الموضوع: مرجع لجميع اعطال و مشاكل الانوس و حلولها

مواضيع جميلة ومفيدة

اليكم المشكله دي عربيتي لانوس 2000 و بعد وصولي من مشوار حوالي 50 كم و انا بركن لقيت الماكينه صوتها اتغير واصبح عالي و فيه خروشه و تزييق و رحت للميكانيكي و بمجرد سماع الصوت قال دي بلية الدبرياج و فعلا حل الدبرياج وغيرت طقم دبرياج كامل لان الديسك و الاسطوانه كمان طلعوا محتاجين تغيير لكن الصوت كان من البليه وثمن الطقم كامل بليه وديسك واسطوانه 430 جنيه واصبحت العربيه ما شاء الله ناعمه جدا كما كانت في السابق و الحمد لله

جزاك الله خيرا

المشاركة الأصلية كتبت بواسطة msobhy

المشكلة خروج زيت من عند وش التاكيهات
المحاولات
تغيير جوان وش التاكيهات بواحد رفيع -> فشل
التأكيد على المسامير بشكل مفزع -> فشل
الحل يتم تغيير الجوان بجوان تخين أو سميك
التكلفة
الجوان ب عشرة جنية وواحد صاحبى بتاع قطع غيار بيقول ان فى واحد محترم جدا جدا جدا بعشرين جنية لكن مش موجود
المصناعية
صفر انا اللى ركبته
طريقة تركيب جوان وش التاكيهات
قبل اى شئ يجب وجود عدة للعمل بشكل سهل
مطلوب بنسة بوز طويل - مفتاح مقاس 10 حرف L أو مفتاح باللقم يكون فيه مقاس 10 - قطعة قماش نظيفة لا تعمل وبر - جوان غطاء تاكيهات تخيييييييييييييين - يجب ان تكون السيارة باردة جدا جدا جدا
1- نقوم بفك افيز ماسورة التنفس الخاصة بالغطاء(الماسورة حرف L اللى خارجة من الوش)
2- فك الجوان القديم
3- تنظيف وش التاكيهات
4- تنظيف السطح الملامس لوش التاكيهات بشكل جيد (توجد بعض العلامات السوداء ما هى الا وساخة يجب ازالتها)
5-يتم تركيب الجوان ويجب ان يركب بسلاسة وتأكد من عدم وجود اى مشاكل فى تركيبة بالوش
6- يوجد بعض الجوانات يوجد بها جزء مربع صغير تقريبا 2 مللى فى 6 مللى فى حالة وجودة تأكد من وجودها بالمكان الصحيح (يوجد تجويف صغير لها فى وش التكيهات)
7-قم بتركيب ماسورة التنفس ببطئ وتأكد من ثبات الجوان فى مكانه
8-قم بتركيب الوش فى مكانه ببطئ وقم بوضع المسامير الثمانية فى أماكنهم بدون تثبيت
9-يبدأ ربط الوجه من المنتصف الى الاطراف بشكل X
10- هام جدا........ لا تقم بربط اى مسمار بشكل قوى مرة واحدة يجب تكرار الخطوة رقم 9 على الاقل 6 مرات
11- قم بتدوير الموتور لمده لا تقل عن 10 دقائق ثم اعد الخطوة 9 على الاقل 6 مرات اخرى (الجوان مصنوع من الكاوتشوك وبمجرد تعرضة للسخونة يصبح طرى ويسهل عملية خروج الزيت لذلك يجب اعادة التأكيد عليه)
ملاحظات
--فى الخطوة رقم 11 ستجد ان المسامير شبة مفكوكة مع العلم انك قد اكدت عليهم فى خطوة رقم 9 ....* لاتوجد مشكلة
--تأكد من عدم سقوط اى شئ داخل الموتور اثناء الفك والتركيب
--تأكد من تركيب المسامير بشكل صحيح وانسيابى / كل المسامير ممكن تركيبها باليد حتى اخر 3 مللى من المسمار
-- تأكد من برودة السيارة قبل البدء فى العمل وذللك حتى لا تتعرض للأذى

أرجو ان اكون وفقت فى الشرح
وارجو الافادة للجميع

تم تعديل المداخلة بناء على طلب العضو

مشرف القسم

جزاك الله خيرا

المشكلة : العربية كانت قاطعة كهرباء في الدوار بس لما تفتح الكونتكت في كهربا واصلة لكن العربية تعمل صوت الدواره ومش بتقوم ز

المحاولات ا الفاشلة :

تغير حساس الكرنك
في الاخر الكهربائي قال المشكلة في الكنترولر جيبنا كنترول بنتاع رعبية تانة ودارت وفصلت تاني قال الموبينة فيها مشكلة بتعمل قافلة مع الكنترولر
روحنا لمحمد عسك في الحرفيين غير الاي سي جوه الكنترولر وجيبنا موبينا جديدة واشتغلت الحمد لله
التكلفة :
موبينة جديدة 250 جنيه
تصليح الكنترولر 350
مصنعية الكهربائي 100 جنيه