الموضوع: عدّاد حرارة اللوجان....

المشاركة الأصلية كتبت بواسطة bishoy02010

هوه حضرتك مقرتش المشاركة بتاعتى منا شارح مشكلة حضرتك وليه العربية بتعمل كده بالتفصيل الممل !!!

لا قريت طبعا كل اللي انت كاتبه يا بشوي ومتابع جميع المشاركات لوضع حد لهذه المشكله....
بس خليني اقولك اللي حصل النهاردة...

1- تم الذهاب الي الميكانيكيون العرب فرع النزهة وخدت الطريق كله بتاع صلاح سالم لحد ماوصلت ليهم والعربية شرطتين ووريتهالهم اول ماوصلت...
2- تم استلام العربية من قبل المهندس المختص وشرحت له كل اللي بيحصل فيها...
3- بعد ساعة رجع لي المهندس وقاللي كله تمام وتم التصليح ولما استفسرت عن المشكلة قاللي كان فيه شوية وساخة هي اللي كانت ماثرة علي الترموستات او حاجة كده وتم تنظيفها بالمزيل وتوصيل العربية علي الكمبيوتر وعمل check علي كل حاجة وجميع المؤشرات سليمه.
4- خدت العربية وخرجت ورحت علي الشغل والعربية فضلت ماشي بيها لحد نص صلاح سالم وهي لسه علي شرطتين..
5- رجعت تاني لمركز الخدمة وقلتلهم مفيش حاجة اتصلحت والعربية زي ماهي.. فاستلموها وكشفوا عليها تاني..
6- بعد نصف ساعة طلع لي المهندس وبيقوللي العربية سليمة ومفيش اي حاجة فيها ومش عارفين ايه المشكلة !!!!!!!!!!!!
7- قلتله المشكلة ان انا بقالي سنة بالعربية ومكانتش بتعمل كده تماما غير اخر 4-5 ايام !
8- قاللي ان العربية سليمة ومفيش اي حاجة ومادام المياه اللي في العربية منقصتش يبقي كل شئ تمام والموضوع كله ديجيتال ولو فيه حاجة كان لازم الجهاز هايطلع error او المروحة تشتغل في غير معادها...!
9- قلتله بس ده مش طبيعي ان العربية تمشي علي اقل من 90 درجة حتي لو كانت ايه!! قالللي مش عارف !!!!!!!!!!!!!!!!!!!!!!!!!!!!!!!!!!!!!!!
10- خدت العربية ورحت علي الشغل وقلتله لو حاجة حصلت للعربية انا هاحملك المسئولية
11- اتصلت بالتوكيل وحجزت معاد اروح بكرة اكشف عليها عشان اطمن...

المفاجاة بقي ان العربية مانزلتش عن 4 شرطات طول الطريق للشغل ... ووانا راجع برده العربية مانزلتش خالص عن 4 شرطات غير مرة واحدة عشان كنت نزلت اعمل حاجة وركبت تاني !!!!!!!!

فانا مش عارف اروح بكرة التوكيل تاني ولا لا !!!؟ ولو رحت هاتبقي درجة الحرارة 4 شرطات وبالتالي مش هاعرف اوريهم اللي بيحصل في العربية زي مارحت الميكانيكيون العرب النهاردة وكانت الحرارة علي شرطتين بس !!!!

وده كله لاني مش عارف اذا كانت العربية اتصلحت ولا لسه ولو اتصلحت ليه فضلت علي شرطتين بعد ماستلمتها اول مرة ؟!؟!