الموضوع: اول عطل للسياره باسات بفتيس DSG 7 shift

المشاركة الأصلية كتبت بواسطة otefa

قولي ايه رايك ياباشا في الشرح الي مكتوب علي السيستم......ومكتوب بوضوح انه فتيس عادي والاختلاف عن العادي والاوتوماتيك الكامل في طريقة النقلات بدون دواسة عن طريق سيستم هيدروليك منفصل.

باشمهندس محمد شكرا لك على اهتمامك للتوضيح
بدايه انا مش مهندس ميكانيكا ولا مهندس خالص , انا كميائى (علوم -كمياء) ومش بحب انى افتى بما ليس لى به علم وده الاساس عندى
انا راجعت موقع ويكابيديا لكن انا لقيت غلطات مش فى الحته بتاعه المانيوال و الاوتوماتيك لكن فى الجزء الخاص بAudi longitudinal DSG
و اللى بيتكلم فيه عن الفتيس الجديد السبع نقلات ومقارنته بال 6 نقلات وقال ان الظام الجديد (السع نقلات) بيستخدم 7.5 لتر زيت اوتوماتيك فى احدى دوراته , و الكلام ده مش سليم لان ال 7 نقلات بيستخدم تحديدا 1.7 لتر من النفس الزيت
ان جبت المثل ده فقط للتدليل على حقيقه ان ما يكتب على الويكيبديا قول صحيح يحتمل الخطأ , لان ما يكتب على الموقع هو مجهود افراد (كبحث ينشر) و قابل للتعيل و التصحيح من قبل اعضاء اخرين , لذا يجب البحث على اكثر من موقع بجانب الوكيبديا لتاكيد المعلومه
وتحت شرحين من موقع الشركه عن الفتيس ال dsg الجديد ياريت حضرتك تراجعهم وتقولى ايه رأيك لما فيه من المصطلحات الهندسيه اللى ممكن اغلط فيها
اللى اكتشفته و انا براجع المواقع لتاكيد المعلومات ,ان الفتيس ال mmt هو موتور بيعتمد على تكنولوجيا ال cvt وليس المانيوال برجاء برضه من الناس المتخصصه تأكيد المعلومه

DSG : Technology : Volkswagen UK

http://www.volkswagenag.com/vwag/vwc...%2008_engl.pdf

المشاركة الأصلية كتبت بواسطة ahmed samy

فعلا

بعد الموقف ده

انا لو يوم ما هاركب فولكس افكر جديا في سيارة بضمان الوكيل

الف مبروك مقدما

انت تنورنا و تشرفنا بمجرد التفكير فقط .

المشاركة الأصلية كتبت بواسطة khaled ayman

الف مبروك على الفتيس الجديد يا باشا ....
مش هتجيب لفه بقى ؟
ههههههه

قريب جدا ياباشا ان شأء الله

المشاركة الأصلية كتبت بواسطة د.محمود صلاح

الف مبروك ربنا يحفظهالك من كل سوء , هل رجع عليك التوكيل بأخطاء في القيادة أدت لتلف الفتيس ؟ وثمنه كام تقريباً

يادكتور شكلك بتراجع اخر مشاركات بس
لو راجعت المشاركه اللى مقتبس منها هتلاقى فولكس اللى دافعه تمن الفتيس بالكامل
وهنا الرد الاساسى بعد فحص العربيه ,اى خدمه

المشاركة الأصلية كتبت بواسطة saif3s

ده رد التوكيل اللى كان مفروض يتكتب امس مع الموضوع

1. سيتم تغير كامل للفتيس وليس اجزاء منه
2. الفتيس بالكامل موجود بالتوكيل و نزل به امر شغل و تركيب للعربيه
3. يتم البدء بالتركيب غدا الاربعاء 5/5 وينتهى يوم الخميس (يومين تركيب فقط)
4. الاستلام للعربيه يوم الجمعه القادم

