اشوفه بعدين
لكن على ما قربت على البيت حاسس صوت الموتور مش طبيعى وفيه رجه زياده شويه عن العادى وانا بطلع , ربنا يسهل بقا هبقى اكشف كدا بكره فى النور واشوف ايه اللى حصل
وفوق البيعه بقا , النهارده اساسا وانا خارج من الجراج لقيت عجله من اللى ورا على الارض , روحت كشفت عليها لقيت فيها مسمار حوالى 10 سم فى جنب العجله ونفسى اعرف دخل ازاى وطبعا العجله كدا بالشفا
بعد ما رحت لحمت العجله وانا راجع عند كليه بنات الازهر وجاى من مصطفى النحاس أكلت بلاعه مجارى مفتوحه مشوفتهاش , والحمد لله نفس العجله اللى لسه لاحمها ورايح احطلها نيتروجين الجنط بتاعها اتعوج ورميتها فى الشنطه ومشيت على الاستبن تانى
يعنى شوارع مصر عملت معاى النهارده واجب كومبو بكل ما لديها من اسلحه , كان ناقص بس اتمسك رادار فى شارع سكه الوايلى ويبقى كدا اتعشت
كل اللى عايز اقوله , حسبى الله ونعم الوكيل , مش مسامح فى حقى ابدا عند اللى عمل المطب
وحسبى الله ونعم الوكيل فى اللى سايبنا كدا للناس دى تبيع وتشترى فينا لأن محدش كان هينفعنى لما ادخل بالعربيه فى شجره وتجيب أجلى
صحيح انا كنت فوق السرعه المقرره بس انا حتى لو كنت ماشى 60 كنت هلبس برضه المطب لأن الدنيا ظلمه كحل والمطب مش عليه اى فسفور عاكس ومفيش اى يافطات تقول ان فى مطب , ده غير ان المطب عالى بدرجه لا توصف وحجمه غبى جدا حتى لو الواحد طلع عليه براحه
خلى بالكم يا جماعه وربنا يستر طريقكم , مش عارف هنلاقيها منين ولا منين
إفـلــت زمـام امـالــك
رقم العضوية : 6201
تاريخ التسجيل : 22Feb2008
المشاركات : 12,866
النوع : ذكر
الاقامة : cairo
السيارة: nissan sunny ex 2008
السيارة[2]: Sonata 2013
دراجة بخارية: لا
الحالة :
معلش حاول تتعايش وخليك حذر وانت سايق دايما..ولا تنسى دعاء الركوب
م/ احمـد عـزت
رقم العضوية : 25216
تاريخ التسجيل : 15Nov2008
المشاركات : 14,019
النوع : ذكر
الاقامة : Haram & My mobile phone
السيارة: New Accent 08
السيارة[2]: Picanto 09
دراجة بخارية: no
الحالة :
الحمد لله على سلامتك الاول
تانى حاجة
يا ريت تبعت شكوى على مكتب الوزير نفسه
A.Saad
رقم العضوية : 20810
تاريخ التسجيل : 02Oct2008
المشاركات : 554
النوع : ذكر
الاقامة : cairo & alex & zag
السيارة: golf 6
السيارة[2]: fiat ritmo
دراجة بخارية: مش شرط
الحالة :
الحمد لله انك بخير و حسبنا الله و نعم الوكيل في كل مهمل
(سبحان الله و بحمده عدد خلقه و مداد كلماته و زنة عرشه و رضا نفسه)
رقم العضوية : 32
تاريخ التسجيل : 17Apr2007
المشاركات : 26,316
النوع : ذكر
الاقامة : جسر السويس-القاهرة
السيارة: BMW E90
السيارة[2]: Jeep KK 2009
دراجة بخارية: لا يوجد
الحالة :
لا حول ولا قوة الا بالله
قدر الله وما شاء فعل
عارف الشارع ده كان فيه نفس الطب زمان قبل الفندق والحوارت دي
كنت انا في جامعة الازهر كلية تربية المبنى اللي على الناصية في وش قاعة المؤتمرات ده
وكل مانروح نصلي في الجامع نسمع طااااخ تش من المطب
ويوم سمعنا زي انفجار
طلعنا نجري
لقينا عربية نازلة الشارع بسرعتها ومشافتوش
كانت عندي الصور لوقت قريب هابقي اصورها رغم انه من 10 سنين
128 موديل 72 ام فانوس مودر مقسومة نصين
اه والله نصين يا احمد من عنف المطب
احمد ربنا
وماتنساش تقول
حسبنا الله ونعم الوكيل
رقم العضوية : 17822
تاريخ التسجيل : 03Sep2008
المشاركات : 2,037
النوع : ذكر
الاقامة : cairo
السيارة: .
