الموضوع: د / أحمد السعيد ... استشارى دولى فى الرضاعة الطبيعية

المشاركة الأصلية كتبت بواسطة احمد المصرى

الف مليون شكر يا دكتور بس هو بياخد كالسيوم 5 سنتى والدواء اسمه بيديكال بس ومش بياخد فيتامين د وهو طلع سنتين فوق وسنتين تحت فقط لا غير وهو بيمشى حاليا بس لسه التوازن مش 100 /100 انت ايه رايك يا دكتور

كده طبعا متأخر جدا و البيديكال فيه كالسيوم و فيتامين د بنسبة تكفى جدا لتسنين بطه فقط من بتوع توفيق عكاشة و اسم الادوية الكويسه ذكرتها فى المشاركة السابقة و حضرتك بتواظب على اعطاءها لمدة شهر و نصف و لو مفيش اسنان تانيه طلعت ابقى قول لى فيه حلول تانيه

المشاركة الأصلية كتبت بواسطة احمد المصرى

نسيت اقول لحضرتك ان ابنى عنده تطعيم المفروض خلال ايام بس وانا بقرا فى البطاقه الصحيه لقيت ان تطعيم سنه عباره عن

حصبه + حصبه المانى + نكاف + mmr + ثلاثى فيروسى


معلش هو ايه mmr وهل يوجد منه مشاكل على الاطفال لانى تقريبا قريت عنه فى المنتدى انه خطر بس مش متاكد هل هو التطعيم دا ولا حاجه تانيه وهل التطعيمات دى بتسخن الطفل بعد التطعيم

ال mmr هو ( حصبه + حصبه المانى + نكاف ) و هو ما يعرف بالثلاثى

و كلنا و كل اطفالنا بنطعمهم بهذا التطعيم و لا شىء فيه

و احتمال حدوث سخونيه بعد اى تطعيم امر وارد

جزاكم الله خيرا

و الله يا دكتور موضوع فى الجون, ربنا يباركلك و يزيدك علم و حلم على اسألتى
ابنى عنده 3شهور و نص و بيرضع صناعى bebelac1

- الدكتور كاتبله على عصير برتقال و تفاح بيوريه , ايه رأى حضرتك؟
اصلا هو كاتبلى على مايه و اعشاب انا بديله بيبي درينك عشان الغازات و المغص
- حضرتك اتكلمت على الغازات فى الرضاعه الطبيعيه و قلت الوضع الخاطئ و ابناء الزجاجات ايه موقفهم؟ ازاى نقلل الغازات اللى عنهم؟ انا بحط سيميثكون على بيبى درينك انما نتبجه حلوه. و اصلا انا داخله على سن 3 شهور و عنى امال ان الموضوع ده يقل.
- "انتى عودتيه على الشيل" الكلمه دى على طول بتتقالى و انا مظلومه و هو السوفتوير بتاعه كده
هو فعلا طالما صحى لازم يكون متشال و الا ينكد عليا. اتصرف ازاى؟

ده حتى و هو نايم يصحى عايز يتشال لحد ما ينام تانى
- لازم تنظميله الرضاعه. انا معرفش انظم رضاعه طالما جعان و بيعيط ماينفعش ما اكلوش. كل الناس تقولى عوديه على اوقات معين و اشغليه عن الاكل انا معرفتش اعمل كده. انما ابتدى ينتظم لوحده.
- لما كان بينام على سريره كنت اسمع كل الاصوات اللى ممكن تتخيلها و هو نايم انا لما نيمته جنبى نومه بقى اريح كتير. امتى ابتدى ارجه سريره تانى؟
- اوقات كتير بينام و هو بيرضه و بيفضل متمسك بالرضاعه. اسيبه يكمل و لا اشيلها بمجرد ما نام
- بيتخض عمال على بطال
- مناخيره مسدوده على طول و كل ما بشوفه بحطله لايس و مفيش فايده. هو الحمد لله بيعرف يرضع
- بيقولولى احركله ايدى يمين و شمال و ورا و ادام عشان اوسع مجال ابصاره. ايه تانى ممكن يفيده؟
- ساعات بحس انه جعان قوى ز هو نايم هل اصحيه يرضع و ينام تانى مرتاح؟
- هو بيرضع اوقات بيتلوى جدا يمكن غازات. هل اوقف الرضاعه ساعتها؟

مش عارفه اعد دول كام سؤال الصراحه. انا فى اسئله تانيه فى بالى

المشاركة الأصلية كتبت بواسطة rosebox

و الله يا دكتور موضوع فى الجون, ربنا يباركلك و يزيدك علم و حلم على اسألتى
ابنى عنده 3شهور و نص و بيرضع صناعى bebelac1



هو مرضعش طبيعى خالص !!!. لو معندكيش مانع ممكن يرجع يرضع طبيعى حتى لو بقاله 3 اشهر و حتى لو اللبن نشف . الموضوع مش صعب بس بياخد حوالى 10 ايام و محتاج صبر شويه . و حالات كتير اللبن بيرجع عادى بس المهم انك تستحملى شويه بكاؤه علشان عايز البزازه . طبعا دا لو حضرتك مقدرة قيمة الرضاعة الطبيعية و ظروفك تسمح !!

