حد يعرف حاجة عن موتور لانشيا 1300

**memononos** · 28-05-2010 02:19 AM

المشاركة الأصلية كتبت بواسطة kaza

استبعادي لموتور اللانشيا الانجكشن بسبب انة رشاش واحد وليس متعدد ومالوش لازمة غير نعومة الدوران غير انة مش اقتصادي لانك هتشتري الموتور والضفيرة والكنترول ..غير الطلمبة الكهربا اللي في التانك..تعديلات كتير هتكلف كتير ومشاكل تشغيلها اكبر..دى كل الحكاية لكن لو انت فاهم بتعمل اية وعندك فكرة عن دورة حقن الوقود وغاوي تعب قلب اتوكل علي الله.. وبالنسبة للجزء الخاص بجودة مواتير التمبرا عن الريجاتا فالاجابة نعم افضل لان التمبرا 1600 وطول الشوط اطول من الريجاتا وبالتالي بيدي عزم اعلي والعزم هو اللي بيخلي العربية تسحب وليس القدرة الحصانية وبالتاكيد كل ماكان العزم علي دورات اقل للمحرك كل ما السحب زاد ولكدة انا بافضل التمبرا ..غير ان محرك التمبرا مكوناتة اخف من الريجاتا (الكرنك في الريجاتا 1500 وزنة 15.4كجم والتمبرا14.7-البيلات في الريجاتا 890جموالتمبرا820)انت شايف ان الفرق بالجرمات بس بيفرق في كم الطاقة المهدرة في تحريك الاوزان الزائدة دي وبالتالي بيبقي افضل

انا فى غايه الشكر يا بشمهندس على الاجابه الدقيقه دى
كده اتضحت الصوره
و ان شاء الله هدور على الريجاتا 1500 او التمبرا 1600
وانا عملت التعديلات الى فى الحوض من فوق دى صوره من عربيتى ولسه
هشوف موضوع الشدادات الى تحت ده لانى مش عارف فكرتها اوى ...

وجزاك الله كل خير

**mahmoodallam** · 28-05-2010 02:42 AM

انا عندي اقتراح :
يعينو الاستاذ kaza في منصب أستاذ ورئيس قسم الفيات ، جامعة نايل موتورز
شكرا أ. kaza

**kaza** · 29-05-2010 10:20 PM

المشاركة الأصلية كتبت بواسطة mahmoodallam

انا عندي اقتراح :
يعينو الاستاذ kaza في منصب أستاذ ورئيس قسم الفيات ، جامعة نايل موتورز
شكرا أ. Kaza

اشكرك علي ذوقك واخجلتم تواضعنا وانا تحت امر اي حد عايز معلومة والواحد مايبخلش بمعلومة تفيد الناس وبالاخص رجاله نايل موتورز

**hanyelrakhawy** · 29-05-2010 10:47 PM

باشمهندس Kaza
على الرغم من إنى مش مستفيد من الموضوع
بس كان لازم أسجل إحترامى و تقديرى لشخصك

**mohamed_e36** · 29-05-2010 10:48 PM

معلش يا استاذ kaza بس كنت عايز استفسر منك على موتور اللانشيا ال2000 تربو عشان عايز اسقطو عندي في ال132 اعرف واحد مسقطه عندو تمام بس كنت عايز رأي حضرتك ولو في مواتير تانيه احسن تتسقط عندي ياريت حضرتك تقولي غليها بس اهم حاجه تكون انجكشن وشكرا لحضرتك

