الموضوع: حعمل صيانة ال 5000 وعندى شوية مشاكل

المشاركة الأصلية كتبت بواسطة menocomp

أزيكم يا وحوش اللوجان.

أنا رايح بأذن الله يوم السبت 8/5/2010 علشان صيانة ال 5000 على الساعة 9 صباحا وبأذن الله أكون على الساعة 8 هناك علشان أخش أول واحد لأنى مؤمن بمبدأ "تعالى بدرى علشان تاخد حاجة نضيفة" ومشاكلى بأختصار هى:
1- العضة عندى على المارشدير بس قليلة لكنها واضحة على الغيار التانى نعم الغيار التانى ودية مدايقانى جدا.
2- الكرسى اللى بجوار السائق بيزيق سواء كان حد قاعد علية أو حتى فاضى.
3- لما العربية بتكون واقفة تماما بديها الغيار الأول وبسيب دبرياج سنة سنة من غير مدوس بنزين بتروح طالعة عادى بس العربية بلاقيها بتترجرج والدريكسيون بيتنفض. ياترى دة عيب منى ولا من العربية.
بس كدة مفيش حاجة تانى.
كمان سؤال صغير. هل في تربيط عفشة فى صيانة ال 5000 وبالنسبة لسوائل العربية هل حيعملوا تشيك عليها؟
أسف للأطالة.

من اعراض تلف الاسطوانه او الديسك بيكون فيه رجه شديده اثناء التحرك بالعربيه من وضع السكون و لا اظن انه عيب قياده لانه لو عيب قيادة السياره تبطل و ما تتحرك و الله اعلم

المشاركة الأصلية كتبت بواسطة frhateg

مبروك عليك صيانه ال 5000 و عقبال ال 5 مليون .
1 ــ بالنسبة للعضة اللي في التاني دي ليه سؤال قبل الإجابة يعني لو اول ما بتطلع علي الأول و تجيب التاني بتعض معاك . و الا لو انت علي الثالث و هديت و حبيت تجيب التاني تعض .
2 ــ الكرسي اللي جنب السواق ممكن يزيتوه و حيروح الصوت بس اكد عليهم .
3 ــ المفروض انك اول ما تطلع و ده كان اول درس في القيادة انك بتشيل رجلك من الدبرياج سنه سنه و تدوس البنزين سنه سنه تقوم العربية تطلع معاك . بدون رجرجة .

ربنا يبارك فيك.
1- العضة على الغيار التانى بتكون بعد متكون العربية على الأول وبعد كدة أجيب التانى. هو الغيار بيجى عادى بس بيبقى فية مقاومة أو عضة أثناء النقل.ودة على الغيار التانى بس.
2-أكيد حقولهم علية.
3-أول درس علمهونى أبويا أثناء تعلم القادة من سبع سنوات هو أنى أسيب الدبرياج سنة سنة وأدوس بنزين بالراحة فى نفس الوقت لكن دية كانت عربية فيات 128 لكن فى اللوجان وأعتقد كل العربيات الجديدة ممكن تتطلع بدون مدوس على دواسة البنزين, ودة بيحصل فعلى معايا فى اللوجان لكن بيبقى فية رجرجة ملحوظة وبالذات فى الدريكسيون بلاقية بيتنفض منى.

المشاركة الأصلية كتبت بواسطة ahmadalsattar

من اعراض تلف الاسطوانه او الديسك بيكون فيه رجه شديده اثناء التحرك بالعربيه من وضع السكون و لا اظن انه عيب قياده لانه لو عيب قيادة السياره تبطل و ما تتحرك و الله اعلم

هو فى رجة لكن بصراحة مقدرش أقيم أذا كانت شديدة ولا لأ لأنى مسوقتش عربيات تانية كتير علشان أقدر أحدد.عموما حقولهم على الموضوع دة فى الصيانة.
شكرا على ردك.

الاول جرب لما تيجى تطلع دبرياج بس من غير بنزين اول ما تلاقى العربية بدأت تتحرك تثبت رجلك على الدبرياج ومتشلهاش سنة سنة
والمفروض انك بتدى سنة بنزين ودة الطبيعى

المشاركة الأصلية كتبت بواسطة frhateg

عمرو باشا ..... مساء الفل . زمان العربيات القديمة كان فيها شداد الصبح و انت بتسخن العربية تشده و تدور بدل ما تبقي دايس بنزين ( معرفش اسمه ايه ). و بعد العربية ما تسخن ترجعه مكانه . و تتوكل علي الله . و كان الواحد ممكن العربية تمشي بيه و هو ساحب الشداد ده و مش دايس بنزبين . اما العربيات الجديدة فمعتقدش انها ممكن تمشي الا و انت دايس بنزين . و ده الطبيعي .

صباح الجمال يا باشا ازى حضرتك ويا رب تكون بخير
بالنسبة لموضوع الطلعة بالدبرياج فقط فهو ممكن فى اى عربية مانيول وبطلع بالدبرياج فى اللوجان والفيرنا عادى جدا
مجرد انك بتسيب رجلك من الدبرياج سنة وتثبت رجلك او بمعنى اصح للحافظ عربيته
بتوصل رجلك لنقطة الفصل وتثبت رجلك حتلاقى العربية بتتحرك وسرعتها بتزيد كمان وبدون اى دوسة بنزين
لكن زى ما قولت انا وحضرتك ان الطبيعى انك تطلع بالدبرياج والبنزين انا بطلع بالدبرياج بس فى حالة انى
واقف فى زحمة وبتحرك متر وبقف تانى فى الحالة دى بس بتحرك بالدبرياج فقط

المشاركة الأصلية كتبت بواسطة menocomp

أزيكم يا وحوش اللوجان.

أنا رايح بأذن الله يوم السبت 8/5/2010 علشان صيانة ال 5000 على الساعة 9 صباحا وبأذن الله أكون على الساعة 8 هناك علشان أخش أول واحد لأنى مؤمن بمبدأ "تعالى بدرى علشان تاخد حاجة نضيفة" ومشاكلى بأختصار هى:
1- العضة عندى على المارشدير بس قليلة لكنها واضحة على الغيار التانى نعم الغيار التانى ودية مدايقانى جدا.
2- الكرسى اللى بجوار السائق بيزيق سواء كان حد قاعد علية أو حتى فاضى.
3- لما العربية بتكون واقفة تماما بديها الغيار الأول وبسيب دبرياج سنة سنة من غير مدوس بنزين بتروح طالعة عادى بس العربية بلاقيها بتترجرج والدريكسيون بيتنفض. ياترى دة عيب منى ولا من العربية.
بس كدة مفيش حاجة تانى.
كمان سؤال صغير. هل في تربيط عفشة فى صيانة ال 5000 وبالنسبة لسوائل العربية هل حيعملوا تشيك عليها؟
أسف للأطالة.

فى بلدنا الشوارع والاسفلت وكلها طرق غير مستويه
بمعنى ان فى كل شارع حتى لو اسفلت نضيف وجديد
بتلاقى الطريق غير مستوى بس انت متحسش
زي اى مطلع بضبط لازم تزود بنزين عشان تطلعها
وده اللى بيسبب رجرجه فى العربيه اما تستخدم الدبرياج فقط
حاول تقف فى شارع واسفلت نضيف ومتساوى
وارفع رجلك من على الدبرياج واحد واحده وشوف النتيجه
معتقدش ان الاسطوانه ولا الديسك فيهم حاجه
العربيه لسه جديده الا اذا كانو نازلين معيوبين اصلآ