حد يعرف حاجة عن موتور لانشيا 1300

**kaza** · 31-05-2010 04:02 PM

المشاركة الأصلية كتبت بواسطة misoalex

طب وبعد متتكسح تتربط فى مسمار واحد ولا مسمارين التثبيت بتوع كاوتشه الميزان

لان هى متثبته كل كاوتشه بمسمارين

هل ينفع على مسمار واحد وشكرا جداااااااااااا جدااااااااا

المسمارين افضل طبعا من حيث توزيع الاجهاد ..يلا اتكل علي الكريم وربنا معاك

**kaza** · 31-05-2010 04:13 PM

المشاركة الأصلية كتبت بواسطة smaalos

شكرا يا ا بشهندس kaza على رد حضرتك والله الواحد حاسس انه بيتكلم مع دكتور في العربيات ...ربنا يزيدك من علمه ,,, بس كنت عايز رأي حضرتك انته لو مكاني هتعمل ايه انا عايز اسقط موتور قوي و في نفس الوقت يكون استهلاكه حلو في البنزين عشان كده عايزه يكون انجيكشن
معلش سؤال كمان هل المواتير دي لو سقطها وحصلت فيها حاجه هل ممكن تتصلح ولا ملهاش قطع غيار
وهل موتور الابارث افضلهم لعربيتي ولا انهي احسن

مش معني انك تركب انجكشن يبقي هتوفر في البنزين ..لكن طبعا افضل من حيث نعومة الدوران سواء في الحر اوالبرد ومابيختلفش الاداء باختلاف درجة الحرارة بس نظرا لندرة القطع البديلة (لدورة الحقن زي حساسات الكرنك وبوبينة الاشعال وحساس درجة حرارة الهواء وحساس الاكسجين واخيرا طلمبة البنزين)وغلو اسعارها للفيات الموضوع هيتعبك شوية الا لو غاوي بقي
لذلك انا اقترح عليك موتور الريجاتا او التمبرا العادى ذو الاسبراتير والاشعال الاليكتروني ودول حاجتهم مرطرطة وكتير واي حد بيفهم فيهم من الاخر مش هيتعبوك غير انهم هيدوا للعربية نفس رياضي اكيد هيرضيك امام اي عربية تانية واخيرا التطوير والتعديل في العربيات بلا نهاية بس علي راي المثل اطبخي ياجارية ..كلف ياسيدي ولك تحياتي

**kaza** · 31-05-2010 04:36 PM

[QUOTE=kaza;3872715469]
uote=smaalos;3872713547] انا اسف رديت عليك غلط والرد السابق علي اساس انك معاك 28
مش معني انك تركب انجكشن يبقي هتوفر في البنزين ..لكن طبعا افضل من حيث نعومة الدوران سواء في الحر اوالبرد ومابيختلفش الاداء باختلاف درجة الحرارة بس نظرا لندرة القطع البديلة (لدورة الحقن زي حساسات الكرنك وبوبينة الاشعال وحساس درجة حرارة الهواء وحساس الاكسجين واخيرا طلمبة البنزين)وغلو اسعارها للفيات الموضوع هيتعبك شوية الا لو غاوي
32 الخيارات لها كتير والمواتير الابارث نادرة شوية وانت لو عايز تعدل بجد ممكن نفس الماكينة بتاعتك تطلع منها 200 حصان وبسحب عادي دون تربو وتعقيداتة والموضوع كلة بيتم بتوسيع مجاري الهواء في وش السلندر (بورتينج) وشوية تعديل في الصبابات من حيث زاوية سطح القفل للصباب وتقصير الدلايل واستبدلهم بدلايل برونز وممكن تكبير الصبابات للحر (شغل خراطة) وبتقلل وزن الكرنك عن طريق تنحيف اوزان الاتزان وطبعا اعادة وزن الكرنك بعد التنحيف والبيلات بتنحف شوية لغاية ما يبقي وزنها 750جم ويتعملها كونتول وظبط في حدود ال2جم والمكابس بتتغير بمكابس فيولا علشان تدي نسبة انضغاط اعلي والحدافة بنقلل المقطع العرضي لها وبتكون 1.5 سم والشكمان بنلغي الفرن الزهر وبنستبدلة بمواسير استانلسستيل بمقطع 2.5 بوصة وبتتعمل هيدرز جديدة 4-2-1 باطوال 40 و60 ومجمع بعرض 3 بوصة علشان تقلل الباك بريشر والكربراتير بكربراتير ويبر 45 او40 شوية ال حاجات دى بالاضافة لشوية فنيات (سر الصنعة) بيدوك الحدود اللي قلت عليها ومش هتكلف كتير والفرق بيبقي مذهل
لكن لو انت عايز حاجة جاهزة يبقي عليك وعلي اي حاجة من الخيارات السابق ذكرها والتعديل مالوش نهاية ابدا وزى المثل ما بيقول ياجارية اطبخي ..كلف ياسيدى

