تويوتا , 70 عاما من التقليد!

**Megane** · 15-02-2008 04:54 AM

المشاركة الأصلية كتبت بواسطة hazem_khidr

طب و ليه حضرتك بتشتم الميكانيكيه يا استاذ ميجان كل شويه دول حمير و احقر مش عارفه من ايه؟؟ليه اسلوب الحوار يوصل لكده و يوصل للتجريح

السلام عليكم يا أستاذ حازم

أنا لم أقصد تماما تجريح أحد و بعدين الأستاذ فادى بيجرح من الصبح فى الأعضاء نفسهم مثال من كلامة المستفز

(لو حضرتك فهمت هى بتعمل ايه مكنتش هتتكلم عليها بفخر كده, كل ما تفعله هذه النظم هو ما تستطيع أنت فعله للسيطرة على السيارة, و لأنك سائق تفتقد للمهارة فهم يحاولون مساعدتك بطرق ملتوية, و زمان كانت بتتحط فى السيارة للتغطية على عيوب الثبات, و الأن توضع فقط لأن بقية السيارات تضعها.)
و انا بعتزر لك مرة أخرى يا أستاذ حازم بس لو سمحت راجع كلام الأستاذ فادى من أول الموضوع و أنت تجد كمية المغالطات و الإستفزاز و خالف تعرف و التباهى بالمعلومات الغلط و الغير مؤكدة و بدون دليل.
يا راجل دة Pro-Drive طلع عينة و هو عمال يقول لة الدليل الدليل الدليل و لا حياة لمن تنادى.

**hazem_khidr** · 15-02-2008 05:02 AM

يا استاذ حاتم انا مش بهاجمك بس الميكانيكيه دول ناس زينا مش كل ما نتكلم نقول بهايم و حمير فيه منهم ناس كويسين جدا و الله و فيه كتير منهم شغال في العربيات الجديده و عندهم كمبيوترات و يجبلك كل العيوب و لا احسن توكيل و انا عندي في المحله كذا واحد شغالين و ليا ناس تصحابي كتير معاهم اوكتافيا و فيكترا و عربيات تحفه و بتتعامل معاهم و مش بيروح التوكيل و لا بيقرب ناحيته .ف مش كلهم وحشين

**Megane** · 15-02-2008 05:05 AM

المشاركة الأصلية كتبت بواسطة فادى

كل الى بتقوله ده موجود زيه و أكتر فى العربيات كلها حتى الصينى!
نظم الحفاظ على الثبات التى تتكلم عنها ليست لها فائدة حقيقية, لو حضرتك فهمت هى بتعمل ايه مكنتش هتتكلم عليها بفخر كده, كل ما تفعله هذه النظم هو ما تستطيع أنت فعله للسيطرة على السيارة, و لأنك سائق تفتقد للمهارة فهم يحاولون مساعدتك بطرق ملتوية, و زمان كانت بتتحط فى السيارة للتغطية على عيوب الثبات, و الأن توضع فقط لأن بقية السيارات تضعها.

على ما أظن أنا بفهم كويس و مفيش داعى للطريقة دى فى الكلام لانى ممكن أرد ردود ممكن بارضة تكون مستفزة أوى لكن انا هكون أنا الأحسن و مش هعمل كدة .
نرجع للثبات ممكن تقولى سيارتك العظيمة الشاهين بتاخد بيها المنحنيات على سرعة كام ؟؟؟؟؟؟ على ما أظن 20 كم/ساعة لو تعرف الحمد الله أنا مجرب عربيتى فى المنحيات الجامدة على سرعة 140 كم/ساعة و يمكن تكون أحسن من كدة بس أنا مبحبش أمشى بسرعة

**PRO-DRIVE** · 15-02-2008 05:15 AM

كلامك يا استاذ فادي كله متناقض بشكل غريييييب انت دلوقتي ضد التكنولوجيا و بتقول بيضحكوا علينا

طيب و فين كلامك اللي قلته قبل كدا ؟؟

بالنسبة للاخوة الذين كانوا يتحدثون عن التكنولوجيا اليابانية فأنا أسألهم أين هى تلك التكنولوجيا بالله عليكم؟ لا يعرف الكثيرون أن السيارات اليابانية تعتبر سيارات متخلفة تقنيا بالنسبة للسيارات الأوروبية, فمعظمها ان لم يكن كلها لا تحتوى على علب تروس ذكية التى أصبحت تزود بها سيارات صغيرة مثل البونتو و حتى الألبيا المخصصة للأسواق النامية, و الكثير منها لا يزود بأنظمة الحفاظ على الثبات, و السيارات اليابانية التى زودت بمثل هذا النظام لم تتحصل عليه الا حديثا و للعلم هم يجلبونه من ألمانيا.

