الموضوع: اول عطل للسياره باسات بفتيس DSG 7 shift

المشاركة الأصلية كتبت بواسطة mnvcxv

يعني توكيل فولكس كويس
في ناس كتير في المنتدي قالت انه سيء
ولا هوا كان سيء واتحسن

الموضوع ده اتكلمنا فيه كتير التوكيل كويس مع من معه ضمان سىء لمن اشترى خليجى
ده ردى على الاستاذ حسام اللى كان معارض للتوكيل هنــــــــــا

المشاركة الأصلية كتبت بواسطة SAiF3S

ما هو للاسف الشديد التقييم من المنتدى , وهو تقييم غير موضوعى
كل المشاركين من ملاك الفولكس القديم او من ملاك الخليجى و ايضا اسماء ليست لها علاقه بالفولكس
نسبه ملاك الفولكس (توكيل) اللى ببتعامل معاه لا تتعدى 5 % و اللى انا واحد منهم يبقى لما ملاك الخليجى و القديم يروح يعمل صيانه و يدفع كتيير او لو هيغير حاجه يتظبط اكيد هيقول على التوكيل ابن تيت

وكل الملاك للفولكس خليجى و توكيل و قديم نسبتهم لا تتعدى 6 % فى المنتدى ككل فالتصويت اقل
و للاسف حضرتك من المجموعه التالته التى ليست لها علاقه بفولكس نهائى الا السمع بدون تجربه

انا ما بقولش التوكيل سوبر وانه احسن توكيل لكن افضل من منصور و هيونداى و مرسيدس و سكودا و فى نفس مستوى رينو و تويوتا و هوندا , و افضل سعريا من ال BM
انا بتعامل مع التوكيل , مرتاح مع التوكيل , واخد حقى من ضمان الوكيل يبقى بالنسبه لى التوكيل محترم و افضل من التوكيلات اللى اتعاملت معاها قبل كده دايو (سبيرانزا حاليا) , تويوتا ,سكودا

ولا أسف و لا ندامه

وهنا ردى على الاخ اسلام هنـــــا

المشاركة الأصلية كتبت بواسطة SAiF3S

[overline]انا كنت امس بالتوكيل للصيانه وكان عندى كام مشكله فى العربيه كالاكس مش مضبوط الصوت و التكيف مش اد كده
ده بخلاف الصيانه
الصيانه اتعملت و طقم الكلاكس اتغير (مجانا فى الضمان )و التكيف اتنضف الفلتر و عملو ليه حاجه اسمها عكس دوره قبل التزويد (تضبيط التكيف 56 جم اضافى)

الناس محترمه جدا وذوق وشياكه فى التعامل وانت ماشى كمان بالسلامه علبه مناديل و معطر هديه فأنا مش عارف ليه الكل بيقول التوكيل سىء يمكن السبب وراء الاشاعه دى اللى شارى عربيه خليجى لما بيروح التوكيل بيدفع 100-150 جم زياده على الصيانه الله اعلم
وتعليقى اخى اسلام ان الاعطال و المشاكل ليست فقط ميكانيكيه ومهما كانت سيارات فولكس محترمه فلازم يكون فى عامل الخطأ الفنى و البشرى فى اى حاجه غير الموتور (طقم كلاكس الباسات غالى ومدفعتش ولا مليم)
و زى ماقلت قبل كده واحد بلجيكى (فى بلجيكا طبعا) معاه فولكس ديزل بعد سنتين و 45 الف كيلو متر الموتور باظ و فولكس غيرت الموتور بالكامل بدون دفع ولا مليم

يبقى الموضوع وردى على صاحب السؤال انت اللى لازم تقرر كماليات زياده و ونفس السعر و بدون ضمان حقيقى و لا كماليات اقل ونفس السعر وبضمان حقيقى
واللى هتدفعه فى الصيانه فى التوكيل هو اللى هتدفعه بره مع فرق المعامله و المكان اللى انت مستنى فيه لغايه عربيتك ما تخلص و غيره
وفى الاخر زى ماقلت ده قرارك انت مش احنا
[/overline]

المشاركة الأصلية كتبت بواسطة alaomda

احبائى الاعزاء اهلا بكم واقبلونى ضيف عليكم وانا عماد الخواجة وانا بشكر الاخ حسام على ثقتة وكلامة علية وايضا بشكرالاستاذ سيف صاحب المشكلة وبقولوا قلبى عندك ومبروك عليك التوكيل بكل الصفات الجميلة التى ذكرتها علية وعلى فكرة وانت بتستلم السيارة يوم الخميس انشاء اللة ابقى اسالهم على مجموعة البرياج بالمرة لحسن تقع في المحظور وابقى طمنى

طبعا انا قعدت كتير افكر مين حضرتك لغايه لما قريت الرد الصغير الخاص باستاذ حسام الاسبرانزاوى
أ/ حسام كان قدمك فى مشاركته انك عضو معانا فى المنتدى من فتره , لكن انا شايف انك مسجل النهارده فقط و اول مشاركه لك فى الموضوع ده !!, فهل انت مسجل فى المنتدى بدعوه خاصه من أ حسام
انا مقتنع جدا بالتوكيل و فعلا مبروك عليا , بس كنت احب اعرف اكتر عن خلفيتك الفنيه و حلولك للموضوع اللى بتنصحنى فيه علشان ما اقعش فى المحظور بكلامك المقتضب.
انا حطيت ردى على حسام وانا بأشكر فى التوكيل اللى انا مقتنع بيه الى ان يثبت العكس و تقولنا سبب تفوقك على التوكيل فى الفتيس ال DSG . الى ذلك الحين انا مع التوكيل 100% , و مبروك عليك شغل الخليجى