**misoalex** · 30-05-2010 12:26 AM

المشاركة الأصلية كتبت بواسطة kaza

انا عندي مشكلة في تحميل الصور والرسومات لاني مش محترف كمبيوتر لكن حاحاول اوضح
بتعمل رباط بكمرة حديد مربع اومستدير 2مم بين مكان ربط المقص الامامي اليمين والشمال وبيعدي من فوق ماسوره الشكمان
وبعدين بتعمل ربط تاني بكمرة اخري بين مكان تثبيت المقص وكمرة الساشية المارة تحت الردرياتير للخهتين اليمين والشمال وافضل مكان للتثبيت مسامير كاوتش الميزان الامامي (مهم مايكونش فيهم بارومة)
وباستخدام نفس مواصفات الكمر السابق ذكرة بتعمل ربط بين البطاحة اليمين والشمال من فوق وماتنساش تعيد علي لحام شداد الموتور في القاعدة بتاعتة في صدر العربية وتتاكد من خلو المكان دة من البارومة_
الحاجات دي مهمة جدا للحفاظ علي تماسك العلب الامامية نظرا لضعفها الشهير في 28

الف شكر بجد استفدت كتير من معلومع الشداد الى تحت الموتور ده انا مكنتش لاقى حد فاهم فيه اوى
يبقى سؤال واحد ممكن اسأله
اثبت الحديد الى انا عملته ده بلحام فى الشاسيه ولا يتخرم المواسير وتتربط مع مسمار المقص ومن الامام فى مسامير كاوتشه الميزان الى بتحكمها حتتين على شكل قوس حديد
امسكهم فى القوسين الحديد ده ازاى بالحام ولا اكتفى اخرم فى المواسير واثبتهم فى مسمار واحد من مسمارين كاوتشه الميزان

**kaza** · 31-05-2010 12:55 AM

المشاركة الأصلية كتبت بواسطة smaalos

معلش يا استاذ kaza بس كنت عايز استفسر منك على موتور اللانشيا ال2000 تربو عشان عايز اسقطو عندي في ال132 اعرف واحد مسقطه عندو تمام بس كنت عايز رأي حضرتك ولو في مواتير تانيه احسن تتسقط عندي ياريت حضرتك تقولي غليها بس اهم حاجه تكون انجكشن وشكرا لحضرتك

كلام زي الفل ..بس انت متاكد انة موتور لانشيا تربو ..علشام تتاكد الموتور لية شوية حاجات تعرفة عن طريقها
اولا تاكد من وجود عدد 2عامود اتزان علي اجناب البلوك ودول بيشتغلوا بسير مسنن دبل فيس
التربو لية صمام تصريف للضغط الزائد ..تاكد من وجودة
مبرد لدورة التزييت لازم يجي مع الموتور
داخل البلوك ولما تفك الكرتير هتلاقي 4رشاشات زيت من عند الكراسي الرئيسية للموتور والغرض منهم رش الزيت في الشمبر وتحت المكبس للتبريد
دي اول حاجات لازم تاخد بالك منها بعد كدة بتاخد علبة الكونترول وتتاكد من حالة التربو بعد الادارة وانة ما بيضخش زيت لانة هيكلفك كتير
طبعا الموتور يركب بس هتتاج تحدد اماكن القواعد بدقة ومكان فلتر الزيت هيعمل معاك مشاكل والاسبراتير لانة هيبقي في اخر الموتور غير وصلات التبريد هتبقي ورا لان الوش بيبقي مقلوب عن الوش اللي راكب عندك في 32
بالعربي هتدخل في مشاكل كتير غير طبعا الفنان اللي هيشغل الكونترول..لو عايز وارادتك قوية يلا اتكل علي الله ..لكن لو بتزهق بسرعة فمانصحكش
وفية خيار تاني بس نادر شوية وممكن تلاقيه عند حد من التجار بالصدفة وهو موتور الانشيا البيتا ذو الضاغط الحجمي ودة مش هيحتاج تعديل كتير لان وضعية تركيبة عمودية زي 32 وبيشتغل بكربراتير ويبر وعزم الدوران علي وموجود علي طول من غير ردة الفعل المتاخرة للتربو وبيبدا من 1000 لفة معك لغاية 6500 تصاعدي (التربو بتحس بيه من اول 2300 لفة) و الموتور دة بيجي بالفتيس وبنسب تخفيض اعل من الفتيس اللي عندك وبالتالي سرعة قصوي اعلي وتسارع افضل والاهم استهلاك الوقود اقل ودي مهمة قوي
الضاغط اسمة فوليومكس ودة معروف للي شغال في الانشيا من فترة ومش هاقولك بيتخطف برة وباسعار عالية جدا عن عندنا وربنا يهدي التجار ويزود جهلهم كمان وكمان لان دي فرصتنا
عموما المحركات دي قوية وممتازة وكاعتمادية ضد الرصاص لانها من تصميم المهندس العبقري ميناردي ودة زية زي كوزرورث الانجليزي
فية حاجات تانية وبردة هتلاقيها لقط عند بتوع الاستعمال زي موتور 131 الابارث 2000 دة محرك جبار برضة و16 صباب وبحقن وقود ميكانيكي وكان بينزل علي 131 الرالي ومالوش كارتير زيت لان الدورة بتاعتة جبرية وليها خزان زيت مستقل في الشنطة ورا
وفية برضة موتور الريتمو130 الابارث ذو ال2كربراتير ويبر ودة برضة من الجبابرة بس استهلاكة للبنزين علي شوية
الخيارات كتير زي ما قلتلك ..وشوف انت عايز اية