السيارة[2]: .
دراجة بخارية: .
الحالة :
مش عارف اقولك ايه بصراحة
حسبي الله ونعم الوكيل.........وحمدا لله علي سلامتك
kkkkkk_kkkkkk سابقا
رقم العضوية : 1435
تاريخ التسجيل : 14Jul2007
المشاركات : 14,773
النوع : ذكر
الاقامة : مصر
السيارة: لا
السيارة[2]: اوبترا
الحالة :
سياسة المرور المخفية >>> السير بسرعة 40 فقط في أي مكان في القاهرة أو على الزراعي بدليل المطبات
رقم العضوية : 2387
تاريخ التسجيل : 30Sep2007
المشاركات : 3,446
النوع : ذكر
الاقامة : alexandria
السيارة: لا يوجد
السيارة[2]: accent'99-F/O A/T
الحالة :
حسبنا الله ونعم الوكيل..ربنا يخلف عليك بالخير يا أحمد
أنا كنت لسه من كام يوم شاري أربع جنوط وأربع فرد كاوتش وطالع مبسوط إن العربية اتظبطت بدل المراجيح اللي كنت راكبها روحت واكل بالوعة مفتوحة ومستخبية في ملف...هوووب دلوقتي أنا باتمرجح تاني والجنط والفردة عاوزين يتغيروا بعد استخدام دقائق
أنت عارف إيه المشكلة..إن زي ما إنت قلت إن العربية لو تحطمت تماما أو إنك لا قدر الله حصلك حاجة محدش حيحس بيك في البلد دي ولا حد حتتم محاسبته...شعور مؤلم جدا جدا إننا نكون كمالة عدد في البلد وماشي محدش من اللي مسؤلين عنك حاسس بيك
قال الله عزوجل في محكم آياته
(وإذ أخذ الله ميثاق الذين أوتوا الكتاب لتبيِّنُّنه للناس ولا تكتمونه فنبذوه وراء ظهورهم واشتروا به ثمنًا قليلاً فبئس ما يشترون)
(إن الذين يكتمون ما أنزلنا من البينات والهدى من بعد ما بيناه للناس في الكتاب أولئك يلعنهم الله ويلعنهم اللاعنون . إلا الذين تابوا وأصلحوا وبينوا فأولئك أتوب عليهم وأنا التواب الرحيم)
رقم العضوية : 5118
تاريخ التسجيل : 01Feb2008
المشاركات : 11,185
النوع : ذكر
الاقامة : Cairo
السيارة: Megane II 2010
السيارة[2]: كانت دايو لانوس1 99 - وزة :)
دراجة بخارية: none
الحالة :
حسبنا الله و نعم الوكيل
كلنا بنشوف من ده كل يوم
الواحد مش عارف اصلا ممكن يتعمل ايه ولا ايه
ناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد
[sor2]http://imageshack.us/a/img838/2058/8l0n.jpg[/sor2]
رقم العضوية : 35933
تاريخ التسجيل : 19Mar2009
المشاركات : 1,607
النوع : ذكر
الاقامة : alharam
السيارة: SPERANZA A516 2012
السيارة[2]: BMW 520 2800cc 2001
دراجة بخارية: no
الحالة :
حسبنا الله ونعم الوكيل
المفضلات