الموضوع: اول عطل للسياره باسات بفتيس DSG 7 shift

المشاركة الأصلية كتبت بواسطة Eng.Sameh

الحمد لله أن المشكلة هتتحل جذريا .. وإن شاء الله ربنا يمتعك بعربيتك يا باشا ويكفيك شر العين ...

بس السؤال دلوقتي .. هل كده العيب موجود في دفعات 2010 سواء باسات او جيتا او جولف او ليون ولا انتهى

وكمان .. هل العيب ده مش ممكن يظهر بعد انتهاء فترة الضمان اللي هي سنتين غير محددين الكيلومتر ، ولو ظهر بعد الضمان .. هل ساعتها صاحب العربية هو اللي هيشيل الليلة ولا ايه ؟؟؟ الواحد كده قلق من اعتمادية الفتيس ده !!!

الحمد لله على كل حال

فعلا انا قلقان لكن مبسوط فى نفس الوقت , قلقان انه يحصل تانى اقل واجب بعد 40 الف كم
ومبسوط ان ركب لى فتيس جديد و ال 40 الف التاليه اختبار لكن الاكيد الاكيد ان تم استبدال بعض القطع اللى بتسبب المشكله دى

المشاركة الأصلية كتبت بواسطة hugan

معلش يا جماعه انا متابع الموضوع من الاول وكان ليه مشاركه مع الا ستاذ سيف عن حديث الرسول مع يا سر وزوجته سميه لكن مش هو ده الموضوع معلش استحملوني عربيه الاستاذ سيف البا سات اللي مش عارف بكام وفتيس فيه امكانيات ولا في الاحلام بردة استحملوني والفتيس فشل وانهار بعد 45000 كيلو متر وتقبلتم المو ضوع بصدر رحب وانه شي وارد من الشركه العريقه فولكس فاجن وعربيه تقريبا سعرها 200 الف جنيه والماني اوربيه يعني مفيش حاجه بعد كده ليييييييييييييييييييييييي يييييييييييييييييييه الا سبرانزا اللتي لم يثبت حتي الان ايه مشكله في موتورها او فتيسها او عفشتها والعربيه محققه نجاح جامد في المبيعات بدون اي مشاكل ضخمه كله كلام في الكما ليات والاعتماديه والكلام الكبير ده محدش متقبل اي نسبه خطاء فيها مع ان عيب التصنيع وارد في اي سياره زي ما حكمتم اييييييييييييييييه السبب مع ان العربيه انا مقتنع بنجاحها جدا ومش شايف فيها اي فرق عن اي عربيه يا باني او اوروبي لماذا الكيل بمكيا لين معلش استحملوني ويا ريت حد يعرف يجاوب اجابه مقنعه

اهلا بيك معانا
قياسا على كلامك فان فتيس ال 128 و ال 127 و ال 126 افضل من الاسبرانزا
وموتور ال 131 مو 82 افضل من الاسبرانزا 516 لان موتور ال 131 مش بيحتاج عمره الا بعد 150 الف كم و موتور الاسبرانزا اتعمر امامى على 30 الف
لا يوجد وجه للمقارنه بين فتيس الاسيرانزا و فتيس الdsg زى الفرق بين ركوب طائره بمراوح و طائره نفاثه
اسبيرانزا لا تقدم تكنولوجيا لا تقدم جوده لا تقدم ضمان حقيقى يعتمد عليه لا تقدم حتى اسم معروف تثق فى قدرته
عربيتى بتمنها تعمل عربيتين و نصف تيجو او ال 110 , لكن انا عارف انا بدفع فلوس مقابل ايه ,مقابل جوده عاليه جدا , مقابل تكنولوجيا عاليه فى موتور و فتيس بتخلى القياده من افضل ما يمكن , امان و ثقه فى العربيه بعد الله , رفاهيه عاليه جدا فوق ما تتخيل ان تقدمه مايسمى بسبيرانزا او شيرى .
انا عمرى ما ركبت صينى الا التاكسى الابيض الاسبوع الماضى
لكن انا ركبت كورى و ركبت يابانى و اوربى ايضا ,لكن الراحه ومتعه القياده لم اجدها الا مع عربيتى الفولكس باسات

المشاركة الأصلية كتبت بواسطة hugan

انا طبعا لا اقا رن الشيري بفولكس حا شا وكلا يا باشا اولا يلاش نبره الغرور لان كل يسر لما خلق له
وربنا يزيد الجميع من فضله واركب صيني احسن ما اتشعبط في الاتوبيس والحمد لله
انا سؤالي كان لا يقارن بين الفو لكس والشيري او اسبرانزا كما نسميها في مصر كان السؤ ال ليه احنا نقبل اي عيب في اي ماركه مهما كان حجم العيب ولا نقبل اعيب في اي عربيه صيني مهما اثبتت كفاءه بس هي دي المعضله

انا اسف جدا ان كان وصلك منى نبره غرور او تعالى فهذا ما لا اقصده

احنا بنتقبل عيب من شركه كبيره و لا نتقبله من شركه صينى فعلا معاك حق
لان الشركه الكبيره بنطق البيزنسWell established Company فالشركه دى تخاف على اسمها و سمعتها و جودتها و التكنولوجيا المقدمه و عميلها وده غير موجود فى اى شركه صينى او ذات اصول صينيه زى الاسبيرانزا
تقيم العربيه بالفلوس بيبقى عن طريق التكنولوجيا الجديده المقدمه منها وليس على تكنولوجيا قدمت من 20-25 سنه فى الموتور و العفشه حتى جوده الكماليات
حضرتك قلت الفتيس فى الباسات فشل و انهار وده مغالطه كبيره لانى كنت سايق العربيه و رايح بيها التوكيل ,كان ممكن التوكيل يغير لة حاجه بسيطه حساس او حتى كونترول
لكن شركه زى فولكس على اتصال بالوكيل غيرت الفتيس بالكامل
دى قصه حقيقيه عربيه زيرو من توكيل كورى الموتور قفش (نفس لفظ صاحب العربيه) راح التوكيل قالو له ده سوء استخدام وبعد الكثير من الجدل عملوا عمره للعربيه مناصفه مع العميل المغلوب على امره,بعد العمره المحترمه الموتور باظ تانى راح على جهاز حمايه المستهلك و خد عربيه جديده بجواب للمرور
عرفت الفرق