د / أحمد السعيد ... استشارى دولى فى الرضاعة الطبيعية

**د.أحمد السعيد** · 20-03-2011 10:50 PM

المشاركة الأصلية كتبت بواسطة نور القمر

هي طبيعتها كانت يومية منتظمة بدون اي مشاكل لدرجة انه في نفس التوقيت تقريبا
دلوقت بتأخر ب 3 او 4 ايام بالام فظيعة ومتحجر وفي الاخر بعد العذاب ده بتعمل قليل جدا اد عقلة الاصبع او عقلتين في احسن الاحوال بس بدون دم الحمد لله
مع ملاحظة انها بتحاول يوميا
اعتقد عندها انتفاخ لما بخبط على بطنها بتطبل
دلوقت اكمل الجاست ريج ولا اديها سايمثيكون ولمدة كام يوم

الطبيعة بتتغير عند ادخال الاكل ( عند اول اكل مع الرضاعة )

لو بتديها اى منتجات للالبان وقفيها لحد ما تتم سنه

و طالما بطنها بتطبل يبقى فيه انتفاخين مش انتفاخ واحد

كملى جاستريج ل 7 ايام و ادى السيمثيكون لغاية اما الطبلة تبطل ( لما بطنها تفضى من الهواء ) و على الاقل 5 ايام لما البراز الناشف يخرج و الهواء يخرج وراه

و ي ريت كل يوم كوسه و برتقال ( عصير بالالياف ... يعنى فى الخلاط)

**tiger45** · 20-03-2011 11:01 PM

تسلم ايدك يا دكتور

**ابو فرح** · 28-03-2011 05:26 AM

عندى ابنى بقاله يومين بيسخن بدون سبب ولا يوجد احتقان او التهاب ولسه كنت عند الدكتور بتاعه وقالى انه كويس ودلوقتى درجه حرارته 38.5 علما ان كان عنده دور ارتكاريا والحمد الله شفى منه بس مش عارف السخونيه دى سببها ايه
انا مش عارف اعمله ايه بصراحه بقيت اضايق من كتر العلاج اللى بياخده مبيلحقش يريح
الحمد الله على كل شىء

**احمد المصرى** · 28-03-2011 12:34 PM

دكتور احمد جزاك الله كل خير وجعل الموضوع دا فى ميزان حسناتك ان شاء الله

انا ابنى عنده حاليا 3 شهور بس بلاحظ انه بيركز مع التلفزيون وهو شغال مش عارف دا صح ولا غلط وهل يوجد ليه اثار سلبيه

**ahmed_oth** · 28-03-2011 01:04 PM

صباح الخير يا د-احمد
على فكره انا زبون دائم عند حضرتك من ساعه ما ربنا رزقنى جنات وعمرها بفضل الله وحضرتك سنه ونص
انا عايز اطعمها بالجديرى المائى عايز اعرف تمنه وكام جرعه؟
ابن اخو المدام اصيب بالجديرى وامتنع عن رؤيه بنتى جنات الا فى اخر يومين من كورس علاجه اللى استمر 10 ايام فهل ممكن تكون نقلها العدوى ؟
وزنها دلوقتى عشره كيلو عمرها سنه وخمسه اشهر ونص فهل ده كويس؟
اخر حاجه يا د- أحمد حضرتك رجعت للعياده تانى انا عرفت ان حضرتك قفلت خلال ايام الثوره؟

**د.أحمد السعيد** · 28-03-2011 01:06 PM

المشاركة الأصلية كتبت بواسطة احمد المصرى

دكتور احمد جزاك الله كل خير وجعل الموضوع دا فى ميزان حسناتك ان شاء الله

انا ابنى عنده حاليا 3 شهور بس بلاحظ انه بيركز مع التلفزيون وهو شغال مش عارف دا صح ولا غلط وهل يوجد ليه اثار سلبيه

بارك الله فيك استاذ اخمد و فى ابنك
طبيعى الطفل يبدأ يركز فيما حوله من اول الشهر الثالث و لكن بالنسبة للتلفيزيون مش عارف صراحة فيه ضرر ام لا ممكن سؤال طبيب عيون

**ahmed_oth** · 28-03-2011 01:25 PM

صباح الخير يا د-احمد
على فكره انا زبون دائم عند حضرتك من ساعه ما ربنا رزقنى جنات وعمرها بفضل الله وحضرتك سنه ونص
انا عايز اطعمها بالجديرى المائى عايز اعرف تمنه وكام جرعه؟
ابن اخو المدام اصيب بالجديرى وامتنع عن رؤيه بنتى جنات الا فى اخر يومين من كورس علاجه اللى استمر 10 ايام فهل ممكن تكون نقلها العدوى ؟
وزنها دلوقتى عشره كيلو عمرها سنه وخمسه اشهر ونص فهل ده كويس؟
اخر حاجه يا د- أحمد حضرتك رجعت للعياده تانى انا عرفت ان حضرتك قفلت خلال ايام الثوره؟