الموضوع: خلاصة الكلام فى ظبط فيشة الاوكتان ( بالصور )

أنا معاك أن وجود حساس التسقيف فى النوبيرا أو الانوس ال 1600 سى سى ( كامتين )

حيقلل ظاهرة التسقيف مع أستعمال بنزين 80

على فكره أسباب التسقيف ممكن يكون ليها أسباب تانيه غير نوع البنزين

زى التسقيف الناتج من عيوب الشراره أو التاكيهات مثلا

وهنا بأه بتيجى الأستفاده من وجود حساس التسقيف

______________________________

طيب وليه اللى عنده نوبيرا يجهد الحساس ده لو حب يستخدم بنزين 80

مايوصل التلت أطراف بتوع مفتاح أختيار أوكتان البنزين المستخدم وخلاص

وأذا كان على عدم وجود الجامبر ( نصف الفيشه اللى فيه الجامبر )

فمش مشكله

أحنا ممكن نعمله ونجرب

وبكده يبقى أستفدنا فعلا ( وفره فى الماديات )

اللى أنا عاوز أأقوله أن الأمور مهيئه تماما فى النوبيرا

لتجربة آداء البنزين ال 80 فيها

طالما التلت أطراف ( الأرضى والأثنين التانيين ) متوصليين بالوحده نفسها

وفعلا طراز وحدة التحكم فى النوبيرا المصرى
يعتبر هو هو الموجود فى الانوس ال 1600 سى سى ( كامتين )

بدليل وجود أطراف مفتاح أختيار نوع البنزين المستخدم دول ( بس فعلا موجودين بألوان تانيه غير بتوع الانوس

ففى النوبيرا التلاته موجودين بألوان كابلات (أزرق + بنى + أصفر )

_____________________

واللى أنا فهمته أن فيه حلقه مفقوده فعلا فى الأمور دى

فتقريبا علشان نظام التشخيص فى النوبيرا المصرى والانوس بيعتبر aldl

ومش obd ii زى الطرازات الأوروبى

بدليل وجود مفتاح أختيار الوقود ده معانا ( فى النوبيرا المصرى )

لأن زى ما أنت عارف أى نظام تشخيص بيعتمد برضه على تصميم

وحدة التحكم نفسها فى مقدرتها على تسجيل أعطال بأكواد معينه


________________________

المهم عاوز أوضحلك أن أمكانية أستعمال ال 80 فى النوبيرا المصرى متاحه فعلا زيها زى الانوس

بواسطة توافر التلت أطراف دول بتوع مفتاح الأوكتان اللى على صله وثيقه بضفيرة وحدة التحكم

____________________________

على فكره مفتاح أختيار نوع البنزين كان موجود زمان بتقنيه مختلفه من خلال جهاز معين فى بعض موزعات الشرر

على أساس أنا بأعمل setting معين

زى نظام مفتاح الأوكتان بتاعنا الحالى بالضبط ( مع فارق الأسلوب )