الكلام دا كلامك انت و انت قايله في موضوع

اليابانيات لماذا هن سيئات الجزء التاني

و ادي اللينك

http://www.nilemotors.net/Nile/showt...D3%ED%C6%C7%CA

اولا كلامك كله غلط هناك و اللي حيفتح الموضوع حيشوف ردودنا

انت دلوقتي هناك كنت بتفتخر ان سيارات فيات فيها نظام ثبات و دلوقتي جاي تقول عليه عيب و مهاره سواق

**Megane** · 15-02-2008 05:15 AM

المشاركة الأصلية كتبت بواسطة فادى

ال128 ليها توكيل فيه واحد فى غمرة, توكيل النصر للسيارات.
البلاستيك ليس هدفه الأمان و سيارتك مصنوعة من البلاستيك لتخفيف الوزن و خفض استهلاك الوقود و الصاج المصنوع من الحديد و الصلب أكثر أمانا من البلاستيك.

تمام كلام جميل تماما مثل (صواريخ القاهر و الظافر) و (مصر بصنع الصاروخ و سبنا لليابانيين الأبرة)
على رأى العضو توت عنخ أمون كلامك كوميدى جدا ينفع يتعمل مسلسل للأطفال علشان الأطفال بس ممكن تضحك علية.

**Megane** · 15-02-2008 05:33 AM

المشاركة الأصلية كتبت بواسطة فادى

أنا سقت الشاهين لمسافة تتعدى ال40 ألف كيلو و هى أكثر سيارة أحببتها و سعيد بها, أدائها, ثباتها فى المنحنيات, محركها القوى المتجاوب, صوت المحرك المرتفع الذى يعطيك شعورا رياضيا محببا, الاعتمادية الهائلة خاصة فى الطرق الوعرة و غير الممهدة, متعة القيادة.

الى أنت بتتكلم عنه ده ضريبة الأداء الرياضى, و الشاهين مش مصممة لنقل الحوامل الى المستشفيات!

محدش قال حاجة بالنسبة لحبك للسيارة دة رأيك و إنت حر فية لكن تتجرأ و تعيب فى الرينو هو دة إلى مش مسمحلك أبدا و بعدين تعالة قولى إة حكاية متعة القيادة دى على ما أظن إنك لو ربنا كرمك و ركبت عربية ميجان هتعرف إن فى فرق شاسع بين قيادة الكنب (الشاهين) و قيادة السيارات المحترمة.

ممكن تقولى الشاهين مصممة لــ إية (هى مش عربية عائلية و لا إية) ولا فى الكتالوج بتعها مكتوب ممنوع ركوب الحوامل و الأطفال دى مصممة للاعبى كمال الأجسام فقط .

**mtema99** · 15-02-2008 01:41 PM

إن لله و إن اليه راجعون
يا جدعان اللي بيحصل صفصطه ليس لها اي فعل

**mtema99** · 15-02-2008 01:45 PM

اعتقد ان الموضوع خرج عن النطاق
هذا ليس موضوع لرينو
هذا لتويوتا
و للاخ فادي
ارجوك ارائك يفضل انها لنفسك او تحاول اقناعنا بالبرهان الدامغ
ليس بالكلام انا سقت و انا عملت
و ياجماعه الخير من الان فصاعدا ممنوع الاتي
1- الكلام للكلام فقط(صفصطه) لان فيه نهي حتى فالاسلام
2-ممنوع الكلام او الهجوم على اشخاص (الشخصنه) فقط لحبهم لماركه او شي معين
3-لا يتكلم احد في موضوع إلا و لديه حجه او برهان دامغ

**tutankhamoun** · 15-02-2008 08:25 PM

أستاذ فادي كل كلامه طبعا مغالطان و كلام بدون دليل
المهم .... أنه بيعتمد على التاريخ في التقييم
..............
طيب أنا هأسأل حضرتك سؤال يا أستاذ فادي
مش مصر ........ العراق ......... الهند ......... الصين ......... اليونان
هم أول من صنعوا حضارات و خصوصا مصر و العراق الذين بدأا قبل العالم كله
أين مصر و العراق و الهند و اليونان اﻵن ؟؟؟؟؟؟؟؟؟؟
و سلام بقى علشان أنت أصلا الواحد مينفعش يرد عليك بأكثر من سطر واحد أو سطرين لأنك دائما لا ترد على الموضوع إجمالا و لكن ترد على جزء واحد فقط و صغير و إن أعجبك أيضا و إن لم يعجبك تتجاهله تماما
على العموم مش مهم
بس عايز أقول لحضرتك حاجة ....دلوقتي الشركات بتصنع تقريبا نفس المنتج بتكنولوجيا مختلفة و في رأيي أن الجميع كويس و ممكن يكون ما هو مناسب لك غير مناسب لي
و على فكرة سيارتك الشاهين ........ سيارة كانت مخبأة في كبسولة زمنية و خرجت إلى القرن الواحد و العشرون لتجد سيارة مثل رينو ميجان و سيارة مثل هيونداي النترا و فيرنا و دايو لانوس التي هي أفضل من الشاهين في كل شئ
و لك أجدع سلام