**kaza** · 31-05-2010 01:01 AM

المشاركة الأصلية كتبت بواسطة misoalex

الف شكر بجد استفدت كتير من معلومع الشداد الى تحت الموتور ده انا مكنتش لاقى حد فاهم فيه اوى
يبقى سؤال واحد ممكن اسأله
اثبت الحديد الى انا عملته ده بلحام فى الشاسيه ولا يتخرم المواسير وتتربط مع مسمار المقص ومن الامام فى مسامير كاوتشه الميزان الى بتحكمها حتتين على شكل قوس حديد
امسكهم فى القوسين الحديد ده ازاى بالحام ولا اكتفى اخرم فى المواسير واثبتهم فى مسمار واحد من مسمارين كاوتشه الميزان

لالالالا ..لحامات لا خالص الا لو لحام بالارجون في جو معزول عن الهواء علشان الاكسدة وضعف اللحام ..دة غير مشاكل الصيانة ..بيتعملوا عادى جدا فوق مسامير الرباط وبتغير مقاس مسامير المقصات بدل ال13 بيبقسي 17 زي الريجاتا وللربط عند الميزان بتكسح الماسورة او الكمرة علشان تركب فوق مسامير ربط كاوتش الميزان..الشيء الوحيد اللي بتعيد علية في اللحام هو مكان تثبيت شداد الموتور ودة علشان عزم القصور الذاتي للمواتير دي اكبر من ال1100 وبالتالي بيفسخ اللحام دة

