الموضوع: خلاصة الكلام فى ظبط فيشة الاوكتان ( بالصور )

المشاركة الأصلية كتبت بواسطة samirayad

أنا جايب بنات عندى لسه النهارده من اللى بيستخدموها كنتايات لساعات الحراره المركبه على الردياتيرات

وناوى أوصل 3 حتت كابلات بيهم التلاته بحيث أوصل أطراف التلاته دكر بتوع الفيشه ببعض

زى جامبر ثلاثى كده

وأشوف أيه الجديد

أهم شىء يكون السحب كويس وخلاص

وأذا كان على فلتر البنزين والطلمبه

نديها كل فتره طويله

منظف رشاشات من اللى بيتحط فى تنك البنزين ( أبرو الأمريكانى )

ومش عارف ليه

أستخسروا يحطولنا جامبر زى بتاع الانوس

جاهز ونظيف وكنا حطينا نتايه فى الطرف التالت وخلاص

وبأه الجامبر الثلاثى نظيف وحاكم على الفيشه

يظهر الجنابر خلصت على حظنا

انا لما عملتها كده كنت بجرب ولما لقيتها ظبتت كبرت دماغي
و على فكره يا هندسه بقالي كتير محطتش منظف رشاشات ولا اي حاجة ولا غيرت فلاتر من يجي 8 الاف كيلو
و هوه هوه نفس سحب البنزين 90
بس فيه حاجة غريبة لاحظتها و نسيت اقولك عليها قبل كده
لما كنت بستخدم بنزين 90 او 92 او 80 من غير ما اوصل الجمبر نهائي كنت اجي اشغل التكيف احس ان العربيه اتكتفت
دلوقتي و لله الحمد بعد الجمبر السحري ده بحط 80 و بشغل التكيف و مابيأثرش على السحب اطلاقا
بس اهم حاجة بعملها اني بمون من بنزينه محترمه لا فيها غسيل و دايما التموين بيكون بليل بعد الساعه 12 و دايما ارضيه البنزينه ناشفه عشان اكون ضامن ان مافيش ميه اتسربت للخزانات

[QUOTE=MMamdouh;3872777357]عشان النوبيرا اصلا مش نازلة بفيشة اوكتين زى ما انا قولت

MMamdouh[/QUOTE

نظرية برده
بس تفسر بايه الفيشه دي اللى في الصورة
http://www.nilemotors.net/Nile/15199...post3872775286

المشاركة الأصلية كتبت بواسطة mmamdouh

دة السوكت فقط... الفيشة او الjumper نفسة مش موجود و راكب مكانة سدادة دليل على انه غير مستخدم

mmamdouh

لا يا هندسه هوه مكانش راكب في السوكت اي سدادة
هيا كانت فاضيه من غير جمبر و ده الوضع بتاع بنزين 92 زي مانت قولت

المشاركة الأصلية كتبت بواسطة mmamdouh

هل فيه حد من الزملاء اللى معاهم نوبيرا لقى الفيشة و راكب فيها الjumper؟؟

لو الاجابة لا يبقى كلامى صح... لو الاجابة نعم يبقى انا غلطان

mmamdouh

انا مع كلامك ان السوكيت مابيبقاش راكب فيه جمبر و تقريبا كل النوبيرا كده
بس اعتقد ان ده مش دليل على ان الفيشه مش مستخدمه
بس انا لما حطيت الجمبر في وضع بنزين 80 حسيت بفرق و التسقيفه اللى كانت بتجي لما ادوس بنزين مره واحده على التاني راحت خالص