"الكلام دة يطبق على الـبنتو أو الريتمو أو الفرارى أو اللانشيا و لكن لا يطبق على الــ 128 و الشاهين و الادا (طبعا دة ضد أفكارك الروسية و الفياتية)"
ال128 هى الأب الأكبر للريتمو و البنتو و الشاهين هى الجد الأكبر للبرافو و الستيلو.
"السلام عليكم
رينو نجحت فى إنها الأن أحسن سيارة فى فئتها من حيث
- الإتساع من الداخل.
- التكنولوجيا الحديثة و الرفاهية الكاملة و الأبشن العالى بانسبة للسعر.
- الأمان الكامل مثال 6 إير باج - سنسر إضائة - سنسر مطر - بارك سنسر - كومبيتر يتحكم فى السيارة بالكامل مش (كمبيتر أعطال فقط) - Abs - Ebd - سنسر ضغط العجل - فتيس ستبتورنيك مش أتوماتيك أو عادة طبعا غير إنة متصل بالكمبيوتر لتعديل إستخدامة حسب قيادة قائد السيارة - بعض أجزاء من السيارة مصنوعة من الفيبر المقوى لحماية الراكب حيث أنها بتنكسر أثناء الحادث لإمتصاص الصدمة عن الصالون (مش زى 128 بتطبأ على الراكب فيها ذيها أيضا اللادا و الشاهين )
الذكى يركب العربيات دة علشان الأمان مش علشان يكون فرحان لما يمشى يكسر عربيات الناس و يموت لو دخل فى عامود نور."
الميكانيكيه الى أنت محتقرهم دول بيحتقروا سيارتك و حتى دول الى بيشتغلوا فى أى حاجة تجيلهم بيرفضو يشتغلو فى سيارتك الرينو!
على فكره فى هندسة مهما عملو مش هيعرفوا يعلموك ازاى تغير سير مقطوع فى العربية, الميكانيكى بس هو الى هيعرف يعلمهالك, أنا شخصيا استفدت كثيرا منهم و من الفرجة على شغلهم و حتى من التحدث معهم, الخبرة المتراكمة مهمة جدا, ملحوظة على فكرة أنا تخصصى هندسة سيارات.
كل الى بتقوله ده موجود زيه و أكتر فى العربيات كلها حتى الصينى!
نظم الحفاظ على الثبات التى تتكلم عنها ليست لها فائدة حقيقية, لو حضرتك فهمت هى بتعمل ايه مكنتش هتتكلم عليها بفخر كده, كل ما تفعله هذه النظم هو ما تستطيع أنت فعله للسيطرة على السيارة, و لأنك سائق تفتقد للمهارة فهم يحاولون مساعدتك بطرق ملتوية, و زمان كانت بتتحط فى السيارة للتغطية على عيوب الثبات, و الأن توضع فقط لأن بقية السيارات تضعها.
ال128 ليها توكيل فيه واحد فى غمرة, توكيل النصر للسيارات.
البلاستيك ليس هدفه الأمان و سيارتك مصنوعة من البلاستيك لتخفيف الوزن و خفض استهلاك الوقود و الصاج المصنوع من الحديد و الصلب أكثر أمانا من البلاستيك.
"أنا لم أقل إن السيارة الرينو أحسن سيارة فى العالم (خليك مركز فى كلامى) بس لو عملت تقيم أو مقارنة على هذا المنتدى بينها و بين الشاهين أو اللادا مثلا (و دى مقارنة غير متكافئة بالمرة بس خلينا ورى ..... لباب الدار) الشاهين و اللادا هتخسر تماما و مستعد أحلفلك على كدة. "
حضرتك عاوز تقارن عربية شاهين يعنى :
موتور تمبرا 1600 سى سى.
دفع خلفى.
سيارة من فيات ذات الاسم العريق التى تنتج السيارات من سنة 1899.
بسيارة من رينو؟!! عجبى. بلاش الميجان عشان الفارق الزمنى هاتلى أى سيارة رينو انتجت فى وقت ال131 و نشوف. عندك رينو 12 مثلا:)
"أما بانسبة للشاهين هى سيارة تنفع فقط فى تدمير السيارات الأخرى و لكنها غير مريحة فى القيادة و لا الصالون يعنى مثال لو إمرأة حامل ركباها هتولد قبل ميعادها من العفشة الزبالة الغير مريحة لو طبعا قارنتها بالدايو أو الهيونداى أو التويوتا او حتى السيارات الصينى مش الكورى و اليابانى - إللى إنت بتهاجمهم لمجرد إنك معاك سيارة لا تنفع إلا فى الحروب بين السيارات فقط - هتخسر أيضا. "
أنا سقت الشاهين لمسافة تتعدى ال40 ألف كيلو و هى أكثر سيارة أحببتها و سعيد بها, أدائها, ثباتها فى المنحنيات, محركها القوى المتجاوب, صوت المحرك المرتفع الذى يعطيك شعورا رياضيا محببا, الاعتمادية الهائلة خاصة فى الطرق الوعرة و غير الممهدة, متعة القيادة.
الشكل ميهمنيش كتير لأنى قاعد جوه العربية مش براها, و عموما الشكل كده كده هتزهق منو فى الأخر, مهما كان جميل.
ملحوظة : لست من هواة صدم سيارات الأخرين.
الى أنت بتتكلم عنه ده ضريبة الأداء الرياضى, و الشاهين مش مصممة لنقل الحوامل الى المستشفيات!
المفضلات