**mohamed_e36** · 31-05-2010 01:13 AM

المشاركة الأصلية كتبت بواسطة kaza

كلام زي الفل ..بس انت متاكد انة موتور لانشيا تربو ..علشام تتاكد الموتور لية شوية حاجات تعرفة عن طريقها
اولا تاكد من وجود عدد 2عامود اتزان علي اجناب البلوك ودول بيشتغلوا بسير مسنن دبل فيس
التربو لية صمام تصريف للضغط الزائد ..تاكد من وجودة
مبرد لدورة التزييت لازم يجي مع الموتور
داخل البلوك ولما تفك الكرتير هتلاقي 4رشاشات زيت من عند الكراسي الرئيسية للموتور والغرض منهم رش الزيت في الشمبر وتحت المكبس للتبريد
دي اول حاجات لازم تاخد بالك منها بعد كدة بتاخد علبة الكونترول وتتاكد من حالة التربو بعد الادارة وانة ما بيضخش زيت لانة هيكلفك كتير
طبعا الموتور يركب بس هتتاج تحدد اماكن القواعد بدقة ومكان فلتر الزيت هيعمل معاك مشاكل والاسبراتير لانة هيبقي في اخر الموتور غير وصلات التبريد هتبقي ورا لان الوش بيبقي مقلوب عن الوش اللي راكب عندك في 32
بالعربي هتدخل في مشاكل كتير غير طبعا الفنان اللي هيشغل الكونترول..لو عايز وارادتك قوية يلا اتكل علي الله ..لكن لو بتزهق بسرعة فمانصحكش
وفية خيار تاني بس نادر شوية وممكن تلاقيه عند حد من التجار بالصدفة وهو موتور الانشيا البيتا ذو الضاغط الحجمي ودة مش هيحتاج تعديل كتير لان وضعية تركيبة عمودية زي 32 وبيشتغل بكربراتير ويبر وعزم الدوران علي وموجود علي طول من غير ردة الفعل المتاخرة للتربو وبيبدا من 1000 لفة معك لغاية 6500 تصاعدي (التربو بتحس بيه من اول 2300 لفة) و الموتور دة بيجي بالفتيس وبنسب تخفيض اعل من الفتيس اللي عندك وبالتالي سرعة قصوي اعلي وتسارع افضل والاهم استهلاك الوقود اقل ودي مهمة قوي
الضاغط اسمة فوليومكس ودة معروف للي شغال في الانشيا من فترة ومش هاقولك بيتخطف برة وباسعار عالية جدا عن عندنا وربنا يهدي التجار ويزود جهلهم كمان وكمان لان دي فرصتنا
عموما المحركات دي قوية وممتازة وكاعتمادية ضد الرصاص لانها من تصميم المهندس العبقري ميناردي ودة زية زي كوزرورث الانجليزي
فية حاجات تانية وبردة هتلاقيها لقط عند بتوع الاستعمال زي موتور 131 الابارث 2000 دة محرك جبار برضة و16 صباب وبحقن وقود ميكانيكي وكان بينزل علي 131 الرالي ومالوش كارتير زيت لان الدورة بتاعتة جبرية وليها خزان زيت مستقل في الشنطة ورا
وفية برضة موتور الريتمو130 الابارث ذو ال2كربراتير ويبر ودة برضة من الجبابرة بس استهلاكة للبنزين علي شوية
الخيارات كتير زي ما قلتلك ..وشوف انت عايز اية

شكرا يا ا بشهندس kaza على رد حضرتك والله الواحد حاسس انه بيتكلم مع دكتور في العربيات ...ربنا يزيدك من علمه ,,, بس كنت عايز رأي حضرتك انته لو مكاني هتعمل ايه انا عايز اسقط موتور قوي و في نفس الوقت يكون استهلاكه حلو في البنزين عشان كده عايزه يكون انجيكشن
معلش سؤال كمان هل المواتير دي لو سقطها وحصلت فيها حاجه هل ممكن تتصلح ولا ملهاش قطع غيار
وهل موتور الابارث افضلهم لعربيتي ولا انهي احسن

**misoalex** · 31-05-2010 04:03 AM

المشاركة الأصلية كتبت بواسطة kaza

لالالالا ..لحامات لا خالص الا لو لحام بالارجون في جو معزول عن الهواء علشان الاكسدة وضعف اللحام ..دة غير مشاكل الصيانة ..بيتعملوا عادى جدا فوق مسامير الرباط وبتغير مقاس مسامير المقصات بدل ال13 بيبقسي 17 زي الريجاتا وللربط عند الميزان بتكسح الماسورة او الكمرة علشان تركب فوق مسامير ربط كاوتش الميزان..الشيء الوحيد اللي بتعيد علية في اللحام هو مكان تثبيت شداد الموتور ودة علشان عزم القصور الذاتي للمواتير دي اكبر من ال1100 وبالتالي بيفسخ اللحام دة

طب وبعد متتكسح تتربط فى مسمار واحد ولا مسمارين التثبيت بتوع كاوتشه الميزان
لان هى متثبته كل كاوتشه بمسمارين
هل ينفع على مسمار واحد وشكرا جداااااااااااا جدااااااااا