الموضوع: رابطة حائزى الفلوينس

الموتور ١١٥ حصان بدل ١١٠ العزم ١٥٦ عند ٢٠٠٠ لفه بدل ١٥٠ عند ٢٥٠٠ لفه اى القوه اكبر و السرعه القصوى بالتالى اكبر والعزم اكبر عند عدد لفات اقل وهذا يفيد فى التخطى و المرتفعات و زمن التسارع افضل بوضوح من صفر الى ١٠٠ ١٠،٧ ثانيه وهو افضل بعد ٤٠ الى ١٠٠ عنه من الثبات الى ٣٠ او ٤٠ والموتور من نيسان وهى مملوكه لرينو و هو نفس موتور التيدا مع تعديل بسيط فى السوفت وير ،،العفشه مقواه ومجهزه للطرق السيئه ،الفتيس اكسترونيك وهو الجيل التانى من الcvt و يعطى اعلى عزم عند جميع السرعات و يقلل استهلاك البنزين و يلغى موضوع النتشه بين الاول والتانى الذى اشتكى منه البعض فى الموديلات السابقه و يعطى عزم افضل فى صعود المرتفعات و يعطى فرمله من المحرك فى النزول ،،الطاره اتغيرت لانها كانت بتقشر وزودوا ضوء ليد نهارى للسلامه ،التكييف من نيسان وافضل من السابق
، باقى المزايا موجوده فى الموديلات السابقه و طبعا موضوع طرمبه البنزين و توافقها مع بنزين ٩٢ اتحل من الموديلات السابقه ،،،،هذا ما اذكره من مراجعتى لمكونات السياره على النت ومن معرض السيارات و من مداخلات الاخوه الافاضل بالموقع جزاهم الله خيرا

أيه رأيكم في فلوانس 2014 هاي لاين اللون بيكون اسود
انا عاوز اشتريها من السعودية وانزل بيها مصر
هل تشجعوني على كدة

مكونات الخليجى الان مقاربه جدا للمصرى. سواء الموتور او الفتيس الاكسترونيك وبالتالى يستطيع الوكيل صيانتها لكن ممكن مده الضمان تقل كثيرا ،هذا قياسا على الميجان من سنوات ، يجب. الاتصال بالوكيل للتاكد ثم مراجعه القرار بناء على ذلك ، لكن المصرى اشيك و تجميع تركى. وليس كورى كالخليجيه

فعلا فلوانس الجديده متألقه
وتعتبر ارخص عربيه اوروبي بالمواصفات والامان الحديثه

اخوانى الاعزاء
عذرا يا استاذ حسام فان العربية الفلونس الخليجى مختلفة تماما عن الى بتنزل فى مصر لان الى غى الخليج اصلها كورى من سامسونج كموتور و تكيف و ناقل حركة ....... و المشكلة الرئيسية لو حد نزل بيها مصر التوكيل بيرفض يدخل العربية و يعملها صيانة و بيقول انها غير متوافقة مع المواصفات المصرية فنصيحتى بلاش حد يجيب الخليجى

السلام عليكم يا رجالة انا الحمدلله عامل 4900 كيلو والحمدلله معنديش شكواه من حاجة فى العربية .... فهل صيانة ال5000 مهم انى اعملها ولا اطنش وهل لو طنشت فى مشكلة ... خصوصا ان كدة كدة كمان 4 شهور هعمل صيانة ال10000 اجبارى لمرور عام على شراء السيارة من غير ما اوصل ل10000 كيلو

المشاركة الأصلية كتبت بواسطة mo7elmy

السلام عليكم يا رجالة انا الحمدلله عامل 4900 كيلو والحمدلله معنديش شكواه من حاجة فى العربية .... فهل صيانة ال5000 مهم انى اعملها ولا اطنش وهل لو طنشت فى مشكلة ... خصوصا ان كدة كدة كمان 4 شهور هعمل صيانة ال10000 اجبارى لمرور عام على شراء السيارة من غير ما اوصل ل10000 كيلو

صيانه 5000 او سنه ايهما اولا ضروريه جدا. لان فيها يتم تفعيل الضمان.ارجو من الزملاء الكرام عدم اهمالها حتي لو هم خارج مصر

د احمد هل حضرتك متاكد ان الكلام ده ينطبق علي الفيس ليفت. لان مداخلتي كانت بناء علي مداخله احد الاخوه الاعضاء بان الوكيل الان يقوم بصيانه الخليجي لهذا طلبت التاكد من الوكيل. اما ان الموتور والفتيس كوري فهذه مفاجاه رغم علمي ان رينو اشترت سامسونج و نيسان من سنوات .لان كيف تضع علامتها علي سياره اهم مكوناتها. كوري خصوصاان الاكسترونيك هو فتيس نيسان من انتاج و تطوير شزكه مملوكه لها . عموما انا لما شوفت موتور الخليجي هو فعلا بسيط واقل تعقيدا من المصزي ودي كانت ملاحظه مسئول المعرض واي ميكانيكي يصلحها حسب كلامه
لكن فعلا دي معلومه مهمه تستحق البحث فيها والتاكد منها وشكرا اللتوضيح