الموضوع: عدّاد حرارة اللوجان....

المشاركة الأصلية كتبت بواسطة mindvision

طيب انت ايه رايك في كل اللي حصل ؟؟؟
كان فيه ايه تاني ممكن اختبره؟؟
لاني مش مهندس ميكانيكا ... لكن حاولت اتكلم بمنطق وكنت بصطدم بالمؤشرات اللي بتحصل قدامي من ان كل حاجة سليمة قدام عيني !!

متقلقش هما العادى بتاعهم فى أى مشكله بيقولوا ده طبيعى وكله مظبوط فى مشكلة او مفيش هوه ده الرد بتاعهم
انا مش مهندس ميكانيكا برده وحضرتك برده مش المفروض تكون مهندس ميكانيكا عشان تروح وتاخد العربية مظبوطة على الوضع الطبيعى بتاعها ده حقك ومش مشكلتك هما بيدورا او يعملوا إيه بس انا مش هشكك فى حد بس انا إيش عرفنى الثرموستات اتغيرت ولا لأ انا ليا العربية اخدها طول منا ماشى درجة حرارتها ثابته وخلاص . أنا مش مختلف ان الموضوع ده هيأثر على العربية كده على المدى القريب ... لأ مش هيأثر على المدى القريب خالص ممكن على المدى القريب استهلاك البنزين يزيد حاجة بسيطة قوى قوى قوى مش هتاخد بالك منها لكن على المدى البعيد قوى هيأثر على الموتور لأنه مش شغال بكل بساطة فى درجة حرارته الطبيعيه

هيا ترموستات المياه اللى غيرها ديه اللى بتقيس درجة حرارة المياه ولا اللى بتكون فى كوعة المياه اللى بتقفل وتفتح المياه انها تروح للموتور ؟؟!!!

المشاركة الأصلية كتبت بواسطة mindvision

لا انا ماعرفش للاسف الترموستات اللي غيره اي واحد منهم عشان ماعرفش في الميكانيكا اوي زي ماقلتلك وماعرفش ان العربية فيها ٢ ترموستات.....!
وسؤالي برده كنت عايز اعرف ازاي درجة الحرارة هاتاثر علي استهلاك البنزين؟؟؟
وازي لو فيه مشكلة علي الماتور الكمبيوتر مايطلعهاش؟؟؟

وانا زيك بالظبط برده مش مهندس ميكانيكا ومعرفش الوجان فيها كلم بس عربيتى الفديمة كان فيها 2 ترموستات

2. هوه الفرق فعلا لا يذكر بالتقريب ومش هتحس بيه نهائى مثلا لما بتدور العربية الصبح بيكون الأر بى ام على المور ا و 4نص ولما بتبقى شرطتين بيكون حوالى 1 ار بى ام فمتهيقلى لما تمور العربية ودرجة حرارة الموتور مبتكونش ال 4 شرط الأر بى ام هيكون اعلى من الطبيعى بشئ لا يذكر فده + الموتور مش بيكون شغال فى درجة حرارتة الطبيعية فطبيعى استهلاك البنزين يزيد سنه مش محسوسة

3. أصل إيه المشكلة اللى هتطلع !
العربية وهيا واقفه بتكون درجة حرارتها مظبوطة و الثرموستات لما بتيجى تسخن بتدى امر للمروحة وتشتغل فاللى هوه مفيش مشاكل هتظهر يعنى ( لأ معرفش انا النقطة ديه قوى )

المشاركة الأصلية كتبت بواسطة mindvision

اخر التطورات التي حدثت خلال الاسبوعين السابقين:

1- تم زيادة المشكلة باني كنت بركب انذار ولقيت مفيش مياه في العربية !!!! وبالرغم من كده مؤشر الحرارة داخل العربية لم يشر الي اي شئ تمامااااااااااااا !!!!!
2- تم الاتصال بالتوكيل ودخلت فيهم شمال وقلتلهم انا جاي بكرة ولازم تشوفوا لي حل في العربية
3- طبعا قالولي لا مش هاينفع والحجز ومش الحجز ، فدخلت فيهم شمال طبعا وقلتلهم انا ماليش دعوة ومش هامشي بالعربية في الحالة دي وحولوني بالمهندس المختص دلوقتي حالا اللي قاللي تعالي في اي وقت وهانحلها لك
4- بالفعل رحت لهم تاني يوم الصبح وسبت لهم العربية وقلتلهم اني عايز استلمها في اسرع وقت، وده طبعا بعد شوية كلام تحت الحزام عشان النرفزة اللي انا كنت فيها...
5- تم توصيلي بالعربية الخاصة بالتوكيل الي مكان عملي ووعدي بان يتم تسليم العربية في اسرع وقت معتذرين عن الخطا الذي حدث..
6- تم الاتصال بي بعد 24 ساعة ليتم تبليغي بانهم قد انتهوا من حل المشكلة اخيرااااااااااااا
7- اتضح اخيرا ان المشكلة كانت في الفيشة الخاصة بحساس الحرارة وبالتالي كانت تعطي مؤشرات خاصة للمياه والعربية ككل...
8- تم الاتصال بعد حل المشكلة بـ7 ايام للاطمئنان من ان العربية مازالت تعمل بشكل جيد بعد الاصلاح...

شكرا لمساعدة الجميع هنا وخاصة بشوي الذي قام "بتفنيد" المشكلة اكثر من مرة محاولة للمساعدة...
شكرا توكيل رينو مرة اخري...

العفو انا معملتش حاجة احنا كلنا هنا بنساعد بعض

والف مبروك على حل المشكلة وتفضل راضى عن العربية والتوكيل على طول

الف مبروووك

المشاركة الأصلية كتبت بواسطة mindvision

.............7- اتضح اخيرا ان المشكلة كانت في الفيشة الخاصة بحساس الحرارة وبالتالي كانت تعطي مؤشرات خاصة للمياه والعربية ككل...
..

الف مبرووك يا باشمهندس ... وشكرا لك على نقل تجربتك ......

سؤالى لك ...

هل حساس الحرارة دة .... بيدي لك اشارة 4 شرط على كمبيوتر الرحلات ....

فيبان ان الوضع سليم ...

ولا ...

درجة الحرارة اساسا للماتور سليمة ... وهو اللى بيدي اشارة غلط لكمبيوتر الرحلت .....؟