المشاركة الأصلية كتبت بواسطة Hosam

احب انوه عن ان فى عضو فى المنتدى اسمه عماد الخواجة كان اتكلم فى الموضوع داا من فترة وكان شبه ان محدش مصدقه رغم ان الراجل عرض زيارته و رؤية الكلام دا على الطبيعة ... و انا فاكر انه قال ان عنده حل للمشكلة و ان التوكيل نفسه لسة مش عارف يحل المشكلة دى .. بيتهبأ لى ممكن الاتصال بيه و الاستفادة من معلوماته حتى لو كان التوكيل حيعمل اللازم لكن من باب العلم و تجنب اشتغالات التوكيل اللى بالرغم من اعترافه ان العيب دا ظهر قبل كدا فى كذا عربية الا انه مستنى المانيا ترد عليه ؟؟!!!!!

المشاركة الأصلية كتبت بواسطة SAiF3S

شكرا ليك يا أخ حسام ,
لكن انا صاحب مشكله ومع التوكيل و صدقنى لو حسيت واحد على مليون ان التوكيل بيشتغلنى كنت عرفت وكان لى تصرف تانى وقتها
لكن فى عز المشكله دى زى ما كتبت انا طالع بأنطباع ايجابى جدا عن الوكيل
الوكيل اللى مش بيفتى مع كم الاجهزه و المهندسين و العمال المدربين على اعلى مستوى
الوكيل اللى بيفهمك الخطوات اللى خدها و بياخدها
الوكيل اللى بيعاملك كعميل مش مجرد مستهلك يجب نهبه و سرقته لاخر قرش فى جيبه
الوكيل اللى بيقولك انا عارف انت تعبان قد ايه من غير عربيه و سيتم اعطائك عربيه تانيه لحين الاتهاء من التصليح
تفتكر كل ده تقدر تقارنه باى حد يقول اى كلام و يفتى و يقول انه بيفهم كشخص عن توكيل مجهز بيتلقى دعم فنى من الشركه الام مع احترامى للجميع فى المنتدى

المشاركة الأصلية كتبت بواسطة Eng.Sameh

طب دلوقتي أنا الموضوع ده أثر على تفكيري جامد جداً .. وبعد ما كنت نويت خلاص أجيب ليون dsg ... بدات أتردد جامد .. وعاوز أعرف هل العيب دهتم تداركه في الفعات الجديدة ولا هو عيب وارد ، لأن ممكن مثلا يظهر بعد فترة الضمان وساعتها يبقى مطب كبير ، انا بصراحة جربت آداء الفتيس ده في جيتا وكان مبهر جداً بالنسبالي ويمكن هو من أهم العوامل اللي خلتني افكر في التغيير .. يا ريت تفيدني يا أستاذ سيف ، ولو اي حد عنده معلومه أو راي ميبخلش عليا.

والله يا أخى الفاضل انا لما هاجى اشترى عربيه تانيه هشتريه بنفس الفتيس ال DSG , وبدون تردد
الفتيس ده من اعلى ما يمكن تركيبه فى عربيه high performance & highly responsive
الفتيس ده خرج من فولكس نهايه 2008 ونزل مصر مع الباسات فى يناير 2009 الدفعه اللى استلمت منها
اللى عرفته ان فى جزء (الله أعلم ايه) هو اللى ممكن يعطى الخطأ ده , وهم بيعملو تغير للفتيس بعد التأكد من الخطأ بفتيس جديد من موديلات 2010 ,وموديلات 2010 تم تغير بعض القطع اللى ممكن تسبب حاجه زى كده
من الامانه انى اقولك ان كان فى بنت لبنانيه زى القمر معاها باسات هاى لاين2010 بها نفس العيب

استاذى الفاضل المقصود هو ان انا كل ما اتعب واوصل للعيوب بتاعت الفيتيسات وربنا يكرمنى باتوصل الى تصليحها الناس تهاجمنى وتقول ان انا بتكلم غلط لكن انا مش نظريتى انى اصلح سيارات وخلاص او اخذ فلوس وخلاص انا نجاحى هو انى ربنا بيوصلنى لتصليح هذة الاعطال وانا واجب عليا ان انصح الناس بها وهذا هو نجاحى المهم عزيزى الفاضل احب اعرفك انت وجميع المنتدى انى توصلت اخيرا لعيب اخر فى السيارات ال TSI وهو مجموعة الدبرياج بتعمل صوت شخللة عند النقل من غيار لغيار كل عربية على حدة وانا الحمد لله برضة توصلت لحل هذة المشكلة وبارخص من ال حدق يفهم يا صديقى


[caution]

مخالفة للقاعدة رقم من قواعد المنتدى11

القوانين العامه الواجب اتباعها لجميع الاخوه أعضاء المنتدى
مشرف الأوروبى 1أ

[/caution]

Recall of DSG-equipped vehicles



In August 2009, Volkswagen of America issued two recalls of DSG-equipped vehicles. The first involved 13,500 vehicles, while the second involved similar problems (by then attributed to faulty temperature sensors) and applied to 53,300 vehicles. These recalls arose as a result of investigations carried out by the US National Highway Traffic Safety Administration (NHTSA), where owners reported to the NHTSA a loss of power whilst driving. This investigation preliminary found only 2008 and 2009 model year and was to address rare unplanned shifts to the neutral gear,vehicles as being affected.


دة من wikipedia وبيقولوا انها مشكلة معروفة والمفروض تكون إتحلت في الموديلات الجديدة .