الموضوع: خلاصة الكلام فى ظبط فيشة الاوكتان ( بالصور )

المشاركة الأصلية كتبت بواسطة عصام غنايم

بص يا محمد

ضروررررررررررررى جداٌٌٌٌٌٌٌٌٌٌٌٌٌٌٌٌٌٌٌ

جرب توصيلة ال 95

اللى هى توصل الطرف الاسود مع البنى فى ابيض

النتيجه خرافيه

من ناحية ( صوت الموتور , العزم , اقصى سرعه واهم حاجه بتوفر بنزين بطريقه ملحوظه اوى )

يعنى فرقت معايا فى الصفيحه 20 كيلو توفير

جرب للاهميه

ومستنى ردك

فى القريب العاجل

صباح الخير ياعصام باشا

انا امبارح جربت تعديل الفيشه زي ما حضرتك قولت وفعلا النتيجه كانت افضل بشكل ملحوظ عن ظبطه الـ 92

فعلا صوت الموتور هادي عن الاول وكمان السحب بقه احسن وتجميع السرعات كمان , لكن ناقص اختبار استهلاك البنزين لسا معملتهوش , بس انا متوقع انه هيكون افضل لاني لما كنت معدل الفيشه على 92 كان الاستهلاك اقل شويه عن قبل كده , وده معناه ان بإذن الله مع ظبطه 95 هيكون الإستهلاك افضل وافضل

متشكر ليك يا استاذي وبارك الله فيك وجزاك كل خير انت والاسره الكريمه

بس في سؤال صغير , انا من ساعه ما بدأت اعدل فيشه الاوكتين وانا بقيت بشم ريحه بنزين خفيفه مع بدايه الدواره , هل ده ليه علاقه بالفيشه ولا دي مجرد صدفه ؟؟

انا الموضوع مش مضايقني , بس حبيت اسألك

بعد اذن استاذ عصام

ظبطه الـ 92 = تشيل الفيشه خالص
ظبطه ال 95 = بتمسك الفيشه نفسها وتخلي السلك الي في النص زي ما هو والطرف التاني من نفس السلك يكون في الفتحه رقم 3 مش 1
بحيث انك بعد ما تركب الفيشه تاني تلاقيها موصله بين السلك الاسود مع السلك الـ بني×ابيض في الفيشه الرئيسيه الداخله عالكنترول (الفيشه بيكون فيها سلك بني -> اسود -> بنى × ابيض)

اتمنى اكون قدرت اوضح

المشاركة الأصلية كتبت بواسطة samirayad

آه .....أيوه كده أظهر وبان وعليك الأمان

ريقك جرى على البنزين 80 ياسامح

على الرغم من أنك كنت بتخوفنى من محاولة أستعماله

فعلا

النفس أماره بالسوء

لالالالالالا ياهندسة حضرتك فهمتنى غلط
انا لما زكرت حساس التسقيف كان قصدى الافادة للزملاء ان النوبيرا 1 1500 مفهاش حساس تسقيف .

انا اللى جة فى بالى ظبت الفيشة على ال92 اللى هيا بنشيل الفشة خالص .

وللأمانة انا ريقى بيجرى على الغاز مش عارف لية ..... والوضع بعد ارتفاع اسعار الغاز هو اللى هيحدد غاز ولا 90 ولا 80 ولا 70 حتى .

والله يا هندسة الفاصل الاخير فى موضوع البنزين
زى ما حضرتك بتقول مفاجئات شهر 7
يعنى انا اسمع ان ال 95 وال 92 هما بس اللى هيغلوا ( وفى الحالة دى انا هشتغل 90 عادى )
واسمع بردو ان كلة هيغلة من اول 80 ل 95 ( هيبقى ساعتها 80 يا اما غاز ) والله اعلم اية اللى صح فى الكلام دة .