- الدكتور كاتبله على عصير برتقال و تفاح بيوريه , ايه رأى حضرتك؟



الافضل عدم أعطاء أكل و شرب قبل اتمام 6 اشهر



اصلا هو كاتبلى على مايه و اعشاب انا بديله بيبي درينك عشان الغازات و المغص



الافضل اعطاء الادوية فقط زى بيبى رست للانتفاخ و بيدى ووتر للمغص
-


حضرتك اتكلمت على الغازات فى الرضاعه الطبيعيه و قلت الوضع الخاطئ و ابناء الزجاجات ايه موقفهم؟ ازاى نقلل الغازات اللى عنهم؟ انا بحط سيميثكون على بيبى درينك انما نتبجه حلوه. و اصلا انا داخله على سن 3 شهور و عنى امال ان الموضوع ده يقل.





المشكلة فى الصناعى انه بيتخمر و بينتج غازات داخليه و أحيانا فيه نوع لبن مش بيريح الطفل فى الهضم بس انا صعب اقول لحضرتك نوع ايه كويس لانى مش بستخدم الصناعى خالص و الانتفاخ بيقل مع بداية حركة الطفل و الزحف عموما يعنى من 6 اشهر و طالع



- "انتى عودتيه على الشيل" الكلمه دى على طول بتتقالى و انا مظلومه و هو السوفتوير بتاعه كده
هو فعلا طالما صحى لازم يكون متشال و الا ينكد عليا. اتصرف ازاى؟

ده حتى و هو نايم يصحى عايز يتشال لحد ما ينام تانى




غيريله السوفت وير ..... هو معذور طبعا علشان الانتفاخ بس حاولى تعوديه على عدم الشيل




- لازم تنظميله الرضاعه. انا معرفش انظم رضاعه طالما جعان و بيعيط ماينفعش ما اكلوش. كل الناس تقولى عوديه على اوقات معين و اشغليه عن الاكل انا معرفتش اعمل كده. انما ابتدى ينتظم لوحده.



مدة هضم الرضعة الصناعى من 1.5 الى ساعتين ....... فلو راضع رضعة كامله حوالى 120 مللى المفروض متفكريش ترضعيه تانى قبل ساعة ونصف على الاقل




- لما كان بينام على سريره كنت اسمع كل الاصوات اللى ممكن تتخيلها و هو نايم انا لما نيمته جنبى نومه بقى اريح كتير. امتى ابتدى ارجه سريره تانى؟
- اوقات كتير بينام و هو بيرضه و بيفضل متمسك بالرضاعه. اسيبه يكمل و لا اشيلها بمجرد ما نام


اللبن الصناعى خطر على اذن الطفل لو بيرضع و هو نايم



- بيتخض عمال على بطال


طبيعى



- مناخيره مسدوده على طول و كل ما بشوفه بحطله لايس و مفيش فايده. هو الحمد لله بيعرف يرضع



لو الموضوع مش بيتحسن المفروض ياخد علاج للبرد




- بيقولولى احركله ايدى يمين و شمال و ورا و ادام عشان اوسع مجال ابصاره. ايه تانى ممكن يفيده؟


لاعبيه بس علشان يسكت ربنا يهديه


- ساعات بحس انه جعان قوى ز هو نايم هل اصحيه يرضع و ينام تانى مرتاح؟


لو نايم متصحيهوش و سيبيه لما الجوع يقرصه هيصحى



- هو بيرضع اوقات بيتلوى جدا يمكن غازات. هل اوقف الرضاعه ساعتها؟


لو فيه مغص المفروض وقفى الرضاعة لغاية اما المغصه تنتهى

مش عارفه اعد دول كام سؤال الصراحه. انا فى اسئله تانيه فى بالى

و اى استفسار تانى ...

المشاركة الأصلية كتبت بواسطة د.أحمد السعيد

و اى استفسار تانى ...

يا خبر ابيض بجد حضرتك و انا استفدت جدا جدا من ردود حضرتك ربنا يباركلك