**فادى** · 15-02-2008 10:41 PM

"كلامك يا استاذ فادي كله متناقض بشكل غريييييب انت دلوقتي ضد التكنولوجيا و بتقول بيضحكوا علينا

طيب و فين كلامك اللي قلته قبل كدا ؟؟"

لم تفهم كلامى بشكل, أو أنك فهمت و لكنك تجادل فقط, على طريقة ألست أنت القائل, و هى طريقة لا أحبذها فى النقاش.
عندما تضع مثل هذه الأنظمة فى سيارة عائلية أو فاخرة و هى سيارات تفتقد عادة للثبات بشكل كبير, فان هذا يبقى مبررا, أما عندما تضعه فى سيارة رياضية فهناك خطأ ما.
عموما اليابانيين لو يضعوا مثل تلك الأنظمة لانعدام القدرة القنية و القدرة المادية(سوف يزيد من سعر السيارة, مما سوف يصعب من عملية تسويقها كونها لا تنتمى لماركة ذات اسم عريق).
أولا لازم أوضح نقطة مهمة جدا, بالنسبة لموضوع "الدليل" الى انتو واجعين دماغى بيه, فلازم أوضح نقطة مهمة, أنا أى معلومة عارفها و متأكد منها بقولها, و مبقولش أى معلومة الا لما أكون متأكد منها, و معلوماتى لا أستقيها من مواقع النت فى معظمها, بل من مصادر ورقية, و تعرف طبعا صعوبة استرجاع المصادر الورقية(المجلات, الكتب) و خاصة المجلات التى تتناثر أعدادها بشكل كبير, و بعضها يلقى به فى القمامة, فان كنت لا تثق فى أحد الأفضل لك ألا تناقشه, و ليس كل شىء موجودا فى الانترنت, و لا نغفل المعلومات التى تأتى بطرق سمعية.
و عموما لما الأستاذ توت شكك فى بعض معلوماتى لو يفتكر قلبت الشبكة العنكبوتية رأسا على عقب حتى أحضرت له المعلومات كاملة, و كان الموضوع عن استقلالية اليابان.
هقولك على بعض المصادر :
فيات 128 أول سيارة بمحرك عرضى : سبور أوتو, فى مقالة عن فيات, الأهرام للسيارات.
فيات كروما أول سيارة تربو ديزل حقن مباشر : موقع فيات سنة 2004 عندما كانوا يعلنون عن سيارتهم فيات كروما الجديدة.
و ياربت بعد كده مش عاوز أسمع عبارات من نوعية "رد عائم", "كلام بلا دليل" الى أخر هذا الهراء لأن ده أسلوب أعرفه جيدا, محاولة للتأثير و التشويش على كلامى بطريقة فيها الكثير من المكر و الخبث.
أما الأخ الميجان ال"غاضب" مش عارف ليه, فيا ريت تحاسب على سيارتك البلاستيكية جيدا لأنها تحتاج فعلا للعناية و الا؟ و اوعى حد و انت ماشى يرمى عليك سيجارة و لا حاجة أحسن تسيح:)

"نرجع للثبات ممكن تقولى سيارتك العظيمة الشاهين بتاخد بيها المنحنيات على سرعة كام ؟؟؟؟؟؟ على ما أظن 20 كم/ساعة لو تعرف الحمد الله أنا مجرب عربيتى فى المنحيات الجامدة على سرعة 140 كم/ساعة و يمكن تكون أحسن من كدة بس أنا مبحبش أمشى بسرعة "

طب جرب كده تلف العجل على 140 و شوف هيحصلك ايه, بلاش تضحك الناس عليك.

الموضوع: تويوتا , 70 عاما من التقليد!

LinkBack

أدوات الموضوع

عرض

-

-

-

-

-

-

-

-

المواضيع المتشابهه

ممكن مساعدي في العاب psp التقليد

الفانوس الاصلي ب 440 و التقليد بي 330 و الفيرنا الاصلي بي 480و التقليد بي 75 جنيه !!!

تويوتا تستكمل مسيرة التقليد بنجاح!!

التقليد عند الصينيين

الكلمات الدلالية لهذا الموضوع

المفضلات

المفضلات

ضوابط المشاركة