الموضوع: اول عطل للسياره باسات بفتيس DSG 7 shift

المشاركة الأصلية كتبت بواسطة mshamy

الحمدلله إنها جت على قد كده
وربنا يسهلها و الموضوع يتحل بسرعة من ألمانيا
وانا متأكد إن التوكيل مش بيهزر أو بيتأخر من تجربتي معاهم في موضوع التكييف
ولكن لي سؤال بخصوص موضوع الفتيس ... هو حضرتك كنت بتسمع اي صوت عالي أو غيرطبيعي في النقلات الى اسفل و خصوصا مع s ...
أنا شخصيا باسمع عندي صوت بس مش عارف ده طبيعي و لا ممكن يكون بداية مشكلة؟؟
و برضه في صوت على d بس مش في نفس وضوح الصوت اللي في s

لا يوجد اى صوت غير طبيعى مع النقلات
والصوت اللى بتسمعه على ال S اعلى من ال D هو صوت التيربو ,اعلى فى ال s لان ال RPM اعلى نتيجه تسقيط نقلات اوتوماتيك من الفتيس
ولعلمك الصوت ده انا بحب اسمعه جدا فى العربيه
العربيه FULL COMPUTERIZED يعنى لو فى اى مشكله هتظهر لك على التابلوه
وكمان حتى لو اى اضاءه خطأ حدثت و طفت, لا تخجل من انك تقول للتوكيل عليها , لان العربيه بتسجل كل الاخطاء التى حدثت فى العربيه من وقت الصيانه الى الصيانه الاخرى

المشاركة الأصلية كتبت بواسطة modiabbas

مع انى مليش دعوه و مليش حق انى اتدخل بس معلش ده مش وقت تعاتب فيه الراجل هو مش ناقص و كفايه المشكله اللى عنده !!! ارجو تكون فاهم قصدى

كلام حضرتك صح وانا أسف لو ضايقتك.

المشاركة الأصلية كتبت بواسطة gabrial

أخي الكريم تحية طيبة ، العضو الفاضل صاحب الموضوع لا يقصد تشويق أو إثارة فضول الاعضاء الكرام لا سمح الله ،احنا في منتدى فيه الأف الاعضاء و لكل عضو طريقته في التعبير و دة شئ لازم نتقبله ،ممكن عضو يكتب موضوع مختصر بتفاصيل قليلة و أخر يكتب موضوع و يوضح فيه كل التفاصيل و يعطي الصورة كاملة ذي العضو الفاضل صاحب الموضوع .و احنا ذي الاخوة مع بعض واجبنا نتقبل طريقة كل واحد .

أرجو إن كلامي ميسببش لحضرتك ضيق أو زعل و تحياتي لسعادتك و للعضو الفاضل صاحب الموضوع .و إن شاء الله المشكلة تمر بسلام ،تقبل مروري و أسف للاطاله و على تدخلي.

والله ابداً ولا ضيق ولا حاجة كفاية ذوق حضرتك فى الكلام.كلام حضرتك صح مية فى المية ولازم الواحد يتقبل طريقة الاخر فى الكتابة وانا ماقصدتش خالص والله اى تجريح للأستاذ الفاضل سيف ده كان بس معاتبة ليه.

المشاركة الأصلية كتبت بواسطة mando_07

يا فندم هو مكنش قصده تشويق خالص هو المشكلة حصلتله وكان عايز يحكيلنا الحكاية مره واحدة من ساعه محصلت لحد مالتوكل يخلصها وبعدين أستاذ سيف محبوب في المنتدى مش هيحتاج يعمل اللي انت بتقول عليه ده وبالنسبه لطريقه السرد اللي مش عجباك ده طبعا رأيك وانت حر فيه لكن أنا عن نفسي عجباني جدا

حضرتك دا برضه رأيك وانت حر فيه.وانا عارف ان الاستاذ سيف محبوب جدا مننا كلنا وعلشان كدا انا بأعاتبه بس انه شوقنا المدة دى كلها لاننا فعلاً كنا قلقانين عليه وعلى عربيته الجميلة.

المشاركة الأصلية كتبت بواسطة saif3s

ده رد التوكيل اللى كان مفروض يتكتب امس مع الموضوع

1. سيتم تغير كامل للفتيس وليس اجزاء منه
2. الفتيس بالكامل موجود بالتوكيل و نزل به امر شغل و تركيب للعربيه
3. يتم البدء بالتركيب غدا الاربعاء 5/5 وينتهى يوم الخميس (يومين تركيب فقط)
4. الاستلام للعربيه يوم الجمعه القادم

لما ناقشت المهندس بالتوكيل قالى العطل غير عام و موجود فى الدفعات الاولى من 2009 (4-5 عربيات فقط) , نادر الحدوث فى موديلات 2010 (فى من الموديل ده مشى 25 -30 الف كم )
كل العربيات التى تم تغير جزء او كل الفتيس لم تعد هناك اى شكوى منه

بكده تنتهى قصه العطل و تصليحه , النتيجه اللى خرجت بيها ان توكيل فولكس فى مصر محترم الى اقصى حدود, سريع فى خدمه عملاءه و رضاهم

وده جزء من سيناريو انا كنت مجهز نفسى ليه لكن لم يحدث

1. سيتم تغير السوفت وير او جزء بسيط و المشكله لا تنحل
   
2. الفتيس له اسلوب خاص بالقياده , ودى غلطه السائق لانه لم يتعامل معه جيدا
   
3. العربيه عامله 45 الف بالفتيس و يتم تغيره مناصفه مع العميل
   
4. و غيره كتير من حجج الوكلاء الخايبه , لسرقه العميل و نهبه وممكن اقعد اقول على كل وكيل تصرفه ايه
   

• بعتذر لك الناس المحترمه بالمنتدى عن الموضوع الاول اذا كنت اجلت عرض مشكلتى به.