لما ناقشت المهندس بالتوكيل قالى العطل غير عام و موجود فى الدفعات الاولى من 2009 (4-5 عربيات فقط) , نادر الحدوث فى موديلات 2010 (فى من الموديل ده مشى 25 -30 الف كم )
كل العربيات التى تم تغير جزء او كل الفتيس لم تعد هناك اى شكوى منه

بكده تنتهى قصه العطل و تصليحه , النتيجه اللى خرجت بيها ان توكيل فولكس فى مصر محترم الى اقصى حدود, سريع فى خدمه عملاءه و رضاهم

وده جزء من سيناريو انا كنت مجهز نفسى ليه لكن لم يحدث

1. سيتم تغير السوفت وير او جزء بسيط و المشكله لا تنحل
   
2. الفتيس له اسلوب خاص بالقياده , ودى غلطه السائق لانه لم يتعامل معه جيدا
   
3. العربيه عامله 45 الف بالفتيس و يتم تغيره مناصفه مع العميل
   
4. و غيره كتير من حجج الوكلاء الخايبه , لسرقه العميل و نهبه وممكن اقعد اقول على كل وكيل تصرفه ايه
   

• بعتذر لك الناس المحترمه بالمنتدى عن الموضوع الاول اذا كنت اجلت عرض مشكلتى به.

لكن الكل عارف ان الناس فى المنتدى كانت ما هتصدق غلطه ونقعد نحكى و نقول و يضيع الموضوع , وصدقونى انا اجلت 3 ايام من حدوث المشكله لغايه ما كتبت الموضوع ده , لكن كان لازم يبقى في تمهيد وده حصل بالموضوع الاول

• بعتذر للناس المحترمه بالمنتدى عن اى تطويل فى عرض المشكله ,لكن اذا كنت كتبت الموضوع من الاحد 25/4 كنت كل يوم هكتب جزء عن اللى حصل وده كان هيخلى الناس متخبطه مش عارفه اول الموضوع من اخره مع نفس التفاصيل

التطويل شبه متعمد لنقل الحاله النفسيه لكاتب الموضوع وان الموضوع لا يسبب له اى قلق و الحمد لله و ايضا لنقل صوره كامله عن اسبوع مر بكل مشقته, وان العربيه لم يتم جرها بعربيه اخرى كما حدث من مشاكل فتيس فى انواع سيارات اخرى , و انى راكب العربيه مع العطل بدون مشاكل لم اضطررت الى استخدامها

باشمهندس محمد :ta_clap[1]:

واللة العظيم انا فرحان لك جدا على الفيتيس الجديد والف مبروك يا باشا بس انا عايز اسالك سوال هو حضرتك لما اشتريت السيارة مش برضة كان فيها الفيتيس جديد؟؟؟؟؟؟؟؟؟؟؟؟؟؟؟ خليها على اللة انا كان نفسى التزم الصمت زى ما حضرتك قلت بس مش قادر هاااااااةعماد الخوااااااااااااااااجة والخواجة خواجة

المشاركة الأصلية كتبت بواسطة alaomda

واللة العظيم انا فرحان لك جدا على الفيتيس الجديد والف مبروك يا باشا بس انا عايز اسالك سوال هو حضرتك لما اشتريت السيارة مش برضة كان فيها الفيتيس جديد؟؟؟؟؟؟؟؟؟؟؟؟؟؟؟ خليها على اللة انا كان نفسى التزم الصمت زى ما حضرتك قلت بس مش قادر هاااااااةعماد الخوااااااااااااااااجة والخواجة خواجة

الف شكر ليك يا خواجه

ومنجيش ليك ابدا فى حاجه حلوه او وحشه

على فكره فى عضو عندنا هنا راجل بجد ,محترم جدا و عنده مركز فى الحرفين (اسامه موسى) اسمه زى الطبل فى المنتدى, بحترمه جدا من غير ما شوفه او أتعامل معاه , لانه كان بيحترم نفسه قبل غيره , الشكر فى الاول ليك فقط انك فكرتنى بيه,
واحب اقولك انك كسبت بجداره اول واحد ضدك فى المنتدى