لو سمحت متعملش حركة من الحركات اللي تغيظ دي

**sha2e** · 06-05-2010 11:22 PM

المشاركة الأصلية كتبت بواسطة aif

موضوع رائع يا ابو رقيه
ياريت ما تنساش الحركة الشهيرة بتاعت سيد فكاكة .... سيد فكاكة ده بني آدم فكيك جدا
لما يلاقي الناس واقفة صف او صفين على الشمال علشان يعملو يو تيرن ...... هو بقى فكيك جدا ..... يروح واخد يمين لغاية فتحة اليو تيرن ...... وهوب يروح رامي بوز عربيته قدام الغلبان اللي على شماله ...... ويعدي الاول ...... فكاكة بقى
وطبعا سيد فكاكة ده مش واحد لوحده ....... قبيلة فكاكة كلها ح تمشي وراه وتقفل الحارة اليمين و كدة اللي ماشي طوالي ح يلاقي الطرق كله مقفول .... والفضل لسيد فكاكة ورفاقه
ملحوظة .... قبيلة فكاكة تعدادها وصل الى 80 مليون في مصر وحدها

جامد التعليق ده
وعلى فكره بشوف قبيلة فكاكه دي كتير عند نادي السكه سواء فى اليوتيرن الل تحت منزل الكوبري او فى مدخل شارع رمسيس من النصر برغم ان المدخل يمين لكن لازم سواقين الميكروباصات يدخلوه وهما جايين من اقصى اليسار ( وده اللى بيخلى طريق النصر بيكون واقف قبل المدخل ده بمسافه )

**Ahmed.TV** · 07-05-2010 05:13 PM

بصراحة تسلم ايدك يا خالد باش على الموضوع ده ومجهودك فيه هايل بجد , وتسلم ايدك على الصور اللى بتتكلم لوحدها وعلى مجهودك فيها

ارخم حاجة بتقرفنى , موضوع ان الشارع حارتين وتلاقى العربيات داخلة فى النص وعاملة حارة تالتة ازاى معرفش , والتخبيط يشتغل يا معلم , وقلة الذوق والمرايات الجانبية تتخبط وبتتكسر من العربيات اللى فى النص دى

وكمان لما تلاقى واحد مرة واحدة ماشى ناحية اليمين او الشمال وراح اعطى اشارة مرة واحدة ومستناش يبص وكسر عليك , ويقولك ايهههه ما انا معطى اشارة

وكمان المكروباصات والتاكسيات او احيانا الملاكى اللى بيقفوا على منزل كوبرى او فوق الكوبرى وينزلوا او يركبوا ناس

وكمان العربيات النقل او المقطورة او العربيات الملاكى اللى ماشية على راحتها على طريق سريع وماسكة الشمال

وكمان المقطورة اللى بيكون محمل توب او رمل او زبالة , على اخر العربية وماشى عمال يوقع على الناس , وشوف بقا خطورة التوب والرمل والحاجات دى لو وقعت على واحد سايق ممكن تعمل ايه

وكمان الناس اللى بتسوق وبترمى كانز او سيجارة وهى سايقة من الشباك وتلبس فيك يا غلبان وانت وراهم وشوف بردوا اضرار الحاجات دى على الطريق ممكن تعمل ايه

**Amr Axel** · 07-05-2010 06:11 PM

والله عندك حق حاجة تنرفز الناس معندوهمش استعداد يلتزموا
و لا يصبروا شوية تقولش خلاص اللي هيسبق هياخد جايزة الدولة التقديرية في الغلاسة و الرخامة
و تسلم ايديك ع الشغل الجامد ده

**Amr Mohamed** · 08-05-2010 09:09 AM

مجهوود رائع جدا وباين انك تعبت فيه وتسلم على التوضيح وفعلا حاجات تغيظ وخصوصا المفتح فى بلد الكوركاات بشوفها كتييير

**khaledmaher** · 08-05-2010 12:25 PM

بجد موضوع ممتاااااااز وياريت الناس تفهم ان السواقة ادب وزوق مش طول لسان وفهلوة

**HSultan** · 08-05-2010 07:02 PM

المشاركة الأصلية كتبت بواسطة otefa

+11111
تمام.....طيب لو 3 عربيات ماشين ورا بعض ولبسوا في بعض....الغلط علي مين!

العربية الاولي ماعليهاش غلط في جميع الحالات
الحالة الاولي الي قدام فرمل جامد او خفيف(مش فارقة قانونا)......الي بعده(العربية2) مالحقش يفرمل ولبس في الي العربية الاولي...........جات العربية ال3 وراحت خبطة الي في النص رقم2 وبالتبعية خبطت رقم 1....كده الغلط علي الي في النص رقم 2 هايصلح لرقم 1 ورقم 3 كمان.
الحالة التانية
رقم واحد فرمل ورقم 2 فرمل وماخبطش في رقم 1 جاه رقم 3 مالحقش يفرمل وخبط رقم 2 وخلي رقم 2 يخبط في رقم 1...........كده الغلط كله علي رقم 3 ويصلح ل1 و2

بالنسبة لى إلى معندوش نور فرامل إذا كان قدام ،وإلي فرامله مش مضبوطة ( والنوعين دول ما أكترهم )

**magicalsingle** · 09-05-2010 01:53 AM

بصراحة موضوع اكتر من رائع و اراء كلها تحفة... و بالنسبة لموضوع اليوتيرن ده في اغلب الدول المتقدمة زي الامارا مثلا...حلا للمشكملة دي على الطرق السريعة بيعملوا كوبري صغير يلف بيك و يرجعك الناحية التانية في منتهى الامان من غير انك تكسر يمين و لا اي حاجة..المسكلة هنا انه اساسا الي صمم البلد دي حلوانيززمينفعش معاها قواعد خالص

**kemks** · 10-05-2010 08:47 AM

موضوع جميل جدا بارك الله فيك

-

-

الموضوع: لو سمحت متعملش حركة من الحركات اللي تغيظ دي

LinkBack

أدوات الموضوع

عرض

-

-

-

-

-

-

المواضيع المتشابهه

أسئلة بخصوص بعض الحركات في الفتيس الاوتوماتيك !!!

يا بتوع الحركات - حد يعرف يعمل كده

دي حركة يعملها تكييف التيدا بردو.. بس أنا اللي أستاهل

لو سمحت الناسى الى بتشتغل او بتفهم فى نطام الصوت ضرورى لو سمحت

حاجات فعلا تغيظ !!!!!!!

الكلمات الدلالية لهذا الموضوع

المفضلات

المفضلات

ضوابط المشاركة