رابطة حائزى الفلوينس

**abo assal** · 17-09-2013 01:55 PM

استلمت الفلوانس e3 بعد حجز 15 يوم فقط وبالسعر الرسمي . عربيه فعلا رائعهههههه بمعني الكلمه سحب العربيه اتغير تماما عن الموديل القديم ومعدش فيه احساس بنتشه بين النقل . بالعكس كأن العربيه مبتنقلش زي عربيات الملاهي وده احساس حلو جدا حاسس بفرق كبير قوي بينها وبين اللانسر اللي كانت معايا وكنت جايبها زيرو . لسه مشغلتش التكييف لكن احساس الفخامه حلو برضه . ميعرفش الاحساس ده غير ملاك فلوانس.

**محمدعماد** · 17-09-2013 02:58 PM

الف مبروك وربنا يحفظهالك

والتمن الرسمى بتاعاها كما

**abo assal** · 17-09-2013 04:28 PM

المشاركة الأصلية كتبت بواسطة محمدعماد

الف مبروك وربنا يحفظهالك

والتمن الرسمى بتاعاها كما

169500

**abo assal** · 17-09-2013 04:37 PM

علي فكره اتصلت بالرقم المختصر لشركه رينو علشان اعرف كود الكاسيت ردوا عليه بمنتهي الادب والذوق وبعد لما باركوا لي علي العربيه ادولي الكود وقالوا لي علي طريقه ادخال الكود والتشغيل لان العربيه كلها زراير وانا جديد في موضوع التكنولوجيا دي .
اول انطباع عن التوكيل انهم شركه محترمه زي ما الناس بتقول.

**karemof** · 18-09-2013 02:53 PM

السلام عليكم ,

كان عندي سؤال بخصوص صيانة ال10 الاف , هل لو عدت سنة من تاريخ الأستلام من غير ما أوصل لل 10 الاف لازم كده كدة أعمل الصيانة ؟

**ALshahba** · 18-09-2013 07:16 PM

الصيانه = 10 الاف كم او 3 شهور ايهما اقرب (او 5 شهور تقريبا)

**ebso** · 19-09-2013 01:13 AM

المشاركة الأصلية كتبت بواسطة alshahba

الصيانه = 10 الاف كم او 3 شهور ايهما اقرب (او 5 شهور تقريبا)

استاذي الفاضل
الصيانة عند 10000 كم او سنة ( 12 شهر ) ايهما اقرب
والعربية بتقوم بتحديد الموضوع ده عن طريق الكمبيوتر وبتديك علامة الصيانة
لو عديت 10000 كم او عديت 12 شهر
وفيه صيانة مجانية عند 5000 كم

**karemof** · 19-09-2013 01:44 PM

طيب هل عند صيانة السنة اذا كانت العربية لسة ما عملتش ال 10 الاف , بيتم برضه كل العمليات من تغيير زيوت أو أي حاجة تانية .
يا ترى حد عارف الصيانة دي بتتكلف كام .
و فين أفضل مكان للصيانة دي , أنا رحت في ال 5 الاف القطامية , بس أعتقد أنه مش بكفاءة عالية