انا هسالكم سؤال صعب اوى وياريت كل الى عنده ياريس يجاوب ؟

**asemx1** · 21-05-2010 01:01 PM

اولا انا فتحت علبه الفيوزات الى عند الماتور جنب البطاريه
ولقيت حاجه غريبه
لو جيتوا تشوفوا فيوز ال ABS هتلاقيه مكتوب كدا ABS1\VSC1
ومكان الفيوز التانى بتاع ABS مكتوب ABS2\VSC2
طيب كلنا عارفين ان العربيه فيها ABS و EBD ودى فى الفول اوبشن بس
طيب الخبره بقى يقولولى العربيه دى فيها VSC ؟ واختصارها VEICLE STABILITY CONTROL
يعنى ايه Veicle stability control ? يعنى حضرتك وانتا سايق كدا وفجاه حودت الدركسيون فجاه بسرعه المفروض لو انتا على سرعه عاليه العربيه تلف بيك 180 درجه او وانتا بتاخد ملف على سرعه العربيه ماتزحفش منك وتوسع فى لفتها يعنى تاخد الملفات على سرعه عاليه
طيب بيشتغل ازاى المفروض ماتحسش بيه اساسا بس تحس انك واثق انك تاخد الملفات بنفس حوده الدركسيون
هقولكم مثال حلو اوى افترض انك سايق فى تلج وحبيت تعمل كروس العربيه طبيعى هتلاقيها لفت منك 360 درحه دى بقى لا تخلى العربيه ماشيه فى خط مستقيم
النظام دا بقى بيمنع ان العربيه تلف بيك او تزحف منك وانتا على تلج وبتاخد ملف يعنى ثبات فى الكروسات وامان فى كسر الدركسيون بسرعه وانتا على سرعه ( بس النظام دا مش بيمنع انقلاب السياره لقدر الله )
والى مش فاهم يكتب فى اليو تيوب VSC
ارجو الاجابه يا جماعه

**mohamed Gamal** · 21-05-2010 05:31 PM

العربية في مصر مفيهاش Veicle stability control
بس لو نازلة في بلد تانية ونازل فيها Veicle stability control كان هيبقى فيوز واحد مع ال ABS
وكمان كان لازم يكون فيها زرار علشان تقدر تفصل Veicle stability control

**alisleman** · 21-05-2010 05:47 PM

انا معايا يارس فول اوبشن ومش فاهم حاجه خالص ولا عمرى فتحت الفيوزات خالص

**BLOODY_STONE** · 21-05-2010 07:51 PM

و انا كمان .... ههههههههههههههه

**asemx1** · 21-05-2010 08:14 PM

ممممممممممم بس الكلام دا اكيد وانتا شوفت بنفسك ياريس فيها vsc??

**mohamed Gamal** · 21-05-2010 08:23 PM

2009 Toyota Yaris YRX And YRS Get Vehicle Stability Control And Traction Control As Standard | The Motor Report: Auto News And Reviews
شوف بنفسك
هتلاقيهم كاتبين انه standard in all 1.5L models طبعا مش اللي بتنزل عندنا

**dode2002** · 22-05-2010 01:55 AM

انت بتقول ايه انا مش فاهم

**Samir Elshahawy** · 23-05-2010 10:30 AM

اللي انا اعرفه وواثق منه تمام الثقة ان لو سيادتك ماشي بالعربية علي سرعة أعلي من 120 كم/ساعة و أخدت ملف حاد شوية او فرملت فجأة و أنت في ملف العربية مش هاتحدف و لا تعوم طالما ان كل حاجة فيها تمام (ضغط أطارات مظبوط و متساوي - زوايا مظبوطة - .....)

**أبو عبدالله** · 23-05-2010 11:34 AM

أخي الكريم
العربية بتبقى نازله ستاندر فيها كل توصيلات الأوبشن بتاعت العربيه في العالم كله
ولكن الأوبشن نفسه بينزل حسب المواصفات اللي نازله بلدك
ولكن توصيلاته بتبقى موجوده ده سمه في تويوتا كده
يعني مثلا لو معندكشي فوانيس شبورة
هتلاقي وصلاتها خلف الأكصدام موجوده ومكان الفيوز بتاعتها موجود