الموضوع: رابطة حائزى الفلوينس

المشاركة الأصلية كتبت بواسطة ALshahba

حضرتك متأكد ان موجود فيها hill assist و break assist !!؟؟؟
دي خاصية ودي خاصية تانيه خالص
يعني مثلا ال break assist دي معناها ان العربية بتركن لوحدها ولا اقصد نظام Sensor break
ونظام hill assist ده معناها ان العربيه لو علي مرتفع او منخفض وانت سبت رجلك من دواسة البنزين تقف لوحدها لعدة ثواني لحد ما تدوس انت الفرامل
دي نظم حديثة جدا وغاليه جدا !!!! اتمني تكون موجوده فعلا فى التوب لاين E6

وشكرا لردك

بعد أذن حضرتك....بعض المعلومات عن الBrake Assist لإستفادة الأعضاء الكرام

نظام الBA بيحس بدوسة الفرامل و سرعة العربية و بيستشعر لو كانت الدوسة دى مش طبيعية أو بمعنى أخر دوسة فرامل طوارئ و فى أجزاء من الثانية بيعمل على تفعيل نظام الABS و هو منع قفل العجلات و إنزلاقها...و هو غاية فى الأهمية لأن هذا النظام أسرع بمراحل من رد فعل أى سائق فى حالات الطوارئ و خاصة فى حالة إصطدام مقدمة السيارة بظهر سيارة أخرى

طالب الأتحاد الأوروبى بداية من 2009 أن يكون هذا النظام متوفر كتجهيز أساسى للسيارات المباعة فى دول الأتحاد الأوروبى بداية من 2009 و منها رينو فلوانس طبعا

أول من طور هذا النظام و وضعه فى سياراته هو مرسيدس بنز سنة 1996

موجود فى جميع فئات الفلوانس حتى المانيوال كتجهيز قياسى

هذا النظام ليس له علاقة بركن السيارة...حضرتك يمكن تقصد PA مش BA....

PA....معناه PARKING ASSIST
BA....معناه BRAKING ASSIST

أما بالنسبة لل HILL ASSIST

مش مذكور كتجهيزات فى أى من فئات الفلوانس حتى الHIGH LINE أو الTOP LINE و ذلك لعدم توافر المطالع المرتفعة جدا أو الكثيرة فى مصر مثل بعض البلدان كالأردن على سبيل المثال و ليس الحصر. و لكن من خصائص الفتيس الأتوماتيك عامة وجود شعرة بنزين خفيفة كفيلة بأن تجعل السيارة ثابتة و لا تنزلق فى حالة المطالع الخفيفة لمدة ثوانى حتى تضغط دواسة البنزين....و لكنه طبعا غير مجدى مع المطالع الصعبة و سوف تنزلق السيارة....
بأكد لحضرتك ثانيا...لا يوجد HILL ASSIST كتجهيز فعلى فى الفلوانس فى جميع موديلاتها

و أكيد الملاك هيفيدوك أكتر منى

المشاركة الأصلية كتبت بواسطة ebso

استفسار لوحوش الفلوانس
انا الزجاج الامامي اتشرخ و الحمد لله على كل شيء ، هل ممكن اغير الزجاج خارج التوكيل علما بان العربية فيها حساس للمطر و الاضاءة ، انا سألت في التوكيل قالي ان لازم تغير الحساسات مادام هاتغير الزجاج
مع اني مش مقتنع بالموضوع ده
علاوة على ان السعر غالي في التوكيل .
و شكرا

السلام و رحمة الله و بركاتة
لأسف كلام التوكيل مظبوط لأن انا كمان قالولي كده لما كنت بفكر اغير الزجاج لما اتشرخ و علشان كدة صلحته و قلت استني عليه شويه كمان لو اتشرخ تانى فى مكان اخر ساعتها ممكن افكر اغيره
لكن لو مازلت عايز تغيره ممكن تكلم مصنع دكتور جريش فى العاشر من رمضان ت 015410003 لاني لما سألتهم وقتها قالولي انهم ممكن يغيروا زجاج الفلوينس من غير تغيير حساست المطر و الاضاءة انا بصراحة مش متأكد من كلامهم لكن لو عايز تجرب كلمهم و شوف حيقلولك ايه
بالتوفيق ان شاء الله