العطل : تنتيش بعد ما العربية تسخن و ال rpm يكون اعلى من 1800
الكشف : دخت مع جميع التوكيلات و ملاقوش حاجة
العلاج : فصلت خرطوم الهواء الخاص بصمام البيئة EGR
التكلفة : صفر
عرض للطباعة
العطل : تنتيش بعد ما العربية تسخن و ال rpm يكون اعلى من 1800
الكشف : دخت مع جميع التوكيلات و ملاقوش حاجة
العلاج : فصلت خرطوم الهواء الخاص بصمام البيئة EGR
التكلفة : صفر
لانوس 2007 ماشيه 88000
المشكله :
صوت الموتور عالى وصوت تكتكه جوا الموتور
روحت لميكانيكى قالى لازم نغير عمود الكامه والشواكيش والكوستبينات
وفعلا غيرتهم جبتهم استيراد مستعمل ب 600 جنيه
وغيرت زيت وفلاتر وسيور ............ قولت تبئى عمره كامله بالمره
النتيجه:
صوت الموتور هدى شويه بس لسه مش عاجبنى مش عارف اعمل ايه
ولئيت صوت رحه كدا طلعه من جمب الموتور مش عارف دى من ايه
بس يمكن تكون من سير الكاتينه لانو لسه جديد لسه ما طبعش
لسه هاعدى على الميكانيكى تانى اشوف ايه الصوت ده
أمبارح العربية كانت بتنتش وبصراحة أديلها يومين قمت نظفت البوابة والحساس الراكب فيها بالمنظف وكشفت على البوجيهات لقيت أثنين محروقين وأثنين شغالين قمت غيرتهم ونظفت الاثنين السلام وبدلت أماكنهم مع القدام
أجرة الميكانيكى 20 جنية بجانب المنظف والبوجيهات.
العيب/ تقطيع اليوم وانا ماشى ويبان اكثر مع المكيف نتشه
العلاج/ 1 / تغيير طقم بوجيهات n.k.g يابانى ومحفور عليه واحد شمعه ب50 جنيه
2 /تغيير فلتر البنزين وكان كويس بس قلنا افضل واحسن g.m ب 25
والحمد لله كله تمام والتقطيع والتنتيشه راحت
السلام عليكم ورحمه الله وبركاته
يمكن مشكلة مش متككرة كتير
المشكلة -العربية كانت جديدة 30000 كيلو وفجأة وبعد صيانة التوكيل العربية وقفت فى الشارع مش عايزة تدور
وجدود مارش بي لا يوجد أى دوارة من العربية
الحل :- بعد قطر العربية لأقرب كهربائى تمركزت الشكوك حول وجود مياة على البنزين وخصوصا أنى كنت ممون
تم فك الكنبة الخلفية وفتح تانك البنزين بعد ازالة طرمبة البنزين وشفط البنزين القديم وشراء بنزين جديد دون جدوى
-ولا حظ الكهربائى أنه لا يوجد بنزين خارج من الرشاشات وأكتشف أنة فيوز الرشاشات فى علبة الفيوز الداخلية عند السيارة وتم تغيير الفيوز ودارت وكلة تمام والمفاجئة
أحتراق الفيوز الجديد بعد تركيبة بخمس دقائق
وغيرت الفيوز تلو الاخر دون جدوى
ذهبت الى التوكيل فى العبور وقبل الكشف على السيارة قال المهندس(ضفيرة الكمبيوتر)
وفعلاحلت المشكلة نهائيا والحمد لله
أصل المشكلة:-
ذهبت لتغيير ماء الردياتير وأثتاء التغيير أخرج الصانيعى خرطوم طرد الردياتير المغلى وصبة على البطارية أكراما لى وغسيل للبطارية وهو مما أدى لتسييح الضفيرة
أتقوا غباء الصايعية ولكم تحياتى
حصلت لي مشكله سخيفخ جداً كنت رايح أوصل واحد المطار و معتمد على الله جيت أشغل العربيه مدارتش رغم أن البطاريه و المارش كانو شغالين و أحاول أدور الائي السيور بتلف و المتور حالف مايدور المهم فوضت أمري لله و كان يوم حد ومحدش فاتح بالصدفه و أنا ماشي واحد دلني على ميكانيكي جبته فتح علبة الفيوزات و فك الفيوزات و ركبها تاني المشكله أتحلت و الحمد لله و خد 10 جنيه
الأحد 18 يوليو 2010
الأعراض :-
اما وجود بقعة زيت في الدواسة اللي تحت السائق أو نقصان ملحوظ في قربة زيت الباور .
السبب :-
تلف الأويل سيل الموجود أسفل الدريكسيون .
العلاج :-
عفشجي كويس هيغير الأويل سيل لكن يراعي محاولة شراء نوع جيد لأني جبت أبو عشرة جنية وبعد ما العفشجي قفل وروحت بالعربية لقيت العيب زي ما هو رحتلك باعتني جبت نوع تاني أغلي شوية ب 25 ج والحمد لله من وقتها والعيب مظهرش تاني .
صوت الموتور عالى على السلانسيه وعند السرعات العاليه
علبه الشكمان الوسطى مكسوره بسبب حطها فى مطب
تغييرها ب 250 جم شامله عدد 2 وصله ماسوره وفلانشتين