**mohamed_e36** · 31-05-2010 05:05 PM

استاذ كذا ممكن حضرتك تكتب رقم تليفونك او اي حاجه اقدر بيها اتواصل مع حضرتك لاني عايز اسأل حضرتك على حاجات كتير لان شكل حضرتك راجل فاهم انته بتعمل ايه

**diko2006** · 31-05-2010 07:05 PM

خد بالك انت مش هتجيب موتور وجير 2500 بس
انت لسه هتعدل العفشة ولسه عتعدل الفرامل كل ده بيصرف
والصنيعية الحرامية هشفطوا الكام قرش الي معاك هوا

**mohamed_e36** · 31-05-2010 07:48 PM

والله الواحد اول حاجه بيتوكل على الله وبيسأل وبيعرف كل حاجه عن اي حاجه هيعملها
وفعلا كلام حضرتك صح يا استاذ misoalex بس الواحد بيقول يا رب يوقع في واحد ابن حلال ويعمل الشغل بما يرضي الله

**MohaMed_Refaat** · 31-05-2010 09:01 PM

المشاركة الأصلية كتبت بواسطة kaza

132 الخيارات لها كتير والمواتير الابارث نادرة شوية

طيب اية اقوى وافضل الخيارات للمكن الدفع الخلفى على الفيات 132 ويبقى متاح وقطع غيارة متوفرة ..؟؟؟؟

**kaza** · 03-06-2010 04:03 AM

المشاركة الأصلية كتبت بواسطة smaalos

استاذ كذا ممكن حضرتك تكتب رقم تليفونك او اي حاجه اقدر بيها اتواصل مع حضرتك لاني عايز اسأل حضرتك على حاجات كتير لان شكل حضرتك راجل فاهم انته بتعمل ايه

مش عارف بقي قوانين المنتدي هيقولو اية لكن تليفوني 0128228485 وانا تحت امر الجميع وياريت رجال المنتدي يعذرو جهل الواحد في الكومبيوتر

**kaza** · 03-06-2010 04:11 AM

المشاركة الأصلية كتبت بواسطة mohamed_refaat

طيب اية اقوى وافضل الخيارات للمكن الدفع الخلفى على الفيات 132 ويبقى متاح وقطع غيارة متوفرة ..؟؟؟؟

اقوي وافضل الخيارات المتاحة امامك هيبقي وش سلندر ريتمو ابارث 130 توين كام ودة عزم دورانة كبير جدا لانة ب2 كربراتير ويبر45 والعزم زي القوه برضة 130 بس رطا \القدم وعند دورات منخفضة جدا 2300 بس فجبار علشان كدة ومش هتحتاج تعديل كتير لان كل حاجة مناسبة لمكانها عندك ..ممكن خيار تاني وانت تبقي من المظوظين لو لقيتة وهو وش السلندر الخاص بالانشيا البيت ( الفوليومكس) ودة برضة بيشتغل كربراتير ومش هيحتاج تعديل كتير ..الخيار الاخير الابقاء علي الموتور بتاعك وفكة وتعديلة زي ما سبق ووضحت ودة عايز شوية صبر وتحليل نتائج كتير ..عموما شوف امكانياتك وحدودك وبعدين قرر انت عايز اية وبدون ارهاق ليك