الموضوع: تظبيطات تمبرا و بيان اسعار

المشاركة الأصلية كتبت بواسطة caysersosaih

ممكن يكون حكاية العادم صح بس ده كان ثابت أثناء وجود الرادياتير القديم والجديد
رأيي ان الرادياتير الجديد موصل جيد للحرارة عن القديم قبيسخن بسرعه ويبرد بسرعه هو كده كدة مافيش مشكله مادام الحرارة لاتتعدي ال90
انا مثلا والعربية واقفه ودايرة الحرارة بتبقي 90 يدوب امشي 10 متر الاقي الحرارة بقت 70
ماعرفش انت رايك ايه؟؟

انا اعتقد ان المشكلة مش مشكلة رادياتير ... اظن لو كان الرادياتير القديم موجود كان هايحصل سخونية اكتر
انا اعتقد المشكلة حصلت بسبب تغيير البوجيهات لاخري اقوي و افضل في الحرق و دة زود العادم مع ضعف الشكمان ادي لسخونة اسرع .. والله اعلم

لكن لو الرادياتير النحاس كان موجود كانت فترة تشغيل المروحة اللازم لتبريد الرادياتير و رجوع درجة الحرارة تحت الـ 90 تاني كانت زادت لاني لاحظت فعلا مع الرادياتير الجديد الفترة اللي بتشتغل فيها المروحة للتبريد لحد ما تطفي تاني ماتزيدش عن 15 - 20 ثانية و ده اقل بكتير من الرادياتير القديم
حاجة كمان ممكن تأكد علي كلامي
اني لما بجري بالعربية و بكون جايب رابع او خامس و ماشي علي 80 او 90 او 100 مثلا درجة الحرارة بتفضل تحت الـ 90 بشرطة واحدة و ساعات بلاقي الحرارة جابت الـ 90 بردو و المروحة تشتغل و حتي بعد ما تطفي تاني تفضل الحرارة تحت الـ 90 بشرطة واحدة

المشاركة الأصلية كتبت بواسطة heshamzaky

بص دول صور للشكمان والعربية من تحت من النت الرابطimageshack album - 7 images

هي العلبة اللي في النص فعلا اللي شكلها مختلف عندي

شكرا يا هشام باشا

مفاجأة تانية تخنق جدااااااا

الكبالن الجديدة بتطقطق مع الملفات
انا هانزل دلوقتي اروح للميكانيكي يشوفلي ايه حكايتها و يارب ما اترفد من الشغل بسبب العربية دي

انا هاتجنن يا اخوانا
الكبالن لسة جديدة و المفروض انها ماتطقطقش ،، الراجل لما ركبها كانت بتطقطق واحنا بنجرب العربية و امبارح كانت بتطقطق و انا بجربها لوحدي بردو كنت بعمل خمسات بالعربية و بتطقطق لما روحتلة تاني دلوقتي و طلعت جربتها معاه و انا اللي كنت سايق ماطلعش منها ولا صوت و كنت بفتري علي العربية بردو و بخمس بيها تقريبا و مفيش صوت طقطقة خالص
هاتجنن