لكن الكل عارف ان الناس فى المنتدى كانت ما هتصدق غلطه ونقعد نحكى و نقول و يضيع الموضوع , وصدقونى انا اجلت 3 ايام من حدوث المشكله لغايه ما كتبت الموضوع ده , لكن كان لازم يبقى في تمهيد وده حصل بالموضوع الاول

• بعتذر للناس المحترمه بالمنتدى عن اى تطويل فى عرض المشكله ,لكن اذا كنت كتبت الموضوع من الاحد 25/4 كنت كل يوم هكتب جزء عن اللى حصل وده كان هيخلى الناس متخبطه مش عارفه اول الموضوع من اخره مع نفس التفاصيل

التطويل شبه متعمد لنقل الحاله النفسيه لكاتب الموضوع وان الموضوع لا يسبب له اى قلق و الحمد لله و ايضا لنقل صوره كامله عن اسبوع مر بكل مشقته, وان العربيه لم يتم جرها بعربيه اخرى كما حدث من مشاكل فتيس فى انواع سيارات اخرى , و انى راكب العربيه مع العطل بدون مشاكل لم اضطررت الى استخدامها

ان شاء الله يركب الفتيس الجديد وتنتهى المشكلة بسرعة وحضرتك ماتزعلش منى والله انا كان كل قصدى اننا عايزين نطمئن عليك وعلى عربيتك بس مش أكتر.تقبل تحياتى

المشاركة الأصلية كتبت بواسطة ghazy12

استاذ مرسي... الأستاذ عصام معروف عنه المصداقيه التامه و الكلام بالأدله و الاثبات
مش مجرد كلام مرسل و خلاص... و ده اللي خلاه ببساطه ينتظر كل الفتره دي
لحد ما يتأكد بالظبط من اللي حصل و سبب حدوثه و هيتم التعامل معاه ازاي في التوكيل

لكن مش المقصود اللعب باعصاب الناس, او التشويق علشان يعمل موضوع وخلاص
لأنه فعلا مش بيعمل مواضيع إلا و ليها فائده كبيره في القسم...

و لما حكى القصه بالتفصيل مرورا بموضوع والده و الوسيله اللي راح بيها التوكيل
كل ده انا شايف انه طبيعي جداا, لأنه بيحكي لاخواته اللي حصل معاه بالظبط
علشان نحس باللي حصل معاه, و اللي مر بيه لحظه بلحظه...

انا شايف ان ده شئ يقدر جداا, و يقابل بكل احترام و اهتمام من اخواته (اللي هما احنا)

ده كل الموضوع يا باشا, و مش شايف اي سبب لأنك مستغرب الموضوع بصراحه!!

عموما احنا بنتعامل مع بعض دائما من هذا المنطلق و هو (( احنا أخوات ))...

يا رب اكون قدرت اشرحلك الموضوع بشكل بسيط, و وضحت وجهة النظر...

تقبل تحياتي...

حضرتك قلتها قبلى( أحنا كلنا اخوات) وعلشان كدا بنطمئن على بعض.شكراً ياباشا على التوضيح

المشاركة الأصلية كتبت بواسطة morsi

الاخ الفاضل
ربنا يعينك على حل مشكلتك وان شاء الله تاخد حقك .بس معلش اسمحلى هل اللى حصلك ده يستدعى انك تفضل حوالى اسبوع عامل موضوع فوازير وتشويق للناس وكل واحد يحزر ويفزر ايه اللى حصل معاك وبعد كدا تكتب المشكلة بالتفصيل الممل والمحتوى على مج النسكافيه وحكاية الوالد والمستشفى ومش عارف مين اتصلت بيه علشان يوصلك ومين كان مستنيك فى الاسكندرية ......... وغيره.
ايه اللى كان يمنع حضرتك انك تقول موضوع العطل من اول ماحصل معاك والناس برضه هاتتفاعل معاك ونفكر كلنا مع بعض بصوت عالى .
تقبل تحياتى وان شاء الله موضوعك يتحل بسرعة وتستمتع بعربيتك.

انا فكرت كتير أرد عليك ولا لأ , لكن عذرك الوحيد انك جديد على المنتدى ولا تعرف شىء عنه و عن اللغط و كتر الكلام بما لا ينفع الناس زى كلامك حضرتك بالضبط
ولعلمك انا اختصرت كتير يعنى ما قلتش ان انى طفيت العربيه و ومج النسكافيه نزل لى مع مين فى العربيه
وانى كنت مع والدى بالمستشفى من الساعه 9:30 للساعه 4 و كشف عند مين و عمل تحاليل ايه او اشعات ايه
او اللى كان مستنينى فى اسكندريه بعربيه الشغل اللانسر مهندس كميائى وموظف عندى فى شركتى وعمره 45 سنه
ده اللى بسميه رد بالتفصيل الممل ,
لكن رد حضرتك باسميه العارض عديم القيمه و المستفز
وصدقنى انا مش قادر اتقبل تحياتك وتمنياتك فعذرا